गलाती 1:6 - कोन्छ्‌योककी सुङ

⁶ ख्रीष्‍टकी कटिन नेमा ख्‍यिराङला कताङ नङ्‍गुप कोन्‍छ्‍योकला ख्‍यिरा दुका टिम्‍बु क्‍युर्नी यम्‍बा लेन ल्‍यामुकी थाकाला युकुप थोङ्‍नी ङला छासे हलेवा लानी वे।

गलाती 1:6 Iomraidhean Croise

मर्कूस 6:6

तिवी तेपा माक्‍यावु थोङ्‍नी खो हलेवा क्‍यासुङ। तमा येशू युल युलला फेप्‍नी येन्‍देन नाङ्‍सुङ।

यूहन्‍ना 9:30

तमा तिवाला तीकी सिक्‍यासुङ, “कङ ग्‍या, मिच्‍यिक्‍पा ताम्‍ङे यी! खोकी ङे मिक थोङ थुपुप जोसुङ, यिन्‍सिनाङ खो कनी नेसुर फेवु यिन सिनी ख्‍यिराङला छ्‍या मिन्‍दुक।

लोमा छ्‍येतिवी लाका 15:11

यिने चोवो येशूकी कटिन नेमा राङ दाक्‍पु दिक्‍पा ने थरुप दोके तिवा साङ चोवो येशूकी कटिन नेमा राङ दिक्‍पा ने थरुप यिन सिरुप ति ङ्‍यिराङला तेपा वे।”

रोमी 10:3

तिवी कोन्‍छ्‍योककी थोङ्‍दाङला टेङ्‍बु ङ्‍येतुप ति हाक्‍माकोनी खोप्‍रे राङ टेङ्‍बु कितुप लाका तिराङ क्‍यासिमा खोकी थोङ्‍दाङला टेङ्‍बु ङ्‍येतुपला माङ्‍येन।

रोमी 5:2

दाक्‍पी येशू ख्रीष्‍टला तेपा क्‍यावु तप्‍की खोकी दाक्‍पुला कटिन नङ्‍नी वे। ती कटिनला राङ दाक्‍पु तसाम देनी वे। तमा ज्‍युक्‍थमाला कोन्‍छ्‍योककी दाक्‍पुला नङ्‍गुप मोवाकी थोक्‍ला रेवा क्‍यानी गा किवी।

रोमी 8:28

कोन्‍छ्‍योकला ङ्‍यिङ्‍ज्‍ये कितुपतिवा ताङ खोकी नोवा नेसुर पेतुप मीतिवाला ख्‍येल वुङ्‍गुप छेटाङ दुङल ताङ लोदिमु काङ वोसिनाङ खोकी ती तेरी मुला राङ ल्‍यामु जो नङ्‍गिवी सिरुप ति दाक्‍पुला छ्‍या वे।

रोमी 8:30

सु सुला खोकी गोमाला के पेन नङ वे, पेन नङ्‍गुपतिवाला खोकी कताङ नाङ्‍सुङ। तमा कतङ्‍गुपतिवाला खोकी थोङ्‍दाङला टेङ्‍बु जो नाङ्‍सुङ। तमा टेङ्‍बु जो नङ्‍गुपतिवाला खोकी मोवा साङ नाङ्‍सुङ।

१ कोरिन्‍थी 4:15

येशू ख्रीष्‍टकी कोर्ला ख्‍यिराङला लाम तेरुप मीतिवा याङ तोङ्‍डा च्‍यिथम्‍बा चोयी वोज्‍यिवी, यिने पपा ति च्‍यिक राङ वे। ङे ख्‍यिराङला ख्रीष्‍ट येशूकी थोक्‍ला लेन ल्‍यामु ख्‍याप्‍टाक क्‍यावु तप्‍की ङ ति ख्‍यिरा पपा दोके च्‍युङ वे।

२ कोरिन्थी 11:4

च्‍यिलासिसिन मी ललाइ वानी ङ्‍यिरा ख्‍याप्‍टाक क्‍यावु येशू सिनाङ यम्‍बा येशूकी कोर्ला ख्‍याप्‍टाक क्‍यासुङ सिसिन, याङ्‍ना ख्‍यिराङला थोपुप कोन्‍छ्‍योककी थु चाङ्‍मा सिनाङ यम्‍बा थुकी कोर्ला ख्‍याप्‍टाक क्‍यासुङ सिसिन, याङ्‍ना ख्‍यिरा सेमला लावु सिनाङ यम्‍बा लेन ल्‍यामुकी कोर्ला ख्‍याप्‍टाक क्‍यासुङ सिसिन ख्‍यिराङ तिवी ताम्‍ङेला जोल्‍हमु क्‍यानी सेमला लङ्‍गिवी।

२ कोरिन्थी 2:17

मी यम्‍बी दोके ङ्‍यिरा ति कोन्‍छ्‍योककी सुङला ख्‍येमु वोतुप च्‍यालक छोङ कितुप मी दोके मिन। बोरु ङ्‍यिराङ याङ कोन्‍छ्‍योककी तङ्‍गुप तप्‍की खोकी थोङ्‍दाङला ख्रीष्‍टकी थोक्‍ला ताम्‍ङे टेङ्‍बु तिराङ सिवी।

गलाती 1:11

अच्‍युनुपतिवा ङे ख्‍यिराङला ख्‍याप्‍टाक क्‍यावु लेन ल्‍यामु ति मी जोवु मिन सिनी ख्‍यिराङला हाक्‍को ज्‍यितुप ङला नो वे।

गलाती 1:15

यिने ङ क्‍येप सिनाङ गोमाला के कोन्‍छ्‍योककी ङला पेनी खोकी कटिनला कताङ नङ्‍नी

गलाती 1:7

चोवो येशू ख्रीष्‍टकी लेन ल्‍यामु मिसिन चुका ति साङ टेङ्‍बु मे, यिने मी ललाइकी यम्‍बा लेन ल्‍यामु शेनी ती लेन ल्‍यामुला क्‍योसुङ।

गलाती 2:14

तिवा कोन्‍छ्‍योककी सुङ टेङ्‍बुला मायुकुप थोङ्‍सिमा ङे पत्रुसला मी तेरीकी पर्ला “ख्‍युरुङ यहूदी गिपाकी मी यिन्‍सिनाङ यहूदी मिन्‍दुप मिरिक यम्‍बाकी मी दोके च्‍येर्पा किसिन चुक क्‍यानी मिरिक यम्‍बाला यहूदी दोके च्‍येर्पा कि गोकिवी सिनी सि थुप्‍किवी?” सिनी सिक्‍यायी।

गलाती 2:2

कोन्‍छ्‍योककी ते ग्‍युक सिनी छ्‍या तेन्‍दुप तप्‍की ङ ते गल्‍नी यहूदी मिन्‍दुप मिरिक यम्‍बाला ख्‍याप्‍टाक क्‍यावु लेन ल्‍यामुकी कोर्ला ते वोतुप चर्चकी गोमा कितुप मी छ्‍येतिवी मुला दासा कुतुकला देनी ताम्‍ङे क्‍यायिन। तुक क्‍यावु ति ङे क्‍यावु गोमी लाका ताङ तिङ्‍ला कितुप लाका तेरी तेर्मे मोडोशी सिनी नो क्‍यावु तप्‍की यिन।

गलाती 2:5

तुक क्‍यानी ख्‍यिराङ नरी ख्रीष्‍टकी टेङ्‍बु वोतुप लेन ल्‍यामुला देशी सिनी तिवी सिक्‍यावु ताम्‍ङेला उकुर च्‍यिक साङ ङ्‍यिरा माङ्‍येन।

गलाती 2:7

यिने पत्रुसला यहूदीतिवी पर्ला लेन ल्‍यामु ख्‍याप्‍टाक कितुपला पेतुप दोके ङला ति कोन्‍छ्‍योककी यहूदी मिन्‍दुप मिरिक यम्‍बाकी मीतिवी पर्ला लेन ल्‍यामु ख्‍याप्‍टाक कितुपला तङ्‍गुप ति तिवी हाक्‍कोसुङ।

गलाती 5:14

तेरी ठिमतिवा ति क च्‍यिककी नाङ्‍ला वे, ती ति रङगी युल्‍वातिवाला खुरुङला दोके ङ्‍यिङ्‍ज्‍ये कितुप यिन।

गलाती 5:4

ख्‍यिराङ खुरुङला टेङ्‍बु जोपला मोशाकी ठिमला तेन्‍नी देसुङ सिसिन ख्रीष्‍टकी मुला तम्‍जी मे, तमा खोकी कटिन साङ ङ्‍ये मुथुपी।

२ थेसलोनिकी 2:14

तीकी थोक्‍ला राङ ङ्‍यिरा ख्‍यिराङला ख्‍याप्‍टाक क्‍यावु लेन ल्‍यामु नेसुर दाक्‍पी येशू ख्रीष्‍टकी मोवा थोपुपला खोकी ख्‍यिराङला कताङ नङ्‍गुप यिन।

१ तिमोथी 1:14

चोवोकी ङला नङ्‍गुप कटिन ति छासेकी ग्‍येर्पु वे। तोजो तिराङ मिन, खोकी ङला ख्रीष्‍ट येशूला वोतुप तेपा ताङ ङ्‍यिङ्‍ज्‍ये बङी क्‍या नाङ्‍सुङ।

१ तिमोथी 1:3

ङ माकेडोनिया डोप पेला ख्‍युरुङला ङे एफिससला राङ दे सिक्‍यावु तेन्‍दोक ति तेकी येन्‍देन मेटेङ्‍बु लोपुप मीतिवाला तुक माकी सिनी क तेरुपला यिन।

२ तिमोथी 1:9

खोकी दाक्‍पुला दिक्‍पा ने थर च्‍यिनी दाक्‍पु टेङ्‍बु च्‍युङ्‍गुपला कताङ नाङ्‍सुङ। ती ति दाक्‍पी लाका ल्‍यामु क्‍यावु तप्‍की मिन, यिने खोकी नोवा ताङ कटिनकी जोसालेन्‍सिन यिन। ती कटिन ति जम्‍बुलिङ ज्‍येङ्‍गुप पेला नेज्‍युनी येशू ख्रीष्‍ट नेसुर खोकी दाक्‍पुला नङ वे।

२ तिमोथी 2:1

तुक क्‍यानी आङो, ख्‍युरुङ ख्रीष्‍ट येशूकी नङ्‍गुप कटिनला तेपा रम्‍बु क्‍यानी देता।

१ पत्रुस 1:15

यिने ख्‍यिराङला कताङ नङ्‍गुप चोवो कोन्‍छ्‍योक टेङ्‍बु वोतुप दोके ख्‍यिराङ साङ ख्‍यिरा मिजीला वोतुप तेरी किताङ नालुतिवा टेङ्‍बु वुङ गोकिवी।

२ पत्रुस 1:3

ओङ छ्‍येवु वोतुप कोन्‍छ्‍योककी दाक्‍पुला मिजी टेङ्‍बु क्‍योङ्‍गुपला गोवु ति तेरी नाङ्‍सुङ। ती मोलाम ति कोन्‍छ्‍योककी मोवा ताङ च्‍यङ्‍च्‍यु सेम्‍बा नेसुर थल्‍माला दाक्‍पुला कताङ नङ्‍गुप यिन सिनी दाक्‍पी हाक्‍कोसिमा खोकी दाक्‍पुला नङ्‍गुप यिन।

ज्‍यल्‍का 22:21

चोवो येशूकी कटिन ति तेपा कितुपतिवा तेरीला थोप्‍शिता। आमिन।