गलाती 2:21 - कोन्छ्‌योककी सुङ

²¹ त ङ कोन्‍छ्‍योककी नङ्‍गुप कटिनला तेर्मे जो मुथुपी। च्‍यिलासिसिन मोशाकी ठिमकी लाकाकी दाक्‍पुला टेङ्‍बु जो थुप्‍सिन ख्रीष्‍ट टुङ्‍गुप ति तेर्मे डिवी।

गलाती 2:21 Iomraidhean Croise

मर्कूस 7:9

लोङ खोकी तिवाला सुङ्‍सुङ, “ख्‍यिराङ ख्‍यिरा लुक्‍सु तेन्‍दुपला कोन्‍छ्‍योककी क ति जोल्‍हमु क्‍यानी क्‍युर्नी ज्‍योकिनोक।

रोमी 10:3

तिवी कोन्‍छ्‍योककी थोङ्‍दाङला टेङ्‍बु ङ्‍येतुप ति हाक्‍माकोनी खोप्‍रे राङ टेङ्‍बु कितुप लाका तिराङ क्‍यासिमा खोकी थोङ्‍दाङला टेङ्‍बु ङ्‍येतुपला माङ्‍येन।

रोमी 11:6

दोजो ती मीतिवा लुवु ति खोकी कटिन नेसुर यिन्‍सिन ती ति तिवी लाका नेसुर मिन, लाका नेसुर यिन्‍सिन कटिन ति कटिन राङ मिन।

रोमी 4:25

येशू ख्रीष्‍ट ति दाक्‍पी दिक्‍पी थोक्‍ला टुङ्‍सुङ, तमा दाक्‍पु कोन्‍छ्‍योककी थोङ्‍दाङला टेङ्‍बु ङ्‍येतुपला खो ङोसु लासुङ।

रोमी 8:31

दी ताम्‍ङेतिवा ति नासाम तङ्‍सिन दाक्‍पु काङ सि थुप्‍किवी? दोजो कोन्‍छ्‍योक दाक्‍पी छ्‍योला ज्‍यु वोसिन सु दाक्‍पी तेन्‍दोकला लङ थुप्‍किवी?

१ कोरिन्‍थी 15:14

दोजो ख्रीष्‍ट टुङ्‍नी ङोसु मालावु यिन्‍सिन, दाक्‍पी लेन ल्‍यामु ख्‍याप्‍टाक क्‍यावु सुङ ताङ ख्‍यिरा तेपा क्‍यावु ति तेर्मेला डिवी।

१ कोरिन्‍थी 15:17

दोजो ख्रीष्‍ट टुङ्‍नी ङोसु मालावु यिन्‍सियाङ ख्‍यिरा तेपा क्‍यावु ति तेर्मे डिवी। तमा ख्‍यिराङ तरोङ साङ दिक्‍पी ओङला राङ वोतुप ति यिन्‍जा।

१ कोरिन्‍थी 15:2

ख्‍यिरा ङे ख्‍याप्‍टाक क्‍यावु लेन ल्‍यामुकी सुङला तेपा क्‍यासिन ख्‍यिराङ दिक्‍पा ने थर्किवी, यिने तेपा रम्‍बु क्‍यानी मादेसुङ सिसिन ख्‍यिरा क्‍यावु तेपा ति तेर्मेला डिवी।

गलाती 2:16

दाक्‍पु ति मोशाकी ठिमला वोतुप लाकातिवा क्‍यानी टेङ्‍बु च्‍युङ्‍गुप मिन, येशू ख्रीष्‍टला तेपा क्‍यासिमा टेङ्‍बु च्‍युङ्‍गुप यिन सिनी हाक्‍कोकिवी। तुक क्‍यानी मोशाकी ठिमला वोतुप लाकातिवा क्‍यानी टेङ्‍बु च्‍युङ्‍गुप मिन, यिने ख्रीष्‍टला तेपा क्‍यासिमा टेङ्‍बु च्‍युङ्‍गुप तप्‍की दाक्‍पु यहूदी साङ येशू ख्रीष्‍टला तेपा किवी। च्‍यिलासिसिन मोशाकी ठिमला वोतुप लाकातिवा क्‍यानी सु साङ टेङ्‍बु च्‍युङ मुथुपी।

गलाती 2:18

यिने ङे क्‍युर्नी ज्‍यकुप मोशाकी ठिमकी लाकातिवा येलुङ क्‍यासुङ सिसिन ङ ति क्‍येन फोकुप मी दोके च्‍युङ्‍गिवी।

गलाती 3:21

तुकै यिन्‍सिन काङ मोशाकी ठिम ति कोन्‍छ्‍योककी थाक्‍छ्‍येन नङ्‍गुप ताम्‍ङेला मिडिकिवी? तुकै मिन। मोशाकी ठिमकी दाक्‍पुला मिजी सम्‍बा तेर थुपुप यिन्‍सिन दाक्‍पु ति मोशाकी ठिमला देनी राङ टेङ्‍बु च्‍युङ थुपुप ति यिन्‍जा।

हिब्रू 7:11

इस्राएलकी मीतिवाला नङ्‍गुप मोशाकी ठिमला लेवीकी गिपातिवाला कोङ्‍यारकी लाका कितुप ओङ्‍ज्‍येन नाङ्‍सुङ। यिन्‍सिनाङ ती कोङ्‍यारतिवी नाङ ने सी साङ मीतिवाला टेङ्‍बु जो माथुप्‍नोक। तुक क्‍यानी मल्‍कीसेदेक दोके हारूनकी गिपा सिनाङ यम्‍बा कोङ्‍यार च्‍यिक वुङ गोकिवी।