गलाती 1:11 - कोन्छ्‌योककी सुङ

¹¹ अच्‍युनुपतिवा ङे ख्‍यिराङला ख्‍याप्‍टाक क्‍यावु लेन ल्‍यामु ति मी जोवु मिन सिनी ख्‍यिराङला हाक्‍को ज्‍यितुप ङला नो वे।

गलाती 1:11 Iomraidhean Croise

रोमी 2:16

दी ताम्‍ङे ति ङे ख्‍याप्‍टाक क्‍यावु लेन ल्‍यामुला सिक्‍यावु दोके येशू ख्रीष्‍ट नेसुर कोन्‍छ्‍योककी मीतिवी क्‍यावु छ्‍याकला वोतुप ताम्‍ङेतिवा तेरीकी खला ठिम कितुप तुजेला ठछ्‍येली हाक्‍कोकिवी।

१ कोरिन्‍थी 11:23

दी ङे बिन्‍दुप येन्‍देन ति चोवो येशू नेमा राङ ङला थोपुप यिन। खो डकी लकला जिम्‍बुप नुपला खोकी शुब्‍ज्‍याङ लकला लासुङ।

१ कोरिन्‍थी 3:4

ख्‍यिराङ ललाइकी “ङ पावलकी मी यिन।”, तमा ललाइकी “ङ ति अपोल्‍लोसकी मी यिन।” सिनी खाँदा किनोक लो। ख्‍यिरा तुक कितुप ति थोसिमा ख्‍यिराङ ति जम्‍बुलिङकी ओङला वोतुप मीतिवा दोके यिन सिरुप ति ङे हाक्‍कोसुङ।

१ कोरिन्‍थी 9:8

ङे सिक्‍यावु ताम्‍ङे ति मी सिक्‍यावु ताम्‍ङे तिराङ मिन, कोन्‍छ्‍योककी सुङगी नाङ्‍ला साङ वे।

गलाती 1:1

टसी देलेक! दी यिकी ति ङ पावल ताङ ङे मुला वोतुप तेपा कितुपतिवा तेरी नेसुर गलातियाला वोतुप चर्चतिवाला टिवु यिनो। ङ लोमा छ्‍ये च्‍युङ्‍गुप ति मीतिवी नेसुर मिन, मीकी ओङ नेसुर साङ मिन, यिने येशू ख्रीष्‍ट ताङ खोला टुङ्‍गुप ने ङोसु लोङ्‍गुप पपा कोन्‍छ्‍योककी पेन नङ्‍गुप यिन।

गलाती 1:6

ख्रीष्‍टकी कटिन नेमा ख्‍यिराङला कताङ नङ्‍गुप कोन्‍छ्‍योकला ख्‍यिरा दुका टिम्‍बु क्‍युर्नी यम्‍बा लेन ल्‍यामुकी थाकाला युकुप थोङ्‍नी ङला छासे हलेवा लानी वे।