Biblia Todo Logo
Bìoball air-loidhne

- Sanasan -




गलाती 3:13 - कोन्छ्‌योककी सुङ

13 ख्रीष्‍टकी ग्‍यङ्‍शिङला कल्‍नी दाक्‍पी थोक्‍ला पर्च्या खुर्नी दाक्‍पुला मोशाकी ठिम तेरी मातेन्‍नी वुङ्‍गुप पर्च्या ने र्‍होक्‍सुङ। च्‍यिलासिसिन ग्‍यङ्‍शिङला कलुप ति तेरी पर्च्या फोकुप यिन सिनी सुङला टि वे।

Faic an caibideil Dèan lethbhreac




गलाती 3:13
43 Iomraidhean Croise  

ती ति मी बङीकी थोक्‍ला दिक्‍पा ने थर ज्‍यितुपला देन्‍दुप कोन्‍छ्‍योककी थाक्‍छ्‍येन नङ्‍गुप ङे ठक यिन।


तमा यहूदाकी ती ङुलकी डप्‍बुतिवा ल्‍हङाङ नाङ्‍ला राङ क्‍युर ज्‍याक्‍नी तेसुर थेन गल्‍नी खोरुङ राङ नामला कल्‍नी शिनोक।


च्‍यिलासिसिन ख्‍यिरा ग्‍यङ्‍शिङ लोला कल्‍नी सेतुप येशूला दाक्‍पी हङ्‍गावातिवी कोन्‍छ्‍योककी शेप ने ङोसु लाङ्‍सुङ।


येशू ख्रीष्‍ट ति दाक्‍पी दिक्‍पी थोक्‍ला टुङ्‍सुङ, तमा दाक्‍पु कोन्‍छ्‍योककी थोङ्‍दाङला टेङ्‍बु ङ्‍येतुपला खो ङोसु लासुङ।


ङरा यहूदी अच्‍युनुपतिवी थोक्‍ला यिन्‍सिन ङला काङ मोताप तप्‍सिनाङ, ख्रीष्‍ट नेसुर क्‍युन ज्‍याक्‍सिनाङ ङला गा लङ्‍गिवी।


ख्रीष्‍टला दिक्‍पा मे, यिन्‍सिनाङ कोन्‍छ्‍योककी दाक्‍पी क्‍यावु दिक्‍पी थोक्‍ला खोला पर्च्या नाङ्‍सुङ। तुक क्‍यानी ख्रीष्‍ट नेसुर दाक्‍पु ति खोकी थोङ्‍दाङला टेङ्‍बु च्‍युङ्‍सुङ।


तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”


तीकी तेन्‍दोक ति मोशाकी ठिमकी ओङला वोतुप मीतिवाला थर ज्‍यितुप ताङ दाक्‍पु कोन्‍छ्‍योककी थाक्‍छ्‍येन नङ्‍गुप पेजा च्‍युङ्‍गुपला यिन।


येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।


ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।


खो दासा चाङ्‍मा नेसुर क्‍यानी तेरी सिनाङ चाङ्‍मा वोतुप दासाला फेप्‍सुङ। ती पेला खो रौ ताङ लङ्‍डुकी ठक खुर्नी फेपुप मिन, यिने खो ग्‍यङ्‍शिङला टुङ्‍नी थेन्‍दुप खोरे ठक नेसुर थेङ्‍मा च्‍यिकला राङ फेप्‍नी ती ठक नेसुर खोकी दाक्‍पी थोक्‍ला नाम्‍साङ मिशिवु थर्वा ङ्‍येसुङ।


तुक क्‍यानी ख्रीष्‍ट ति कोन्‍छ्‍योक ताङ मीतिवी पर्ला थाक्‍छ्‍येतुप ताम्‍ङे सम्‍बाला डिङ तेरुप लाका क्‍या नङ्‍गिवी। खोकी तुक क्‍या नङ्‍गुप ति कोन्‍छ्‍योककी कतङ्‍गुप मीतिवाला नरीकी थोक्‍ला खोकी थाक्‍छ्‍येन नङ्‍गुप मोलाम ति थोप्‍शी सिनी यिन। च्‍यिलासिसिन खो मीतिवी गोमी थाक्‍छ्‍येतुप ठिमला क्‍यावु दिक्‍पा ने थर ज्‍यितुपला टुङ्‍सुङ।


मिसियाङ जम्‍बुलिङ ज्‍येङ्‍गुप पेला नेज्‍यु तन्‍दा सेक ख्रीष्‍टकी येलुङ येलुङ दुक्‍पा खुर गोवुजा। यिने खो याङ दिक्‍पा पङ्‍गुपला थेङ्‍मा च्‍यिकला राङ जिन्‍बा च्‍युङ्‍गुपला दी कल्‍वाकी तिङ्‍मी तुजेला फेप्‍सुङ।


तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।


तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।


च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।


ङ्‍यिङ्‍ज्‍ये सिरुप ति काङ यिन सिसिन, कोन्‍छ्‍योकला दाक्‍पी ङ्‍यिङ्‍ज्‍ये क्‍यावु मिन, यिने खोकी दाक्‍पुला ङ्‍यिङ्‍ज्‍ये क्‍या नाङ्‍नी दाक्‍पी दिक्‍पी ठिलेन च्‍योलुपला खोकी सेवु येशू ख्रीष्‍ट ताङ्‍नी जिन्‍बा च्‍युङ च्‍यिसुङ।


तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।


तुक क्‍यानी सेतुप लुक रुककी मिजीकी थेप नाङ्‍ला जम्‍बुलिङ ज्‍येङ्‍गुप गोमाला के मिङ टिनी वोतुप मीतिवा मिसिन यम्‍बा जम्‍बुलिङला वोतुप मीतिवा तेरीकी ती सेम्‍ज्‍येनला राङ ताङ्‍देन किवी।


तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।


Lean sinn:

Sanasan


Sanasan