गलाती 3:15 - कोन्छ्‌योककी सुङ

¹⁵ अच्‍युनुपतिवा, ङे सिक्‍यावु ताम्‍ङे ति ख्‍यिरा हाक्‍कोशी सिनी ख्‍यिराङला मीतिवी पे नेसुर लापिन। थेङ्‍मा यी थाक्‍छ्‍येनी यिकीला सही क्‍यासिमा तीला सी साङ मिन सिनी सि मुथुपी, तमा ताम्‍ङे ल्‍हक्‍पा ज्‍याक्‍नी टिक साङ मुथुपी।

गलाती 3:15 Iomraidhean Croise

लोमा छ्‍येतिवी लाका 1:15

ती पेला ते तेपा कितुपतिवा मी मिरा सयी च्‍यिक ताङ खल ज्‍यिक चोयी जोम्‍नोक। तमा पत्रुसकी तिवी पर्ला टङी लानी सिक्‍यासुङ,

रोमी 1:13

अच्‍युनुपतिवा, दी ताम्‍ङे ति ख्‍यिरा ल्‍यामु हाक्‍कोशी सिरुप ति ङे नोवा वे। काङ यिन सिसिन ङ ति थेङ्‍मा अलायी सेक ख्‍यिराङला ठेतुपला वुङ्‍गुप नो क्‍यायी। च्‍यिलासिसिन ङ ख्‍यिराङला गल्‍नी यहूदी मिन्‍दुप मिरिक यम्‍बाकी मीतिवी पर्ला तेपा रम्‍बु वोतुप मीतिवा अलायी ल्‍हावु दोके ख्‍यिराङ रोमला वोतुपतिवी पर नेमा साङ तेपा रम्‍बु वोतुप मीतिवा ल्‍हाप ङला नो वे। यिने तन्‍दा सेक ङला देराङ क्‍येक्‍नी ज्‍याङ वे।

रोमी 3:5

दोजो दाक्‍पी दिक्‍पा क्‍यासिमा कोन्‍छ्‍योक ति टेङ्‍बु वोतुप कोन्‍छ्‍योक यिन सिरुप ति हाक्‍कोकिवी सिसिन दाक्‍पु काङ सिरुप? दाक्‍पुला पर्च्या तोङ्‍गुप कोन्‍छ्‍योक ति मेटेङ्‍बु यिन रो? माङ्‍शोक मीतिवी तुकै राङ नासाम तोङ्‍गिवी।

रोमी 6:19

दी ताम्‍ङे ति ख्‍यिराङला हाक्‍कोवु कले वे। ती तप्‍की ङ ख्‍यिरा हाक्‍कोवु ग्‍येतामला सिरिन। च्‍यिलासिसिन तोङ्‍ला ख्‍यिराङ थेङ्‍मा यी ख्‍यिरा रङगी जुकी येन्‍लकतिवा मेटेङ्‍बु कितुप ताङ छासे दुक्‍चे क्‍येनकी लाका कितुपला योक्‍पु दोके च्‍युङ्‍सुङ, यिने त याङ ती ख्‍यिरा जुकी येन्‍लकतिवा कोन्‍छ्‍योककी थोङ्‍दाङला टेङ्‍बु कितुप योक्‍पु दोके खोला चेक ते।

१ कोरिन्‍थी 15:32

दोजो ङे एफिससला नाठुङ वुङगी सेम्‍ज्‍येन दोके वोतुप मीतिवी मुला थमु ग्‍यप्‍सिनाङ ङला काङ ख्‍येप्‍साङ वे रो? दोजो शेपतिवा सेन्‍बु मलाङ्‍गुप यिन्‍सियाङ “दाक्‍पु साप ताङ थुङ्‍गुप कितुप्‍जा, च्‍यिलासिसिन दाक्‍पु याङ सला शिवी।” सिनी सि थुप्‍किवी।

गलाती 6:18

अच्‍युनुपतिवा, दाक्‍पी चोवो येशू ख्रीष्‍टकी कटिन ति ख्‍यिरा सेमला वुङ्‍शी। आमिन।

हिब्रू 6:13

कोन्‍छ्‍योककी अब्राहामला थाक्‍छ्‍येन नङ्‍गुप पेला खो सिनाङ यम्‍बा सु साङ छ्‍ये मेतुप तप्‍की खोरे मिङला दुक सिनी न क्‍याल्‍सुङ,

हिब्रू 6:16

मीतिवा खोप्‍राङ सिनाङ मी छ्‍येतिवी मिङला न क्‍योल्‍गिवी, तमा न क्‍यल्‍नी राङ सिक्‍यावु ताम्‍ङेतिवा तेन्‍तेन कितुप ताङ तेरी खाँदातिवा डिकिवी।

हिब्रू 9:17

च्‍यिलासिसिन ती मी ति शिसिमा तिराङ तीकी खज्‍यम ज्‍यकुप ताम्‍ङे ति लाका कि थुप्‍किवी। खज्‍यम ज्‍योकुप मी ति सेन्‍बु वोता सेक ती खज्‍यम ज्‍यकुप ताम्‍ङेकी लाका कि मुथुपी।