गलाती 3:11 - कोन्छ्‌योककी सुङ

¹¹ दी तेरी ल्‍हानी काङ हाक्‍कोकिवी सिसिन, कोन्‍छ्‍योककी थोङ्‍दाङला मीतिवा सु साङ ठिमला तेन्‍नी टेङ्‍बु च्‍युङ मुथुपी, च्‍यिलासिसिन “टेङ्‍बु ति तेपा क्‍यानी तिराङ च्‍युङ थुप्‍किवी।” सिनी सुङला टि वे।

गलाती 3:11 Iomraidhean Croise

रोमी 1:17

ती लेन ल्‍यामु ति कोन्‍छ्‍योककी थोङ्‍दाङला दाक्‍पु दिक्‍छेनतिवाला चुक क्‍यानी टेङ्‍बु वोतुप जोवु ति छ्‍या तेन्‍सुङ। ती टेङ्‍बु ति दाक्‍पी येशूला तेपा क्‍यासिमा तिराङ गिवी। कोन्‍छ्‍योककी सुङला साङ “खोला तेपा क्‍यानी टेङ्‍बु च्‍युङ्‍गुप मीतिवा ति तिवी क्‍यावु तेपा नेमा मिजी ङ्‍येकिवी।” सिनी टि वे।

गलाती 2:16

दाक्‍पु ति मोशाकी ठिमला वोतुप लाकातिवा क्‍यानी टेङ्‍बु च्‍युङ्‍गुप मिन, येशू ख्रीष्‍टला तेपा क्‍यासिमा टेङ्‍बु च्‍युङ्‍गुप यिन सिनी हाक्‍कोकिवी। तुक क्‍यानी मोशाकी ठिमला वोतुप लाकातिवा क्‍यानी टेङ्‍बु च्‍युङ्‍गुप मिन, यिने ख्रीष्‍टला तेपा क्‍यासिमा टेङ्‍बु च्‍युङ्‍गुप तप्‍की दाक्‍पु यहूदी साङ येशू ख्रीष्‍टला तेपा किवी। च्‍यिलासिसिन मोशाकी ठिमला वोतुप लाकातिवा क्‍यानी सु साङ टेङ्‍बु च्‍युङ मुथुपी।

हिब्रू 10:38

ङे थोङ्‍दाङला टेङ्‍बु च्‍युङ्‍गुप मीतिवा ति ङला तेपा क्‍यानी सेन्‍बु लुकिवी, यिने ङला तेपा कितुप क्‍युर्नी ज्‍योकुप तीकी मुला ति ङ गा मिकी।” सिनी टि वे।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।

याकूब 3:2

दाक्‍पु तेरीकी च्‍यिक मे च्‍यिक याङ मेलोवा क्‍यावु राङ गिवी। चुका मी तीकी खोरो ख डेकला ज्‍योकिवे, तीकी खोरो जुला साङ डेकला ज्‍योकिवी। तमा ती ति मी टेङ्‍बु च्‍युङ्‍गिवी।

ज्‍यल्‍का 5:9

तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।