गलाती 3:23 - कोन्छ्‌योककी सुङ

²³ येशू ख्रीष्‍ट फेप्‍सिमा खोला तेपा माक्‍यावा सेक दाक्‍पु ति मोशाकी ठिमकी ओङला ज्‍याक्‍नी वे।

गलाती 3:23 Iomraidhean Croise

यूहन्‍ना 3:34

कोन्‍छ्‍योककी तङ्‍गुप तीकी कोन्‍छ्‍योककी सुङ लप्‍किवी, च्‍यिलासिसिन कोन्‍छ्‍योककी तीला खोकी थु चाङ्‍मा छासे मङ्‍मु नङ्‍गुप तप्‍की यिन।

रोमी 11:32

च्‍यिलासिसिन कोन्‍छ्‍योककी च्‍यम्‍बा ति तेरी मीतिवाला थोप्‍शी सिनी खोकी तिवाला खोरे खला मेङ्‍येन्‍दुप जो नङ वे।

रोमी 3:19

दी मोशाकी ठिमला सिक्‍यावु तेरी ताम्‍ङे ति ठिमकी ओङला वोतुप मीतिवाला राङ सिक्‍यावु यिन सिरुप ति दाक्‍पुला छ्‍या वे। ती तप्‍की तेरी जम्‍बुलिङकी मीतिवा कोन्‍छ्‍योककी दोङ्‍ला ख चुम क्‍या देनी तेरी मीतिवा दिक्‍छेन यिनोक सिनी हाक्‍कोवा कि गोकिवी।

गलाती 3:19

तुकै यिन्‍सिन दी मोशाकी ठिम ति च्‍यिला बिन्‍दुप यिनाङ? ती ति कोन्‍छ्‍योककी थाक्‍छ्‍येन नङ्‍गुप गिपा वुङ्‍दा सेक दिक्‍पा छ्‍या देन्‍दुपला जो नङ्‍गुप यिन। ती मोशाकी ठिम ति देवाच्‍येनकी लेन क्‍योलुप थुतिवा नेसुर खोकी मोशाला नङ्‍गुप यिन। तमा ती ति मोशाकी मीतिवाला बिन्‍दुप यिन।

गलाती 4:21

ख्‍यिराङ मोशाकी ठिमकी ओङला देतुप नो कितुपतिवाला ङ ताम्‍ङे यी टेयी। मोशाकी ठिमकी दाक्‍पुला काङ लोप्‍किवी ख्‍यिराङला छ्‍या वे?

गलाती 5:18

ख्‍यिराङ थु चाङ्‍माकी ओङला युसुङ सिसिन ठिमकी ओङला मे।

हिब्रू 11:13

ती तेरी मीतिवा कोन्‍छ्‍योककी थाक्‍छ्‍येन नङ्‍गुप ति माङ्‍येवाला राङ तेपा क्‍यानी शिसुङ। यिन्‍सिनाङ तिवी कोन्‍छ्‍योककी थाक्‍छ्‍येन नङ्‍गुप ति ङ्‍यिम्‍ज्‍यिक ङ्‍येकिवी सिनी तेपा क्‍यानी तिवी सेमला गा लासुङ। तमा दी जम्‍बुलिङला दाक्‍पु ति छ्‍यिग्‍यपकी मी ताङ मिमेलुङ्‍दुङ दोके यिनोक सिरुप ति पङ्‍बु बिन्‍सुङ।

हिब्रू 12:2

तमा दाक्‍पी तेपा गो जुवु ताङ ती तेरी छे ज्‍यितुप चोवो येशूला तिराङ नरी ल्‍हाप। खोकी खोरे दोङ्‍ला वोतुप गाकी थोक्‍ला मीतिवी मारे तङ्‍सिनाङ काङ नो माक्‍यानी हम क्‍यानी ग्‍यङ्‍शिङ लोला टुङ्‍सुङ। तमा कोन्‍छ्‍योककी ग्‍येल्‍ठिककी यावी थाकाला ज्‍युसुङ।