गलाती 4:18 - कोन्छ्‌योककी सुङ

¹⁸ तिवी सेम टेङ्‍बुला ङर्मा वोसिन ङ ख्‍यिरा पर्ला वोतुप पेला तिराङ मिन, ङ मेतुप पेला साङ नरी ङर्मा कितुप गिवी।

गलाती 4:18 Iomraidhean Croise

फिलिप्पी 2:12

ती तप्‍की ङे ङ्‍यिङ्‍ज्‍येवु अच्‍युनुपतिवा, ङ ख्‍यिरा मुला वोतुप पेला ख्‍यिरा ङे खला ङ्‍येन्‍सुङ। ती दोके त ङ मेतुप पेला मङ ङे ताम्‍ङे ङ्‍येन्‍नी सेमला ज्‍यिवा खुर्नी कोन्‍छ्‍योकला ताङ्‍देन क्‍यानी खोरुङ दिक्‍पा ने थरुप लाका तेरी सिन्‍दा कितुपला टेमु किसा।

ज्‍यल्‍का 3:19

सुला ङ ङ्‍यिङ्‍ज्‍ये किवे, तीला वोरु साङ देनिन, तमा ल्‍यामु जोपला छ्‍येर्पा साङ तेरिन। तुक क्‍यानी ख्‍यिराङ मङ टेमु क्‍यानी दिक्‍पा ने ग्‍युर।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

गलाती 4:13

ङ अमोछ्‍यो वोतुप तप्‍की ङे ख्‍यिराङला थल्‍माला लेन ल्‍यामु ख्‍याप्‍टाक क्‍यावु ति छ्‍या राङ वे।

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

यूहन्‍ना 2:17

ती थोङ्‍सिमा खोकी लोमातिवी कोन्‍छ्‍योककी सुङ नाङ्‍ला “चोवोकी ल्‍हङाङकी थोक्‍ला ङे सेम ति छासे छिकिनोक।” सिनी टि वोतुप ति नासाम शार्सुङ।

गलाती 4:20

ङ ख्‍यिरा मुला वोतुप यिन्‍सिन ख्‍यिराङला ङे ल्‍यामो क्‍यानी ताम्‍ङे कितुप्‍जा, यिने ङ थाक्‍रिङ्‍बु वोतुप तप्‍की ख्‍यला ख्‍यिला गाल्‍सुङ।

गलाती 4:17

यम्‍बा लेन ल्‍यामु मेटेङ्‍बुला क्‍योकुप मीतिवी ख्‍यिराङला ताम्‍ङे ल्‍यामु जोनी लुकिवी। ती ति तिवी सेम टेङ्‍बु क्‍यानी मिन, ङे मु नेसुर कुतुक पेनी खोप्‍रे ताम्‍ङेला ङर्मा जोपला यिन।