गलाती 3:1 - कोन्छ्‌योककी सुङ

¹ ओ गलातीकी मी अम्‍बारङ्‍शिङतिवा, ख्‍यिराङला सी लुसुङ? येशू ख्रीष्‍ट ग्‍यङ्‍शिङला कलुप ति ख्‍यिरा मिककी राङ थोङ्‍गुप मिन?

गलाती 3:1 Iomraidhean Croise

मत्ती 24:24

च्‍यिलासिसिन ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वानी त ग्‍येर्पु ताङ हलेवु लाकातिवा छ्‍या देनिन सिरा कोन्‍छ्‍योककी पेतुपतिवाला साङ अछ्‍योता सेक लुकिवी।

मत्ती 7:26

यिने सी ङे ताम्‍ङे थोनी साङ ती दोके मिकिवे, ती ति पेमी खला खोरो खाङ्‍बा जोप मी अम्‍बारङ्‍शिङ दोके यिन।

लूका 24:25

तमा येशूकी तिवाला सुङ्‍सुङ, “ओ ख्‍यिराङ अम्‍बारङ्‍शिङतिवा, ख्‍यिरा कोन्‍छ्‍योककी लुङ्‍तेम्‍बातिवी सिक्‍यावु तेरी ताम्‍ङेतिवाला तेपा कितुपला छासे काले नोक।

लोमा छ्‍येतिवी लाका 16:6

ती पेला एशियाकी लुङ्‍बाला कोन्‍छ्‍योककी थु चाङ्‍मा नेमा खोकी सुङ ख्‍याप्‍टाक कि माच्‍यिवु तप्‍की तिवा फ्रिगिया ताङ गलातिया नेवा गाल्‍सुङ।

लोमा छ्‍येतिवी लाका 6:7

तुक राङ क्‍यानी कोन्‍छ्‍योककी सुङ ति फेल गल्‍नी यरूशलेमला साङ कोन्‍छ्‍योकला तेपा कितुपतिवा बङी गाल। तमा यहूदी ल्‍हङाङकी कोङ्‍यारतिवी नाङ ने बङीकी तिवी क्‍यावु तेपा ति सेमला लासुङ।

रोमी 10:16

यिने तिवी ख्‍याप्‍टाक क्‍यावु लेन ल्‍यामु थोवु मीतिवा तेरीकी तेपा क्‍यावु ति मिन। ती तप्‍की कोन्‍छ्‍योककी लुङ्‍तेम्‍बा यशैयाकी थेपला दुक सिनी टि वे, “ओ चोवो, ङ्‍यिरा ख्‍याप्‍टाक क्‍यावु सुङला सी तेपा क्‍यासुङ रो?”

रोमी 2:8

यिने खुरुङला तिराङ नासाम तोङ्‍गुप ताङ कोन्‍छ्‍योककी सुङ टेङ्‍बुला माङ्‍येन्‍नी लाका दुक्‍टा तिराङ कितुपतिवाला खोकी ङ्‍यिर्मु ताङ पर्च्या तोङ्‍गिवी।

रोमी 6:17

यिने कोन्‍छ्‍योकला थुचिछे बुल गोकिवी, च्‍यिलासिसिन तोङ्‍ला ख्‍यिराङ थेङ्‍मा यी दिक्‍पाकी योक्‍पु च्‍युङ्‍नी वे, यिने त याङ ङ्‍यिरा ख्‍यिराङला कोन्‍छ्‍योककी कोर्ला नङ्‍गुप येन्‍देन ति टेङ्‍बु नोक सिनी ख्‍यिरा सेमगी दिङ नेज्‍युनी ङ्‍येन्‍दुप तप्‍की

१ कोरिन्‍थी 11:26

तुक क्‍यानी चो पेला ख्‍यिरा दी शुब्‍ज्‍याङ साप ताङ दी कोरा नेमा थुङ्‍गिवे, खो माफेवा सेक ख्‍यिरा चोवो टुङ्‍गुप कोर्ला ख्‍याप्‍टाक किसा।

१ कोरिन्‍थी 2:2

च्‍यिलासिसिन ती पेला ङे येशू ख्रीष्‍टकी कोर्ला ताङ खो ग्‍यङ्‍शिङला कल्‍नी टुङ्‍गुप कोर्ला तिराङ मिसिन ताम्‍ङे यम्‍बा काङ साङ कितुप नो माक्‍या।

२ कोरिन्थी 10:5

तमा ङ्‍यिराङ कोन्‍छ्‍योककी रिक्‍पाकी तेन्‍दोकला लङ्‍गुप ङ राङ यिन सिरुप ताम्‍ङेतिवा तेरी ना तोङ्‍गिवी। तमा ती तेरी नोवातिवाला खोकी ओङला ज्‍याक्‍नी ख्रीष्‍टकी कला ङ्‍येन्‍दुप जेवी।

२ कोरिन्थी 11:3

यिने शैतानकी रुल नेसुर जिनोक जोनी हव्‍वाला क्‍येन बिन्‍दुप दोके ख्‍यिरा सेम ति ख्रीष्‍टला वोतुप टेङ्‍बु ताङ खोकी थोक्‍ला सेम च्‍यिक राङ जोनी तेन्‍तेन कितुप नेसुर कुतुक डिते सिनी ङला ज्‍यिवा लान वे।

गलाती 1:6

ख्रीष्‍टकी कटिन नेमा ख्‍यिराङला कताङ नङ्‍गुप कोन्‍छ्‍योकला ख्‍यिरा दुका टिम्‍बु क्‍युर्नी यम्‍बा लेन ल्‍यामुकी थाकाला युकुप थोङ्‍नी ङला छासे हलेवा लानी वे।

गलाती 2:14

तिवा कोन्‍छ्‍योककी सुङ टेङ्‍बुला मायुकुप थोङ्‍सिमा ङे पत्रुसला मी तेरीकी पर्ला “ख्‍युरुङ यहूदी गिपाकी मी यिन्‍सिनाङ यहूदी मिन्‍दुप मिरिक यम्‍बाकी मी दोके च्‍येर्पा किसिन चुक क्‍यानी मिरिक यम्‍बाला यहूदी दोके च्‍येर्पा कि गोकिवी सिनी सि थुप्‍किवी?” सिनी सिक्‍यायी।

गलाती 3:3

च्‍यिला ख्‍यिराङ दुका अम्‍बारङ्‍शिङ कितुप नोकिवी? ख्‍यिरा गोमाला खोकी थु चाङ्‍मा नेसुर मिजी सम्‍बा थोपुप गो चुसुङ, यिने तन्‍दा रङगी लाका ल्‍यामु क्‍यानी ती मिजी थोपुप छोलिन वे।

गलाती 4:9

यिने त याङ ख्‍यिरा कोन्‍छ्‍योकला ङो शेनी वे, खोकी साङ ख्‍यिराङला ङो शेनी वे। यिन्‍सिनाङ ख्‍यिराङ च्‍यिला ओङ मेतुप ताङ फेन मोथोवु जम्‍बुलिङकी ल्हलुकी ओङला लोक्‍नी शब्‍ज्‍यी कितुप नो किवी?

गलाती 5:11

ङे अच्‍युनुपतिवा, ङ च्‍येतुप लुक्‍सुकी कोर्ला तिराङ ख्‍याप्‍टाक किवी सिसिन, च्‍यिला तन्‍दा सेक साङ यहूदीतिवी ङला छेटाङ दुङल तेर्किवी? तुकै यिन्‍सिन ग्‍यङ्‍शिङला कलुप येशूकी दिक्‍पा ने थरुप लेन ल्‍यामु ख्‍याप्‍टाक कितुपला काङ साङ छेटाङ मे।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

एफिसी 4:14

तुक क्‍यानी दाक्‍पु मीतिवी जिनोक ताङ दुक्‍टा ताङ नम्‍बा कुतुककी येन्‍देन मेटेङ्‍बुला फार छुर युकुप आङातिवा दोके मोडोशी।

एफिसी 5:15

तुक क्‍यानी ख्‍यिरा किताङ नालु ति चुकै वे, ल्‍यामो क्‍यानी नासाम तोङ! रिक्‍पा मेतुप मी दोके मिन, यिने रिक्‍पा वोतुप मी दोके क्‍यानी युसा।

२ थेसलोनिकी 1:8

कोन्‍छ्‍योकला ङो माशेवु ताङ दाक्‍पी चोवो येशूकी लेन ल्‍यामुला तेपा मिकिवु मीतिवाला खोकी पर्च्या तोङ्‍गिवी।

१ तिमोथी 6:4

तुका मी ति ङ राङ यिन सिनी सिवी, तीकी काङ साङ येन्‍देन शेवु मेवी। तमा तीकी तेन्‍दोक मेतुप ताम्‍ङेला केवुल कितुप तिराङ क्‍यानी ताम्‍ङे छिक रे रेला थमु ग्‍यकुप छोल्‍गिवी। तीकी जोसालेन्‍सिन ठतोक कितुप ताङ खाँदा शोरुप ताङ मारे तोङ्‍गुप ताङ नाम्‍दोक मेलोवातिवा वुङ्‍गिवी।

हिब्रू 11:8

तेपा नेसुर राङ अब्राहामला कोन्‍छ्‍योककी कताङ नङ्‍गुप पेला तीकी खोकी सुङला ङ्‍येन्‍नी खुरुङ कनी डोयी वे सिरुप ति छ्‍या मेसिनाङ खोकी ग्‍युक सिनी सुङ्‍गुप दासाला गाल्‍सुङ। ती दासा ति कोन्‍छ्‍योककी ज्‍युक्‍ला तीला तेरिन सिनी थाक्‍छ्‍येतुप दासा यिन।

हिब्रू 5:9

तमा येशू टेङ्‍बु च्‍युङ्‍नी कोन्‍छ्‍योककी कला ङ्‍येन्‍दुप तप्‍की येशूकी कला ङ्‍येन्‍दुप तेरी मीतिवाला खो नरीकी थोक्‍ला दिक्‍पा ने थर्वा नङ्‍गुप च्‍युङ्‍सुङ।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 4:17

च्‍यिलासिसिन कोन्‍छ्‍योककी खोरे मीतिवाला ठिम क्‍या नङ्‍गुप तुजे गो जुवु पेला लेप्‍नी वे। खोकी सुङला ङ्‍येन्‍दुपतिवाला साङ खोकी ठिम क्‍या नङ्‍गिवी सिसिन खोकी सुङला तेपा मिकिवुतिवाला याङ चुका पर्च्या मङ्‍मु के फोकिताङ?

२ पत्रुस 2:18

तिवा अम्‍बारङ्‍शिङ कितुप ताङ तेन्‍दोक मेतुप ताम्‍ङे तिराङ किवी, तमा मलोक लाका मेलोक्‍पा कितुप क्‍युर ज्‍यकुप मीतिवाला साङ सेम नेसुर वुङ्‍गुप नासाम मेलोक्‍पाला ख्‍येल ज्‍यितुपला लुकिवी।

ज्‍यल्‍का 18:3

च्‍यिलासिसिन ती बेबिलोन ग्‍येसाकी मीतिवी शम्‍डेन क्‍यावु तप्‍की कोन्‍छ्‍योक नेमा ख्‍येलुप ङ्‍यिर्मुकी गुन्‍डुम छ्‍याङ ति तेरी मिरिककी मीतिवी थुसुङ। जम्‍बुलिङकी ग्‍येल्‍वुतिवी साङ ती ग्‍येसाकी मीतिवी मुला शम्‍डेन कितुप लाका मेलोक्‍पा क्‍या वे। ती ग्‍येसाकी मीतिवाला गोवु च्‍यालक ख्‍येमुतिवा छोङ क्‍यानी जम्‍बुलिङकी छोङ्मेनतिवा साङ छ्‍युक्‍पु गल वे।”

ज्‍यल्‍का 2:20

यिन्‍सिनाङ ख्‍योरो तेन्‍दोकला ङे सि गोवु ताम्‍ङे च्‍यिक वे। ख्‍युरुङ ईजेबेल पुम्‍पेजी सिक्‍यावु खला ङ्‍येन्‍गिनोक। तीकी खुरुङ ति नम्‍दर शेतुप यिन सिनी सिनोक, यिने ङला शब्‍ज्‍यी कितुपतिवाला ति शम्‍डेन कितुप ताङ कुतिवाला पुलुप समा सोसिन गिवी सिनी लोप्‍किनोक।