गलाती 4:15 - कोन्छ्‌योककी सुङ

¹⁵ तोजो पेला वोतुप ख्‍यिरा गा ति कनी गाल? च्‍यिलासिसिन ङला गोसिन ख्‍यिरा ङला रङगी मिक साङ तेन्‍नी तेर थुपुप ति यिन्‍जा।

गलाती 4:15 Iomraidhean Croise

लूका 8:13

दोप्‍रोक खला ख्‍येलुपतिवा ति दिवा राङ यिन। तिवी कोन्‍छ्‍योककी सुङ ङ्‍येन्‍नी गा क्‍यानी तीला सेमला लिङ्‍गिवी, यिने मर मेतुप दोके सेमगी दिङ्‍ला सुङ माज्‍यकुप तप्‍की उकुर च्‍यिक तिराङ तेपा किवी, यिने खोक्‍पा ल्‍हापला ख्‍येल्‍सिमा तिवी तेपा क्‍युर्नी ज्‍योकिवी।

रोमी 10:2

ङ दी ताम्‍ङे ति पङ्‍बु तेरिन। ती ति काङ यिन सिसिन, तिवी कोन्‍छ्‍योककी थोक्‍ला ल्‍यामो क्‍यानी शब्‍ज्‍यी कितुपला गा क्‍यासुङ, यिने चुक क्‍यानी खोला शब्‍ज्‍यी कि गोकिवी सिरुप ति तिवाला हाक्‍मोकोनोक।

रोमी 15:13

ख्‍यिराङला रेवा नङ्‍गुप कोन्‍छ्‍योककी ख्‍यिरा क्‍यावु तेपाकी थोक्‍ला गा ताङ लोदिमु तेरी नङ्‍शी। तमा ख्‍यिराङ खोकी थु चाङ्‍माकी ओङला मङ मङ रेवा क्‍यानी दे थुप्‍शी।

रोमी 5:2

दाक्‍पी येशू ख्रीष्‍टला तेपा क्‍यावु तप्‍की खोकी दाक्‍पुला कटिन नङ्‍नी वे। ती कटिनला राङ दाक्‍पु तसाम देनी वे। तमा ज्‍युक्‍थमाला कोन्‍छ्‍योककी दाक्‍पुला नङ्‍गुप मोवाकी थोक्‍ला रेवा क्‍यानी गा किवी।

रोमी 9:3

ङरा यहूदी अच्‍युनुपतिवी थोक्‍ला यिन्‍सिन ङला काङ मोताप तप्‍सिनाङ, ख्रीष्‍ट नेसुर क्‍युन ज्‍याक्‍सिनाङ ङला गा लङ्‍गिवी।

२ कोरिन्थी 8:3

ङ ख्‍यिराङला पङ्‍बु तेरिन, तिवी खोप्‍रे तेर थुपुप सिनाङ मङ ल्‍हक्‍पा सेम्‍बा सेमगी दाल्‍जा किटे क्‍यासुङ।

गलाती 3:14

ख्रीष्‍टकी तुक क्‍यावु तेन्‍दोक ति अब्राहामला बिन्‍दुप मोलाम ति यहूदी मिन्‍दुप मिरिक यम्‍बाकी मीतिवाला ङ्‍ये थुप्‍शी, तमा दाक्‍पुला ति तेपा क्‍यासिमा कोन्‍छ्‍योककी थाक्‍छ्‍येन नङ्‍गुप थु चाङ्‍मा ङ्‍ये थुप्‍शी सिनी यिन।

गलाती 4:14

ङ अमोछ्‍यो वोतुप ति ख्‍यिरा थोक्‍ला खोक्‍पा ल्‍हावु दोके गल्‍सिनाङ ख्‍यिरा ङला ङ्‍यिङ्‍मर माक्‍या, मारे साङ माताङ। यिने देवाच्‍येनकी लेन क्‍योलुप थु ताङ ख्रीष्‍ट येशूला दोके ताङ्‍देन क्‍यासुङ।

गलाती 4:16

काङ ङे ताम्‍ङे टेङ्‍बु लाप्‍नी के ख्‍यिरा मुला डला गलुप यिन रो?

गलाती 4:19

ङे ङ्‍यिङ्‍ज्‍येवु आङातिवा, ख्‍यिराङ ति ख्रीष्‍टकी दोके मिजी माक्‍योङ्‍वा सेक ङ ति आङा क्‍येप पुम्‍पेजाला सुक ग्‍यपुप दोके छेटाङला ख्‍येल्‍नी दे गोकिवी।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

गलाती 6:4

तीकी थोक्‍ला तेरीकी खोरो क्‍यावु लाका ति ल्‍यामो क्‍यानी ल्हो। खोरो क्‍यावु लाका ति मी यम्‍बी मुला डिक्‍नी माल्‍हा। मिसियाङ ख्‍युरुङ छ्‍येजु कितुप डिवितो।

कलस्सी 4:13

ङ तीकी थोक्‍ला पङ्‍बु तेरिन, तीकी वुतुङ के ख्‍यिराङ ताङ लाउडिकिया ताङ हिरापोलिसला वोतुप मीतिवी थोक्‍ला छासे टेमु क्‍या वे।

१ थेसलोनिकी 2:8

तुक क्‍यानी ङ्‍यिरा ख्‍यिराङला छासे ङ्‍यिङ्‍ज्‍ये लानी कोन्‍छ्‍योककी लेन ल्‍यामु तिराङ ख्‍याप्‍टाक क्‍यावु मिन, ङ्‍यिरा मिजी साङ ख्‍यिरा थोक्‍ला तेरुप छलिन।

१ थेसलोनिकी 5:13

तमा तिवी क्‍यावु लाकाकी थोक्‍ला तिवाला ल्‍यामु क्‍यानी मङ ताङ्‍देन किसा। ख्‍यिराङ तेरीकी मुला थिन्‍नी देता।