गलाती 3:10 - कोन्छ्‌योककी सुङ

¹⁰ तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”

गलाती 3:10 Iomraidhean Croise

मत्ती 25:41

ती ज्‍युक्‍ला ङे येन्‍बी थाकाला वोतुपतिवाला दुक सिवी, ‘ख्‍यिराङ मोताप सुकुप मीतिवा! ङे चा नेमा थेन गल्‍नी शैतान ताङ तीकी डेतिवी थोक्‍ला टडिक क्‍यावु नाम्‍साङ मिशिवु मे नाङ्‍ला ग्‍युक।

रोमी 4:15

च्‍यिलासिसिन मोशाकी ठिमला वोतुप कतिवा मेङ्‍येन्‍दुपतिवा कोन्‍छ्‍योककी पर्च्याला ख्‍येल्‍गिवी, यिने ठिम मेतुप यिन्‍सिन ठिमला मेङ्‍येन्‍दुप साङ मेवी।

रोमी 6:23

च्‍यिलासिसिन दिक्‍पा क्‍यावु छ्‍येर्पा ति शेप यिन, यिने कोन्‍छ्‍योककी नङ्‍गुप कटिनकी ङ्‍येम्‍बा ति दाक्‍पी चोवो येशू ख्रीष्‍टला तेपा क्‍यासिमा थोपुप नाम्‍साङ मिशिवु मिजी यिन।

रोमी 8:7

तमा दिक्‍पी नासाम ताङ्‍नी युकुप ति कोन्‍छ्‍योक ताङ मुला डला गलुप यिन, च्‍यिलासिसिन तुका मी ति कोन्‍छ्‍योककी नङ्‍गुप ठिमला सिक्‍यावु दोके युकुप साङ मुयुकिवी, कितुप साङ मुथुपी।

२ कोरिन्थी 3:7

कोन्‍छ्‍योककी मोशाला दे येम्‍ज्‍येला टिवु ठिम नङ्‍गुप पेला खोकी मोवा नेमा वुङ्‍गुप वोसिर ति मोशाकी ङुतुङला ठछ्‍येली गाल्‍सुङ। ती तप्‍की ती ठछ्‍येली ति चेयी पर सेक तिराङ देनी गलुप यिन्‍सिनाङ इस्राएलकी मीतिवी मोशाकी ङुतुङला ल्‍ह ल्‍हावा दे माथुप। तुक क्‍यानी मीला शि ज्‍यितुप ठिम ङ्‍यिङ्‍बाकी शब्‍ज्‍यी कितुप लाकाला साङ तुका वोसिर वोसिन,

गलाती 2:16

दाक्‍पु ति मोशाकी ठिमला वोतुप लाकातिवा क्‍यानी टेङ्‍बु च्‍युङ्‍गुप मिन, येशू ख्रीष्‍टला तेपा क्‍यासिमा टेङ्‍बु च्‍युङ्‍गुप यिन सिनी हाक्‍कोकिवी। तुक क्‍यानी मोशाकी ठिमला वोतुप लाकातिवा क्‍यानी टेङ्‍बु च्‍युङ्‍गुप मिन, यिने ख्रीष्‍टला तेपा क्‍यासिमा टेङ्‍बु च्‍युङ्‍गुप तप्‍की दाक्‍पु यहूदी साङ येशू ख्रीष्‍टला तेपा किवी। च्‍यिलासिसिन मोशाकी ठिमला वोतुप लाकातिवा क्‍यानी सु साङ टेङ्‍बु च्‍युङ मुथुपी।