एफिसी 6:9 - कोन्छ्‌योककी सुङ

⁹ ज्‍यिन्‍दाकतिवा, रङगी योक्‍पुतिवाला किताङ ल्‍यामु की, तिवाला वोरु मादेन। दी ति हाक्‍कोवा की, ख्‍यिराङ ङ्‍यिकरकी ज्‍यिन्‍दाक ति देवाच्‍येनला ज्‍यु वे। खोकी सुला साङ ख्‍ये मेबेवी।

एफिसी 6:9 Iomraidhean Croise

मत्ती 22:10

तुक क्‍यानी लावातिवा ग्‍येलामला गल्‍नी ठेतुप मी ल्‍यामु मेलोवा तेरीला टि वासुङ। तमा जेन्‍दीकी खाङ्‍बाला मीतिवा क्‍येङ्‍सुङ।

मत्ती 22:8

ती ज्‍युक्‍ला तीकी खोरो लावातिवाला ‘जेन्‍दी डेन याङ टडिक वे, यिने केच्‍या क्‍यावु मीतिवा ति डेन सापला वुङ छ्‍योवु मिन्‍दुक।

मत्ती 24:48

यिने दोजो ती लावा ति मेलोवा वे, तमा तीकी खोरो सेमला ‘ङे ज्‍यिन्‍दाक याङ फिमु गिते।’ सिनी नासाम तोङ्‍यिन सिरा

मत्ती 24:51

तमा ती ज्‍यिन्‍दाककी ती लावा तीला छेटाङ बिन्‍नी खोनक्‍पुतिवा डो गोवु ङ्‍येलाला क्‍युर्किवी, तमा ते ती ति ङुप्‍राङ कियी सिरा स मुर्किवी।”

मत्ती 7:12

मी यम्‍बी ख्‍यिराङला चुकै किशी सिरुप नो किवे, तुकै राङ ख्‍यिरा तिवाला की। दी ति मोशाकी ठिम ताङ कोन्‍छ्‍योककी लुङ्‍तेम्‍बातिवी बिन्‍दुप खक्‍छ्‍येवु येन्‍देन यिन।”

लूका 6:31

मी यम्‍बी ख्‍यिराङला चुकै किशी सिरुप ख्‍यिरा नो किवे, तुकै राङ ख्‍यिरा तिवाला की।

यूहन्‍ना 13:13

ख्‍यिराङ ङला गेकेन याङ्‍ना चोवो सिनी सिवी, ती ति टेके यिन, च्‍यिलासिसिन ङ वुतुङ के ख्‍यिरा सिक्‍यावु दोके राङ यिन।

लोमा छ्‍येतिवी लाका 10:34

ती थोसिमा पत्रुसकी सिक्‍यासुङ, “त याङ ङे हाक्‍कोसुङ। कोन्‍छ्‍योककी मी ललाइला ल्‍यामु, मी ललाइला मेलोवा मिकिवी, तेरीला च्‍यिक्‍पा राङ किवी।

रोमी 2:11

च्‍यिलासिसिन कोन्‍छ्‍योककी नाम्‍साङ ललाइला ल्‍यामु, ललाइला मेलोवा मिकिवी।

१ कोरिन्‍थी 1:2

कोरिन्‍थला वोतुप कोन्‍छ्‍योककी चर्च ताङ येशू ख्रीष्‍ट नेसुर टेङ्‍बु च्‍युङ्‍गुप मीतिवा ताङ चाङ्‍मा वोतुप गिपा च्‍युङ्‍गुपला कोन्‍छ्‍योककी पेन नङ्‍गुपतिवा ताङ तेरी दासाला येशू ख्रीष्‍टला दाक्‍पी चोवो सिनी खोकी मिङला कतङ्‍गुप मीतिवा तेरीला टिवु यिनो।

१ कोरिन्‍थी 7:22

च्‍यिलासिसिन कोन्‍छ्‍योककी कताङ नङ्‍गुप पेला सु योक्‍पु नोके, ती ति त याङ थर्नी कोन्‍छ्‍योककी गिपा च्‍युङ्‍गुप यिन। तुक राङ क्‍यानी सु मी यम्‍बी ओङला मेवे, तिवाला कोन्‍छ्‍योककी कताङ नङ्‍गुप पेला ख्रीष्‍टकी थोक्‍ला शब्‍ज्‍यी कितुप योक्‍पु यिन।

कलस्सी 3:25

लाका मेलोवा कितुप सु यिन्‍सिनाङ तीला पर्च्या मेलोवा राङ फोकिवी। चोवोकी सुला साङ ख्‍ये मेबेवी।

कलस्सी 4:1

ज्‍यिन्‍दाकतिवा, ख्‍यिरा साङ देवाच्‍येनला रङगी ज्‍यिन्‍दाक वे सिरुप ति हाक्‍कोनी रङगी लावातिवाला ख्‍ये मापेवा क्‍यानी टेङ्‍बु किसा।

याकूब 2:13

च्‍यिलासिसिन कोन्‍छ्‍योककी ठिम क्‍या नङ्‍गुप पेला मीला च्‍यम्‍बा मिकिवु तीला खोकी साङ च्‍यम्‍बा माक्‍यानी ठिम क्‍या नङ्‍गिवी, यिने च्‍यम्‍बा क्‍यावु मी ति खोकी ठिम कितुप पेला ग्‍येल्‍गिवी।

याकूब 2:8

कोन्‍छ्‍योककी सुङला साङ “खोरो युल्‍वातिवाला रङला दोके ङ्‍यिङ्‍ज्‍ये की।” सिनी टि वे। वुतुङ के ख्‍यिरा ती कोन्‍छ्‍योककी सुङला वोतुप खक्‍छ्‍येवु कला ङ्‍येन्‍सुङ सिसिन ख्‍यिरा ल्‍यामु राङ क्‍यावु यिन।

याकूब 5:4

ल्‍होसा, ख्‍यिरा रङगी शिङ खला लाका कितुपतिवाला तेर गोवु लतिवा माबिन वे। ती तप्‍की तिवा ख्‍योरो तेन्‍दोकला ङुप्‍राङ कियी वे। तिवी ङुप्‍राङ क्‍यावु ति ओङ छ्‍येन्‍बु कोन्‍छ्‍योककी सेन्‍नी वे।