गलाती 1:1 - कोन्छ्‌योककी सुङ

^1-2 टसी देलेक! दी यिकी ति ङ पावल ताङ ङे मुला वोतुप तेपा कितुपतिवा तेरी नेसुर गलातियाला वोतुप चर्चतिवाला टिवु यिनो। ङ लोमा छ्‍ये च्‍युङ्‍गुप ति मीतिवी नेसुर मिन, मीकी ओङ नेसुर साङ मिन, यिने येशू ख्रीष्‍ट ताङ खोला टुङ्‍गुप ने ङोसु लोङ्‍गुप पपा कोन्‍छ्‍योककी पेन नङ्‍गुप यिन।

गलाती 1:1 Iomraidhean Croise

यूहन्‍ना 10:30

ङ ताङ पपा ति च्‍यिक राङ यिन।”

यूहन्‍ना 20:21

येलुङ येशूकी तिवाला “ख्‍यिराङला लोदिमु वुङ्‍शी। पपी ङला तङ्‍गुप दोके ङ ख्‍यिराङला तोङ्‍यिनो।” सिनी सुङ्‍सुङ।

यूहन्‍ना 5:19

तमा येशूकी तिवाला सुङ्‍सुङ, “ङ ख्‍यिराङला टेङ्‍बो सिरिन, पुज्‍युङ खोरो राङ काङ साङ कि मुथुपी, यिने पपी काङ कितुप थोङ वे, पुज्‍युङकी साङ तुकै राङ किवी।

लोमा छ्‍येतिवी लाका 22:10

तमा ङे ‘ओ चोवो, त ङ काङ कितुप?’ सिनी टिसालेन्‍सिन चोवोकी ङला सुङ्‍सुङ, ‘खोक लानी दमस्‍कसला ग्‍युक! ख्‍योरो काङ लाकातिवा कि गोवु यिन, ते राङ ख्‍युरुङला लप्‍किवी।’

लोमा छ्‍येतिवी लाका 3:15

तमा मिजी नङ्‍गुप तीला सेसुङ। यिन्‍सिनाङ कोन्‍छ्‍योककी खोला शेप ने ङोसु लाङ्‍सुङ। दीकी पङ्‍बु ति ङ्‍यिराङ यिन।

लोमा छ्‍येतिवी लाका 9:6

त ख्‍युरुङ लानी ग्‍येसाला ग्‍युक! तमा ते ख्‍योरो काङ कि गोकी, ती ति मी च्‍यिककी ख्‍युरुङला लोप्‍कितो।”

रोमी 1:1

रोमला वोतुप मीतिवा तेरीला टसी देलेक! दी यिकी ति येशू ख्रीष्‍टकी थोक्‍ला लावा च्‍युङ्‍गुप ङ पावलकी टिवु यिनो। ङ ति कोन्‍छ्‍योककी लेन ल्‍यामु ख्‍याप्‍टाक कितुप ताङ लोमा छ्‍ये च्‍युङ्‍गुपला खोकी पेन नङ्‍गुप यिन।

रोमी 10:9

दोजो ख्‍योरो मीतिवी मिङ्‍गाला येशूला चोवो यिन सिनी ख नेमा सिवी, तमा कोन्‍छ्‍योककी खोला शेप ने ङोसु लङ्‍गुप यिन सिनी सेमला तेपा क्‍यासिन ख्‍युरुङ दिक्‍पा ने थर्किवी।

रोमी 14:9

ख्रीष्‍ट साङ तीकी तेन्‍दोकला राङ टुङ्‍नी ङोसु लासुङ। तुक क्‍यानी ख्रीष्‍ट ति शेप ताङ ङोसु वोतुपतिवा ङ्‍यिकरकी चोवो च्‍युङ्‍सुङ।

१ कोरिन्‍थी 1:1

टसी देलेक! दी यिकी ति कोन्‍छ्‍योककी नोवा नेमा ख्रीष्‍ट येशूकी लोमा छ्‍ये च्‍युङ्‍गुपला खोकी कताङ नङ्‍गुप ङ पावल ताङ दाक्‍पी नुप सोस्‍थेनेसकी छ्‍योक नेसुर

२ कोरिन्थी 1:1

टसी देलेक! दी यिकी ति कोन्‍छ्‍योककी नोवा नेमा ख्रीष्‍ट येशूकी लोमा छ्‍ये च्‍युङ्‍गुप ङ पावल ताङ दाक्‍पी नुप तिमोथी नेसुर कोरिन्‍थीला वोतुप कोन्‍छ्‍योककी चर्चकी मीतिवा ताङ अखैया लुङ्‍बाला वोतुप तेरी कोन्‍छ्‍योकला तेपा कितुप मीतिवाला टिवु यिनो।

गलाती 1:15

यिने ङ क्‍येप सिनाङ गोमाला के कोन्‍छ्‍योककी ङला पेनी खोकी कटिनला कताङ नङ्‍नी

गलाती 1:17

तमा ङ सिनाङ गोमी लोमा छ्‍येतिवाला ठेतुपला यरूशलेम मागल्‍नी शार्क्येक अरब लुङ्‍बाला गल्‍नी तेसुर चेयी ज्‍युक्‍ला दमस्‍कसला लोकिन।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

२ तिमोथी 1:1

टसी देलेक! येशू ख्रीष्‍टला वोतुप थाक्‍छ्‍येन नङ्‍गुप मिजी नेसुर कोन्‍छ्‍योककी नोवाकी पेन नङ्‍गुप ख्रीष्‍ट येशूकी लोमा छ्‍ये ङ पावलकी

तीतस 1:3

दाक्‍पुला ती थाक्‍छ्‍येन नङ्‍गुप सुङ ति खोरे पेतुप तुजेला छ्‍या तेन नाङ्‍सुङ। तन्‍दा साङ ती सुङ ख्‍याप्‍टाक कितुपला दिक्‍पा ने थर ज्‍यितुप कोन्‍छ्‍योककी ङला चेक तेसुङ।

हिब्रू 13:20

चोवो येशूकी ग्‍यङ्‍शिङला ठक तेन्‍नी कोन्‍छ्‍योक ताङ मीतिवी पर्ला थाक्‍छ्‍येवु ताम्‍ङे क्‍या नङ्‍गुप तप्‍की खो दाक्‍पुला गोमा कितुप गोठाला छ्‍ये च्‍युङ्‍सुङ। तमा कोन्‍छ्‍योक ति खोला टुङ्‍गुप ने ङोसु लोङ्‍गुप लोदिमु वोतुप कोन्‍छ्‍योक यिन।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।

ज्‍यल्‍का 1:18

तमा ङोसु वोतुप ति ङ राङ यिन। ल्‍होसा, ङ शिनी साङ नरीकी थोक्‍ला सेन्‍बु लानी वे। सुला छ्‍येर्पा बिन्‍नी ङ्‍येलाला तोङ गोकिवे, ती ओङ्‍ज्‍येन ति ङला वे।

ज्‍यल्‍का 1:5

तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।

ज्‍यल्‍का 2:8

“स्‍मुर्नाला वोतुप चर्चला ल्‍हटे कितुप देवाच्‍येनकी लेन क्‍योलुप तीला दी ताम्‍ङे ति टिसा। ‘दी ताम्‍ङे ति थल्‍माला वोतुप ताङ तिङ्‍ला सेक नरी लुवु ताङ शिनी येलुङ ङोसु लावु तीकी सुङ्‍गुप यिन।