गलाती 2:11 - कोन्छ्‌योककी सुङ

¹¹ यिने पत्रुस एन्‍टिओखियाला वावु पेला ङे तीला मी तेरीकी पर्ला ङोप्‍सुर ग्‍यपिन, च्‍यिलासिसिन तीकी क्‍येन फोकुप लाका क्‍यानोक।

गलाती 2:11 Iomraidhean Croise

मत्ती 16:23

यिने येशू पत्रुसकी थाकाला ग्‍युर्नी तीला “ओ शैतान, ख्‍युरुङ ङे चा नेवा ग्‍युक! ख्‍युरुङ ङे कि गोवु कोन्‍छ्‍योककी लाका कि मिज्‍यिवु छोल्‍गिनोक। ख्‍युरुङ कोन्‍छ्‍योककी ताम्‍ङेला मिन, यिने मी ताम्‍ङेला तिराङ नासाम तोङ्‍गिनोक।” सिनी सुङ्‍सुङ।

यूहन्‍ना 1:42

तमा तीकी खोरो उज्‍यु सिमोनला येशूकी चाला टिनी वासुङ। सिमोनला थोङ्‍नी येशूकी तीला “ख्‍युरुङ ति योआनेसकी पुज्‍युङ सिमोन यिन, यिने त याङ ख्‍युरुङला केफास सिनी मिङ ज्‍योकितो।” सिनी सुङ्‍सुङ। (केफासकी ग्रीक ताम्‍ङे ति पत्रुस यिन।)

लोमा छ्‍येतिवी लाका 11:19

तमा मीतिवी स्‍तिफनसला सेसिमा तेपा कितुप मीतिवाला साङ छेटाङ बिन्‍दुप तप्‍की तेपा कितुप मीतिवा यरूशलेम नेवा थरा थुरा गल्‍नी फोनिके ताङ साइप्रस ताङ सिरियाकी एन्‍टिओखिया लुङ्‍बा सेक लेप्‍सुङ। तमा तिवा ते राङ देनी यहूदीतिवाला तिराङ येशूकी कोर्ला सुङ ख्‍याप्‍टाक क्‍यासुङ।

लोमा छ्‍येतिवी लाका 11:20

ती पर्ला ललाइ ति साइप्रस ताङ कुरेनीकी मीतिवा नोक। तिवा ति एन्‍टिओखियाला वानी ग्रीककी मीतिवाला साङ येशू ख्रीष्‍टकी कोर्ला लेन ल्‍यामु ख्‍याप्‍टाक क्‍यासुङ।

लोमा छ्‍येतिवी लाका 11:22

ती ताम्‍ङे ति यरूशलेमकी चर्चला साङ हाक्‍कोनी बारनाबासला एन्‍टिओखियाला ताङ्‍सुङ।

लोमा छ्‍येतिवी लाका 11:27

ती पेला ललाइ कोन्‍छ्‍योककी लुङ्‍तेम्‍बातिवा यरूशलेम नेसुर एन्‍टिओखियाला वानोक।

लोमा छ्‍येतिवी लाका 15:1

ती पेला यहूदिया नेसुर मी ललाइ एन्‍टिओखियाला वानी तेकी तेपा कितुप मीतिवाला “मोशाकी ठिमला सिक्‍यावु दोके यहूदीतिवी च्‍येतुप लुक्‍सु माक्‍यासुङ सिसिन कोन्‍छ्‍योककी ख्‍यिराङला दिक्‍पा ने थर मिज्‍यिवी।” सिनी येन्‍देन बिन्‍सुङ।

लोमा छ्‍येतिवी लाका 15:5

यिने तेपा क्‍यावु फरिसी छ्‍योक्‍पाकी मीतिवा ललाइकी लानी यहूदी मिन्‍दुप मिरिक यम्‍बातिवी साङ च्‍येतुप लुक्‍सु क्‍यानी मोशाकी ठिमला युक गोकिवी सिनी सिक्‍यासुङ।

२ कोरिन्थी 11:5

ती मीतिवा खोप्‍राङ ति चोछ्‍येवु लोमा छ्‍ये यिन सिनी सिवी, यिने ङ ति चेयी साङ ती मीतिवा सिनाङ छ्‍युङा मे।

२ कोरिन्थी 12:11

ख्‍यिरा राङ ङला कार क्‍यानी तुका अम्‍बारङ्‍शिङ कितुप जोवु यिन। ख्‍यिरा ङला ताङ्‍देन कि गोवु ति यिन्‍जा, च्‍यिलासिसिन ङ ति काङ मिन्‍सिनाङ खोप्‍राङ ति चोछ्‍येवु लोमा छ्‍ये यिन सिरुप मीतिवा सिनाङ चेयी साङ छ्‍युङा मे।

२ कोरिन्थी 5:16

तफेन्‍ला ङ्‍यिराङ सुला साङ जम्‍बुलिङकी मीतिवी मीला ल्‍हावु दोके क्‍यानी मल्‍हावी। थेङ्‍मा यी ङ्‍यिरा साङ ख्रीष्‍टला तुक राङ क्‍यानी ल्‍हावु यिन, यिने त याङ तुक क्‍यानी मल्‍हावी।

गलाती 1:18

तेसुर लो सुम ज्‍युक्‍ला ङ पत्रुसला ठेतुपला यरूशलेमला गल्‍नी ते तीकी मुला ङ्‍यिमा च्‍येङा सेक देतिन।

गलाती 2:14

तिवा कोन्‍छ्‍योककी सुङ टेङ्‍बुला मायुकुप थोङ्‍सिमा ङे पत्रुसला मी तेरीकी पर्ला “ख्‍युरुङ यहूदी गिपाकी मी यिन्‍सिनाङ यहूदी मिन्‍दुप मिरिक यम्‍बाकी मी दोके च्‍येर्पा किसिन चुक क्‍यानी मिरिक यम्‍बाला यहूदी दोके च्‍येर्पा कि गोकिवी सिनी सि थुप्‍किवी?” सिनी सिक्‍यायी।

गलाती 2:5

तुक क्‍यानी ख्‍यिराङ नरी ख्रीष्‍टकी टेङ्‍बु वोतुप लेन ल्‍यामुला देशी सिनी तिवी सिक्‍यावु ताम्‍ङेला उकुर च्‍यिक साङ ङ्‍यिरा माङ्‍येन।

गलाती 2:7

यिने पत्रुसला यहूदीतिवी पर्ला लेन ल्‍यामु ख्‍याप्‍टाक कितुपला पेतुप दोके ङला ति कोन्‍छ्‍योककी यहूदी मिन्‍दुप मिरिक यम्‍बाकी मीतिवी पर्ला लेन ल्‍यामु ख्‍याप्‍टाक कितुपला तङ्‍गुप ति तिवी हाक्‍कोसुङ।

गलाती 2:9

तुक क्‍यानी ते चर्चकी खक्‍छ्‍येवु याकूब ताङ पत्रुस ताङ यूहन्‍नातिवी कोन्‍छ्‍योककी ङला कटिन नङ्‍गुप थोङ्‍नी ङ ताङ बारनाबासला मुला थिन्‍नी लाका कितुप सिनी सिक्‍यासुङ। तमा ङ्‍यिराङ ति यहूदी मिन्‍दुप मिरिक यम्‍बाकी मीतिवी पर्ला, तिवा ति च्‍येतुप लुक्‍सु क्‍यावु यहूदीतिवी पर्ला लाका कितुपला ताम्‍ङे डिक्‍सुङ।

१ तिमोथी 5:20

चर्चला तुका दिक्‍पा कितुप मीतिवा वोसिन तिवाला मी तेरीकी मिङ्‍गाला ज्‍याक्‍नी तुक कितुप मेवी सिनी लोप। तुक क्‍यासिन यम्‍बा तेपा कितुप मीतिवा साङ ज्‍यिवा किवी।

याकूब 3:2

दाक्‍पु तेरीकी च्‍यिक मे च्‍यिक याङ मेलोवा क्‍यावु राङ गिवी। चुका मी तीकी खोरो ख डेकला ज्‍योकिवे, तीकी खोरो जुला साङ डेकला ज्‍योकिवी। तमा ती ति मी टेङ्‍बु च्‍युङ्‍गिवी।

यहूदा 1:3

ङे ङ्‍यिङ्‍ज्‍येवु अच्‍युनुपतिवा, दाक्‍पु तेरीला थोपुप थर्वाकी कोर्ला ङ ख्‍यिराङला टिकुपला छासे नो लासुङ। यिने त याङ कोन्‍छ्‍योककी खोरे मीतिवाला थेङ्‍मा च्‍यिक नङ्‍सिमा नरीकी नरी लुवु तेपा ति ख्‍यिरा छासे रम्‍बु क्‍यानी र्‍होक सिनी ङाडेङ तेरुपला ङे दी यिकी टिकुप ति ल्‍यामु यिन सिनी नोसुङ।