गलाती 1:21 - कोन्छ्‌योककी सुङ

²¹ ती ज्‍युक्‍ला ङ सिरिया ताङ किलिकिया लुङ्‍बाला गलिन।

गलाती 1:21 Iomraidhean Croise

मत्ती 4:24

तुक क्‍यानी सिरियाकी लुङ्‍बा तेरीला येशूकी कोर्ला ताम्‍ङे टाम्‍सुङ। तमा मीतिवी नेर्पु नम्‍बा बङीतिवा ताङ छासे सुक कितुपतिवा ताङ डे ग्‍यपुपतिवा ताङ जा लावुतिवा ताङ काङ्‍बा लाक्‍पा शोरुपतिवा तेरीला खोकी चाला टि वासुङ। तमा खोकी तिवा तेरीला टेक च्‍यिसुङ।

लोमा छ्‍येतिवी लाका 13:1

एन्‍टिओखियाकी चर्चला कोन्‍छ्‍योककी लुङ्‍तेम्‍बातिवा ताङ गेकेनतिवा नोक। तिवा ति बारनाबास ताङ नक्‍पु सिरुप शिमियोन ताङ कुरेनी नेसुर वावु लुकियस ताङ ग्‍येल्‍वु हेरोद टिक्‍पे वोतुप पेलाकी दाल्‍जा मनेन ताङ शाऊल नोक।

लोमा छ्‍येतिवी लाका 15:23

तमा तिवी लकला दुक सिनी यिकी ताङ्‍सुङ, “टसी देलेक, एन्‍टिओखिया ताङ सिरिया ताङ किलिकियाला वोतुप चोवोला तेपा कितुप यहूदी मिन्‍दुप मिरिक यम्‍बाकी अच्‍युनुपतिवाला दे वोतुप ख्‍यिरे अच्‍युनुप यिन्‍दुप लोमा छ्‍ये ताङ चर्चकी गोमा कितुप मी छ्‍येतिवी छ्‍योक नेसुर दी यिकी टिवु यिनो।

लोमा छ्‍येतिवी लाका 15:41

तमा पावल ताङ सिलास सिरिया ताङ किलिकियाला कोरा ग्‍यकिन चर्चतिवाला तेपा रम्‍बु जोसुङ।

लोमा छ्‍येतिवी लाका 18:18

ती ज्‍युक्‍ला पावल ङ्‍यिमा अलायी सेक ते राङ देसुङ। तमा कोन्‍छ्‍योकला तेपा कितुप मीतिवी मुला क्‍येनी प्रिस्‍किला ताङ अकिलास साङ मुला राङ टिनी टुला जेनी सिरिया लुङ्‍बाला डोप छाल्‍सुङ। यिने गोमाला कोन्‍छ्‍योकला थाक्‍छ्‍येनी लावा लावु ति नासाम शर्नी किंक्रियाला गल्‍नी खोरो र्‍ह टेसुङ।

लोमा छ्‍येतिवी लाका 21:3

डोप पेला ङ्‍यिरा ग्‍येम्‍छो परकी स कम्‍बु वोतुप साइप्रस थोङ्‍सुङ। तमा साइप्रसकी ल्‍होकी थाका नेमा क्‍यानी सिरियाला गल्‍नी टुरोसला पापिन। च्‍यिलासिसिन टी नङगी च्‍यालकतिवा ते बेप गोसुङ।

लोमा छ्‍येतिवी लाका 21:39

यिने पावलकी सिक्‍यासुङ, “ङ याङ किलिकिया लुङ्‍बाकी ग्‍येसा ग्‍येर्पु टार्सस ने वावु यहूदी यिन। ङ गोङ्‍बा शोयी। ङला दी मीतिवाला ताम्‍ङे चेयी लपुप ओङ नाङ।” सिनी सिक्‍यासुङ।

लोमा छ्‍येतिवी लाका 22:3

तमा पावलकी तिवाला सिक्‍यासुङ, “ङ किलिकिया लुङ्‍बाकी टार्सस ग्‍येसाला क्‍येवु यहूदी मी यिन। तमा दी यरूशलेम ग्‍येसाला राङ गमलिएल गेकेनकी वोक्‍ला देनी ङ्‍यिरा पगावा हङ्‍गावाकी छ्‍योकी ठिमकी कोर्ला ल्‍यामो क्‍यान लापिन। हारिङ ख्‍यिराङ कोन्‍छ्‍योकला चो गा लान वे, ङला साङ तोजो राङ गा लान वोतुप्‍जा।

लोमा छ्‍येतिवी लाका 23:34

रोम ने वावु ती मी छ्‍ये तीकी यिकी ति रासिमा पावलला चुका दासाकी मी यिनोक सिनी टिसुङ। तमा पावल किलिकियाकी यिनोक सिरुप हाक्‍कोसिमा खोकी तीला

लोमा छ्‍येतिवी लाका 6:9

यिने ती पेला कुरेनी ताङ अलेक्‍जेन्‍ड्रिया ताङ किलिकिया ताङ एशियाकी लुङ्‍बा नेसुर वावु मीतिवा ललाइ वानी स्‍तिफनस ताङ मुला खाँदा कितुप छाल्‍सुङ।

लोमा छ्‍येतिवी लाका 9:30

ती ताम्‍ङे थोसिमा तेपा कितुपतिवी शाऊलला कैसरियाला टि वानी तेसुर तीला टार्ससला ताङ्‍सुङ।