गलाती 3:5 - कोन्छ्‌योककी सुङ

⁵ दी ख्‍यिरा मिजीला वोतुप खोकी थु चाङ्‍माकी लाका ताङ हलेवु लाका ति ख्‍यिरा मोशाकी ठिमला तेन्‍नी थोपुप यिन की, येशू ख्रीष्‍टकी लेन ल्‍यामुला थोनी तेपा क्‍यानी थोपुप यिन?

गलाती 3:5 Iomraidhean Croise

लोमा छ्‍येतिवी लाका 14:3

ती तप्‍की पावल ताङ बारनाबासकी ङाडेङ क्‍यानी चोवो येशूकी सुङ ख्‍याप्‍टाक कियी ङ्‍यिमा अलायी सेक ते राङ देसुङ। तमा चोवो येशूकी तिवाला हलेवु ततिवा ताङ येम्‍जेन लङ्‍गुप लाकातिवा कितुप ओङ नङ्‍नी तिवी ख्‍याप्‍टाक क्‍यावु सुङ ति टेङ्‍बु यिन सिनी पङ्‍बु छ्‍या तेन्‍सुङ।

रोमी 10:17

तुक क्‍यानी तेपा ति कोन्‍छ्‍योककी सुङ थोसिमा गिवी, तमा ती थोवु सुङ ति ख्रीष्‍टकी सुङ नेसुर गिवी।

रोमी 15:19

ततिवा ताङ हलेवु लाकाकी ओङ ताङ, कोन्‍छ्‍योककी थु चाङ्‍माकी ओङ नेसुर क्‍यावु यिन। तुक क्‍यानी येशू ख्रीष्‍टकी लेन ल्‍यामु ति यरूशलेम नेज्‍युनी इल्‍लुरिकन सेक तेरी दासाला ङे ख्‍याप्‍टाक क्‍यायी।

१ कोरिन्‍थी 12:10

तमा ललाइला ति हलेवु लाका छ्‍या देन्‍दुप ताङ ललाइला ति नम्‍दर शेतुप ताङ ललाइला ति मीतिवी लापुप सुङ ति खोकी थु चाङ्‍मा नेमा यिन्‍दुप मिन्‍दुप हाक्‍को ज्‍यितुप कटिनकी ङ्‍येम्‍बा नङ्‍नी वे। तमा ललाइला ति ग्‍येताम कुतुक कुतुक लपुप ताङ ललाइला ति ती ग्‍येताम ति छिक ग्‍युरुप कटिनकी ङ्‍येम्‍बा नङ वे।

२ कोरिन्थी 10:4

ङ्‍यिरा थमु ग्‍यकुप लक्‍च्‍येतिवा ति दी जम्‍बुलिङकी दोके मिन, यिने कोन्‍छ्‍योककी ङार यिन। तीकी कोन्‍छ्‍योककी तेन्‍दोकला लङ्‍गुप दुक्‍टाकी ओङ्‍ज्‍येनतिवा तेरी ना तोङ्‍गिवी, तमा तेन्‍दोक मेतुप खाँदा लोङ्‍गुप ताम्‍ङेतिवा साङ ना तोङ्‍गिवी।

२ कोरिन्थी 12:12

ङ वुतुङ के लोमा छ्‍ये यिन सिरुप ति छ्‍या देन्‍दुपला ख्‍यिरा पर्ला छासे डेकला देनी हलेवु ततिवा ताङ हलेवु लाकातिवा ताङ ङार छ्‍येवु लाकातिवा क्‍यावु यिन।

२ कोरिन्थी 13:3

च्‍यिलासिसिन ख्रीष्‍ट ङे मिजी नेमा ताम्‍ङे किवी सिरुप पङ्‍बु ति ख्‍यिरा छोल्‍गितो। खोकी ख्‍यिरा पर्ला ठिम क्‍या नङ्‍गुप पेला खो ङार मेतुप मिन, ङार छ्‍येवु वोतुप ति हाक्‍कोकिवी।

२ कोरिन्थी 3:8

मिजी थोपुप कोन्‍छ्‍योककी थु चाङ्‍माकी शब्‍ज्‍यी कितुप लाकाला याङ मङ चोके वोसिर वोते?

२ कोरिन्थी 9:10

देपुपतिवाला सेन ताङ सापला समा नङ्‍गुप कोन्‍छ्‍योककी ख्‍यिराङला गोवु तेरी सेन नङ्‍गिवी, तमा तीला फेल ज्‍यिकिवी। तुक क्‍यासिन ख्‍यिरा मीतिवाला मङ दाल्‍जा किटे कि थुप्‍किवी।

गलाती 3:2

ङ ख्‍यिराङला ताम्‍ङे यी टेयिन। ती ति काङ यिन सिसिन, ख्‍यिरा कोन्‍छ्‍योककी थु चाङ्‍मा ति मोशाकी ठिमकी लाका क्‍यानी थोपुप यिन की, कोन्‍छ्‍योककी सुङला तेपा क्‍यानी थोपुप यिन?

फिलिप्पी 1:19

च्‍यिलासिसिन ख्‍यिरा क्‍यावु मोपोर ताङ येशू ख्रीष्‍ट नेमा वावु थु चाङ्‍माकी दाल्‍जा क्‍यानी ङ दी चोन्‍खाङ ने थर थुप्‍किवी सिरुप ति ङला छ्‍या वे।