गलाती 2:8 - कोन्छ्‌योककी सुङ

⁸ च्‍यिलासिसिन कोन्‍छ्‍योककी पत्रुसला यहूदीतिवी पर्ला लेन ल्‍यामु ख्‍याप्‍टाक कितुपला लोमा छ्‍ये जो नङ्‍गुप दोके ङला ति यहूदी मिन्‍दुप मिरिक यम्‍बाकी मीतिवी पर्ला लेन ल्‍यामु ख्‍याप्‍टाक कितुपला लोमा छ्‍ये जोनी ताङ्‍सुङ।

गलाती 2:8 Iomraidhean Croise

लोमा छ्‍येतिवी लाका 1:25

तमा ती पेतुप मी ति लोमा छ्‍येकी छापला देनी शब्‍ज्‍यी कितुप लाका कि थुप्‍शी। च्‍यिलासिसिन ती शब्‍ज्‍यी बुलुप लाका ति यहूदाकी क्‍युर ज्‍याक्‍नी ती ति ङ्‍येलाला गाल।”

लोमा छ्‍येतिवी लाका 1:8

यिने कोन्‍छ्‍योककी थु चाङ्‍मा ख्‍यिरा खला फेप्‍सिमा ख्‍यिरा ओङ ङ्‍येनी यरूशलेमला ताङ तेरी यहूदियाला ताङ सामरियाला ताङ जम्‍बुलिङकी दासा अन्‍तिम सेक्‍ला ख्‍यिरा ङे कोर्ला पङ्‍बु तेर्कितो।”

लोमा छ्‍येतिवी लाका 15:12

तुक सिक्‍यासिमा ते वोतुप मीतिवा तेरी खरक्‍पा देसुङ। तमा बारनाबास ताङ पावलकी यहूदी मिन्‍दुप मिरिक यम्‍बाकी मीतिवी पर्ला कोन्‍छ्‍योककी खोप्‍रे मिजी नेमा ततिवा ताङ हलेवु लाकातिवा छ्‍या तेन्‍दुप ताम्‍ङे ति तिवाला लाप्‍सुङ। तमा तिवा ती ताम्‍ङे ङ्‍येन्‍नी देसुङ।

लोमा छ्‍येतिवी लाका 19:26

एफिसस ताङ एशियाला वोतुप मीतिवा तेरीला ‘लाक्‍पी जोवु कुतिवा काङ साङ मिन।’ सिनी पावलकी मी बङीला लुनी टिन गलुप ति ख्‍यिरा थोङ्‍गुप ताङ थोनी राङ वे।

लोमा छ्‍येतिवी लाका 21:19

तिवाला टसी देलेक सिक्‍यासिमा पावलकी कोन्‍छ्‍योककी थोक्‍ला लाका कितुप पेला खोरो मिजी नेमा यहूदी मिन्‍दुप मिरिक यम्‍बाकी मीतिवी पर्ला कोन्‍छ्‍योककी क्‍या नङ्‍गुप लाकाकी कोर्ला रे ताङ रे क्‍यानी शेसुङ।

लोमा छ्‍येतिवी लाका 22:21

यिन्‍सिनाङ चोवोकी ङला ‘ख्‍युरुङ ग्‍युक! च्‍यिलासिसिन ङ ख्‍युरुङला थाक्‍रिङ्‍बुकी यहूदी मिन्‍दुप मिरिक यम्‍बाकी मीतिवी ते ङे थोक्‍ला पङ्‍बु तेरुपला तोङ्‍यिन।’ सिनी सुङ्‍सुङ।”

लोमा छ्‍येतिवी लाका 4:4

यिने तिवी सुङ ख्‍याप्‍टाक क्‍यावु थोनी मी माङ्‍शोककी येशूला तेपा क्‍यासुङ। तमा तेपा कितुपतिवा तो मिसिन तोङ्‍डा ङ चोयी लेप्‍नोक।

लोमा छ्‍येतिवी लाका 8:17

ती तप्‍की पत्रुस ताङ यूहन्‍नाकी तिवी गोला लाक्‍पा ज्‍याक्‍सुङ। तमा तिवाला कोन्‍छ्‍योककी थु चाङ्‍मा थोप्‍सुङ।

लोमा छ्‍येतिवी लाका 9:15

यिने चोवोकी हननियाला सुङ्‍सुङ, “ख्‍युरुङ ग्‍युक! गल्‍नी ङे काङ सिक्‍यावे, ती ति की! च्‍यिलासिसिन शाऊल ति मिरिक यम्‍बातिवा ताङ ग्‍येल्‍वुतिवा ताङ इस्राएल मीतिवाला ङे सुङ ख्‍याप्‍टाक कितुपला पेतुप मी यिन।

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

१ कोरिन्‍थी 9:2

मी यम्‍बी ङला लोमा छ्‍ये मिन सिक्‍यासिनाङ ख्‍यिरा थोक्‍ला ति ङ लोमा छ्‍ये यिन, च्‍यिलासिसिन ङे ख्‍यिराङला चोवो येशूकी कोर्ला लेन ल्‍यामु ख्‍याप्‍टाक क्‍यासिमा ख्‍यिरा खोला तेपा क्‍यावु तप्‍की ख्‍यिरा ङला लोमा छ्‍ये यिन सिनी पङ्‍बु तेर्किवी।

गलाती 3:5

दी ख्‍यिरा मिजीला वोतुप खोकी थु चाङ्‍माकी लाका ताङ हलेवु लाका ति ख्‍यिरा मोशाकी ठिमला तेन्‍नी थोपुप यिन की, येशू ख्रीष्‍टकी लेन ल्‍यामुला थोनी तेपा क्‍यानी थोपुप यिन?

कलस्सी 1:29

ख्रीष्‍टकी ङे सेमगी दिङ्‍ला ङार नङ्‍गुप तप्‍की राङ ङ दी लाका ति छासे टेमु क्‍यानी कितिन।

१ थेसलोनिकी 2:13

तुक क्‍यानी ख्‍यिरा थोक्‍ला ङ्‍यिराङ कोन्‍छ्‍योकला नरी थुचिछे बुलिन। च्‍यिलासिसिन ख्‍यिरा सुङ ङ्‍येन्‍दुप पेला मी सुङ दोके क्‍यानी मिन, यिने कोन्‍छ्‍योककी सुङ दोके क्‍यानी सेमला लासुङ। वुतुङ के ती सुङगी ख्‍यिराङ तेपा कितुपतिवी मिजीला लाका साङ कियी वे।