गलाती 3:16 - कोन्छ्‌योककी सुङ

¹⁶ कोन्‍छ्‍योककी अब्राहाम ताङ तीकी गिपाला थाक्‍छ्‍येन नङ्‍गुप पेला “ख्‍योरो गिपातिवाला” सिनी मी बङीला मासुङ, यिने “ख्‍योरो गिपा च्‍यिक राङला” सिनी सुङ्‍नी वे। ती च्‍यिक राङ वोतुप गिपा ति ख्रीष्‍ट यिन।

गलाती 3:16 Iomraidhean Croise

मत्ती 1:1

येशू ख्रीष्‍ट ति अब्राहाम ताङ ग्‍येल्‍वु दाऊदकी गिपा यिन। दिवा ति अब्राहाम ताङ ग्‍येल्‍वु दाऊदकी गिपा येशू ख्रीष्‍टकी पगावा हङ्‍गावातिवा यिन।

लूका 1:55

तमा खोकी अब्राहाम ताङ तीकी तेरी गिपातिवाला नरीकी नरी च्‍यम्‍बा कितुप टोक माज्‍ये वे।”

लोमा छ्‍येतिवी लाका 3:25

चुका कोन्‍छ्‍योककी ख्‍यिरा हङ्‍गावातिवाला थाक्‍छ्‍येसुङ, ख्‍यिराङ साङ ती कोन्‍छ्‍योककी लुङ्‍तेम्‍बातिवा ताङ थाक्‍छ्‍येवुकी गिपा राङ यिन। ख्‍यिरा हङ्‍गावा अब्राहामला ‘ख्‍योरो गिपा नेसुर राङ जम्‍बुलिङकी तेरी मिछाङतिवी मोलाम थोप्‍कितो’ सिनी कोन्‍छ्‍योककी सुङ्‍सुङ।

रोमी 12:5

ती दोके दाक्‍पु बङी वोसिनाङ ख्रीष्‍ट ताङ मुला च्‍यिक्‍पा राङ जोवु तप्‍की जु ति च्‍यिक राङ यिन। तमा दाक्‍पु रे रे च्‍यिक ताङ च्‍यिककी येन्‍लकतिवा यिन।

रोमी 4:13

तमा अब्राहाम ताङ खोकी गिपातिवाला ती जम्‍बुलिङ ति अंश ग्‍यप्‍नी नङ्‍गिवी सिनी कोन्‍छ्‍योककी थाक्‍छ्‍येन नङ्‍गुप ति तिवी मोशाकी ठिमला सिक्‍यावु दोके लाका क्‍यानी मिन, यिने तेपा क्‍यानी टेङ्‍बु च्‍युङ्‍गुप नेसुर यिन।

रोमी 4:16

ती तप्‍की कोन्‍छ्‍योककी थाक्‍छ्‍येन नङ्‍गुप ति खोला तेपा कितुप मीतिवाला बिन्‍दुप यिन। ती थाक्‍छ्‍येतुप ति कोन्‍छ्‍योककी कटिन नेसुर वावु तप्‍की मोशाकी ठिमला युकुप मीतिवी थोक्‍ला तिराङ मिन, अब्राहामकी दोके तेपा कितुप तीकी गिपातिवा तेरीला तेरुप सिनी तेन्‍तेन क्‍यावु यिन। तुक क्‍यानी अब्राहाम ति तेपा कितुप मी तेरीकी हङ्‍गावा यिन।

रोमी 9:4

तिवा ति इस्राएलकी मीतिवा यिन। कोन्‍छ्‍योककी तिवाला खोरो पुज्‍युङ जो नाङ्‍सुङ, खोकी तिवाला खोरे मोवा छ्‍या तेन्‍सुङ, खोकी तिवी मुला थाक्‍छ्‍येवु ताम्‍ङे जो नाङ्‍सुङ, मोशा नेसुर ठिम साङ जो नाङ्‍सुङ, खोकी तिवाला यहूदी ल्‍हङाङला सोवा देकुप ताङ थाक्‍छ्‍येन नङ्‍गुप ताम्‍ङे साङ तिवाला राङ नाङ्‍सुङ।

१ कोरिन्‍थी 12:12

मी जु ति च्‍यिक राङ वोसिनाङ ती जुला लाक्‍पा काङ्‍बा ताङ यम्‍बा येन्‍लकतिवा बङी वे। तमा येन्‍लकतिवा बङी वोसिनाङ जु ति च्‍यिक राङ वे। ती दोके ख्रीष्‍टला तेपा कितुपतिवा बङी वोसिनाङ ख्रीष्‍ट ति च्‍यिक राङ ज्‍यु वे।

१ कोरिन्‍थी 12:27

ख्‍यिराङ तेरी ख्रीष्‍टकी जु यिन, तमा खोकी जुकी येन्‍लकतिवा रे रे यिन।

२ कोरिन्थी 11:22

तिवा हिब्रू यिन सिसिन ङ साङ हिब्रू यिन। तिवा इस्राएलकी मीतिवा यिन्‍सिन ङ साङ इस्राएलकी मी यिन। तिवा अब्राहामकी गिपा यिन्‍सिन ङ साङ अब्राहामकी गिपा राङ यिन।

गलाती 3:19

तुकै यिन्‍सिन दी मोशाकी ठिम ति च्‍यिला बिन्‍दुप यिनाङ? ती ति कोन्‍छ्‍योककी थाक्‍छ्‍येन नङ्‍गुप गिपा वुङ्‍दा सेक दिक्‍पा छ्‍या देन्‍दुपला जो नङ्‍गुप यिन। ती मोशाकी ठिम ति देवाच्‍येनकी लेन क्‍योलुप थुतिवा नेसुर खोकी मोशाला नङ्‍गुप यिन। तमा ती ति मोशाकी मीतिवाला बिन्‍दुप यिन।

गलाती 3:8

खोकी सुङला खोरे राङ यहूदी मिन्‍दुप मिरिक यम्‍बाकी मीतिवाला तिवी क्‍यावु तेपा नेसुर टेङ्‍बु च्‍युङ्‍गुप ति गोमाला के हाक्‍कोसिमा “ख्‍युरुङ नेसुर राङ तेरी गिपातिवाला मोलाम थोप्‍किवी।” सिनी अब्राहामला गोमाला के सुङ्‍नी वे।

एफिसी 5:32

दी ति छासे छ्‍याकला वोतुप ताम्‍ङे यिन। ङ ति दी ताम्‍ङे ख्रीष्‍ट ताङ चर्चकी तम्‍जीकी कोर्ला लपिन।

कलस्सी 2:19

तमा ख्रीष्‍ट ताङ मुला तम्‍जी माजोनी कुतुक देकिवी। यिने ख्रीष्‍टकी ओङला देसिन तीकी तेरी जु ति थिन्‍जाम ताङ चतिवा टेक टेक थिनी ख्रीष्‍टकी ङार नेसुर कोन्‍छ्‍योककी नोवाला वोतुप दोके फेलिन डिवी।

कलस्सी 3:11

कोन्‍छ्‍योककी मिजी सम्‍बा जो नङ्‍गुप तप्‍की दे याङ ग्रीक ताङ यहूदी, च्‍येतुप लुक्‍सु क्‍यावु ताङ च्‍येतुप लुक्‍सु माक्‍यावु, छ्‍यिग्‍यपकी मी ताङ च्‍योलाम ल्‍यामु मेतुप मी, योक्‍पु ताङ योक्‍पु मिन्‍दुप मीतिवी पर्ला काङ साङ ख्‍ये मे। यिने ख्रीष्‍ट तिराङ तेरी सिनाङ खक्‍छ्‍येवु वे, तमा खो ति तेरी मीतिवी मुला ज्‍यु वे।