गलाती 2:9 - कोन्छ्‌योककी सुङ

⁹ तुक क्‍यानी ते चर्चकी खक्‍छ्‍येवु याकूब ताङ पत्रुस ताङ यूहन्‍नातिवी कोन्‍छ्‍योककी ङला कटिन नङ्‍गुप थोङ्‍नी ङ ताङ बारनाबासला मुला थिन्‍नी लाका कितुप सिनी सिक्‍यासुङ। तमा ङ्‍यिराङ ति यहूदी मिन्‍दुप मिरिक यम्‍बाकी मीतिवी पर्ला, तिवा ति च्‍येतुप लुक्‍सु क्‍यावु यहूदीतिवी पर्ला लाका कितुपला ताम्‍ङे डिक्‍सुङ।

गलाती 2:9 Iomraidhean Croise

मत्ती 16:18

त ङ ख्‍युरुङला सिरिन, ख्‍युरुङ पत्रुस यिन। तीकी तेन्‍दोक ति दो यिन। ङ ती दोकी खला ङे चर्च जोयिनो, तमा शैतानला वोतुप शेप ओङकी तीला ग्‍येल मुथुप्‍तो।

लूका 22:8

तमा येशूकी पत्रुस ताङ यूहन्‍नाला दुक सुङ्‍नी ताङ्‍सुङ, “गल्‍नी दाक्‍पी थोक्‍ला यहूदी थरुप तुछ्‍येनकी डेन साप टडिक की।”

यूहन्‍ना 1:42

तमा तीकी खोरो उज्‍यु सिमोनला येशूकी चाला टिनी वासुङ। सिमोनला थोङ्‍नी येशूकी तीला “ख्‍युरुङ ति योआनेसकी पुज्‍युङ सिमोन यिन, यिने त याङ ख्‍युरुङला केफास सिनी मिङ ज्‍योकितो।” सिनी सुङ्‍सुङ। (केफासकी ग्रीक ताम्‍ङे ति पत्रुस यिन।)

लोमा छ्‍येतिवी लाका 12:17

तमा पत्रुसकी तिवाला खरक्‍पा दे सिनी लाक्‍पी छ्‍याक के क्‍यानी कोन्‍छ्‍योककी खोरुङला चुक क्‍यानी चोन्‍खाङ नेमा तेन्‍सुङ सिरुप ताम्‍ङे ति तिवाला लाप्‍सुङ। तमा ती ताम्‍ङे ति याकूब ताङ यम्‍बा तेपा कितुपतिवाला साङ लोपा सिनी खोरुङ ति दासा यम्‍बाला गाल।

लोमा छ्‍येतिवी लाका 15:13

तिवी लाप्‍नी सिन्‍सिमा याकूबकी दुक सिक्‍यासुङ, “ओ अच्‍युनुपतिवा, ङे ताम्‍ङे ङ्‍येना!

लोमा छ्‍येतिवी लाका 15:7

तिवा अलायी केवुल क्‍यासिमा पत्रुस लानी तिवाला सिक्‍यासुङ। “ओ अच्‍युनुपतिवा, गलुप ङ्‍यिमाला कोन्‍छ्‍योककी ङला ख्‍यिरा पर नेमा ख्‍याप्‍टाक कितुपला पेतुप ताङ यहूदी मिन्‍दुप मिरिक यम्‍बाकी मीतिवी ङे ख्‍याप्‍टाक क्‍यावु लेन ल्‍यामु थोसिमा तेपा क्‍यासुङ सिरुप ति ख्‍यिराङला छ्‍या राङ वे।

लोमा छ्‍येतिवी लाका 4:36

तिवी पर्ला साइप्रस लुङ्‍बाला क्‍येवु लेवी गिपाकी योसेफ सिरुप मी यी साङ नोक। तीला लोमातिवी बारनाबास साङ सिनोक। (बारनाबासकी तेन्‍दोक ति यम्‍बाला टोङ्‍गु तेरुप यिन।)

रोमी 1:5

यहूदी मिन्‍दुप मिरिक यम्‍बाकी मीतिवी येशूला तेपा क्‍यानी खोकी सुङला ङ्‍येन्‍शी सिनी ङला खो नेमा कटिन ङ्‍येनी खोला शब्‍ज्‍यी कितुपला खोकी लोमा छ्‍ये च्‍युङ्‍गुप यिन।

रोमी 12:3

कोन्‍छ्‍योककी ङला नङ्‍गुप कटिन नेसुर ङ ख्‍यिराङ रे रेला ठाकुरे सिनी गोङ्‍बा शोयी। ख्‍यिराङ छ्‍युङा यिन्‍सिनाङ, खुरुङ राङ छ्‍ये यिन सिनी सु साङ नासाम मातोङ। यिने कोन्‍छ्‍योककी ख्‍यिराङला चो तेपा नङ वे, ती ति ल्‍यामो हाक्‍कोनी ती दोके मिजी क्‍योङ।

रोमी 15:15

यिने ङ ख्‍यिराङला छासे ङाडेङ क्‍यानी माङ्‍शोक ताम्‍ङेतिवा येलुङ नासाम शर ज्‍यितुपला दी यिकी टिवु यिनो।

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

२ कोरिन्थी 11:5

ती मीतिवा खोप्‍राङ ति चोछ्‍येवु लोमा छ्‍ये यिन सिनी सिवी, यिने ङ ति चेयी साङ ती मीतिवा सिनाङ छ्‍युङा मे।

२ कोरिन्थी 12:11

ख्‍यिरा राङ ङला कार क्‍यानी तुका अम्‍बारङ्‍शिङ कितुप जोवु यिन। ख्‍यिरा ङला ताङ्‍देन कि गोवु ति यिन्‍जा, च्‍यिलासिसिन ङ ति काङ मिन्‍सिनाङ खोप्‍राङ ति चोछ्‍येवु लोमा छ्‍ये यिन सिरुप मीतिवा सिनाङ चेयी साङ छ्‍युङा मे।

२ कोरिन्थी 8:4

तोजो तिराङ मिन, यरूशलेमला वोतुप कोन्‍छ्‍योककी चाङ्‍मा वोतुप मीतिवी थोक्‍ला टङ्‍गा बुल्‍वा कल ताङ्‍नी मुला राङ दाल्‍जा कितुप ङ्‍येशी सिनी तिवी ङ्‍यिराङला गोङ्‍बा शुसुङ।

गलाती 1:16

खोरे सेवुकी कोर्ला लेन ल्‍यामु माथोवु मीतिवी पर्ला पङ्‍बु तेरुपला खोकी ङला खोरे सेवुला ङो शे ज्‍यितुप गा लानोक। ती पेला ङे मी सुला साङ ती ताम्‍ङे सी माक्‍या।

गलाती 1:18

तेसुर लो सुम ज्‍युक्‍ला ङ पत्रुसला ठेतुपला यरूशलेमला गल्‍नी ते तीकी मुला ङ्‍यिमा च्‍येङा सेक देतिन।

गलाती 2:1

लो च्‍युप्‍ज्‍यी तिङ्‍ला बारनाबास ताङ तीतसला टिनी ङ येलुङ यरूशलेम गलिन।

गलाती 2:2

कोन्‍छ्‍योककी ते ग्‍युक सिनी छ्‍या तेन्‍दुप तप्‍की ङ ते गल्‍नी यहूदी मिन्‍दुप मिरिक यम्‍बाला ख्‍याप्‍टाक क्‍यावु लेन ल्‍यामुकी कोर्ला ते वोतुप चर्चकी गोमा कितुप मी छ्‍येतिवी मुला दासा कुतुकला देनी ताम्‍ङे क्‍यायिन। तुक क्‍यावु ति ङे क्‍यावु गोमी लाका ताङ तिङ्‍ला कितुप लाका तेरी तेर्मे मोडोशी सिनी नो क्‍यावु तप्‍की यिन।

गलाती 6:3

दोजो मी ललाइकी खोरुङ ति काङ दोके मिन्‍सिनाङ खक्‍छ्‍येवु यिन सिनी नोकिवी सिसिन तीकी खुरुङला राङ जिनोक जोवु यिन।

एफिसी 2:20

ती मिछाङतिवा ति लोमा छ्‌येतिवा ताङ कोन्‍छ्‌योककी लुङ्‍तेम्‍बातिवी जोवु डम्‍ज्‍यी रम्‍बु दोके यिन। तमा येशू ख्रीष्‍ट ति ती डम्‍ज्‍यीकी खक्‍छ्‍येवु सुरकी दो दोके यिन।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

कलस्सी 1:29

ख्रीष्‍टकी ङे सेमगी दिङ्‍ला ङार नङ्‍गुप तप्‍की राङ ङ दी लाका ति छासे टेमु क्‍यानी कितिन।

१ तिमोथी 3:15

ङ वुङ्‍गुप फिमु गल्‍सिनाङ दी यिकी रानी दाक्‍पु कोन्‍छ्‍योककी मिछाङला चुक क्‍यानी मिजी क्‍योङ गोकिवी सिरुप ति हाक्‍कोवा किसा। ती कोन्‍छ्‍योककी मिछाङ ति ङोसु वोतुप कोन्‍छ्‍योककी चर्च यिनो। ती चर्च ति सुङ टेङ्‍बुकी डम्‍ज्‍यी रम्‍बु ताङ कज्‍यु यिन।

१ यूहन्‍ना 1:3

ङ्‍यिरा काङ थोङ्‍गुप ताङ थोवु ति ख्‍यिराङला सिरिन वे। च्‍यिलासिसिन ख्‍यिराङ ङ्‍यिरा मुला डिक्‍जोम च्‍युङ्‍नी तम्‍जी ल्‍यामु वुङ्‍शी। तमा ङ्‍यिरा डिक्‍जोम ति पपा कोन्‍छ्‍योक ताङ खोकी सेवु येशू ख्रीष्‍टकी मुला जो वे।

ज्‍यल्‍का 3:12

सी शैतानकी ओङ्‍ज्‍येनला ग्‍येल्‍गिवे, तीला ङ ङे कोन्‍छ्‍योककी ल्‍हङाङकी थोक्‍ला कज्‍यु दोके जोयिनो। ती कज्‍यु ति नरी ते राङ लुकितो। तमा ती कज्‍युला ङे कोन्‍छ्‍योककी मिङ ताङ यरूशलेम सम्‍बाकी मिङ साङ टिकिनो। ती यरूशलेम सम्‍बा ति ङे कोन्‍छ्‍योक ज्‍युवु देवाच्‍येन नेमा वुङ्‍गितो। तमा ती कज्‍युला ङे मिङ सम्‍बा टिकिनो।