एफिसी 6:5 - कोन्छ्‌योककी सुङ

⁵ ख्‍यिराङ योक्‍पुतिवा, ख्रीष्‍टला ताङ्‍देन क्‍यावु दोके दी जम्‍बुलिङकी ख्‍यिरा ज्‍यिन्‍दाकतिवी सिक्‍यावु ताम्‍ङे ति ज्‍यिवा क्‍यानी र्‍हुकिन सिरा सेमगी दिङ नेज्‍युनी की।

एफिसी 6:5 Iomraidhean Croise

मत्ती 6:22

“मिक ति जुकी दिप्‍ली यिन। दोजो ख्‍योरो मिक ल्‍यामु थोङ्‍सुङ सिसिन ख्‍योरो तेरी जु ठछ्‍येली डिवी।

मत्ती 6:24

“सी साङ ज्‍यिन्‍दाक ङ्‍यीला शब्‍ज्‍यी कि मुथुपी। च्‍यिलासिसिन तीकी ज्‍यिन्‍दाक च्‍यिकला ति ङ्‍यिङ्‍मर किवी, च्‍यिकला ति ङ्‍यिङ्‍ज्‍ये किवी। याङ्‍ना च्‍यिकला ति ताङ्‍देन किवी, च्‍यिकला ति मो बेप्‍किवी। ती दोके ख्‍यिराङ कोन्‍छ्‍योक ताङ टोङ्‍बा ङ्‍यिकरला शब्‍ज्‍यी कि मुथुपी।”

मत्ती 8:9

च्‍यिलासिसिन ङ साङ ङ सिनाङ मी छ्‍येकी ओङला देनी वे, तमा ङे ओङला साङ मक्‍मीतिवा वे। ङे तिवा च्‍यिकला ग्‍युक सिक्‍यासिन ती डिवी, च्‍यिकला शोक सिक्‍यासिन ती गिवी। तमा ङे लावा यीला दी की सिक्‍यासिन तीकी तुकै राङ किवी।”

लोमा छ्‍येतिवी लाका 2:46

तिवा ङ्‍यिमी टेङ सेम च्‍यिक्‍पा राङ च्‍युङ्‍नी यहूदी ल्‍हङाङला जोम्‍गिनोक। तमा खाङ्‍बा खाङ्‍बाला कताङ्‍नी मुला राङ देनी सेम गा ताङ क्‍यानी समा सेनोक,

रोमी 9:3

ङरा यहूदी अच्‍युनुपतिवी थोक्‍ला यिन्‍सिन ङला काङ मोताप तप्‍सिनाङ, ख्रीष्‍ट नेसुर क्‍युन ज्‍याक्‍सिनाङ ङला गा लङ्‍गिवी।

१ कोरिन्‍थी 2:3

ङ ख्‍यिरा मुला वोतुप पेला काङ साङ कि मुथुवु दोके ताङ छासे ज्‍यिवा लानी र्‍हुकिन वायिन।

१ कोरिन्‍थी 7:22

च्‍यिलासिसिन कोन्‍छ्‍योककी कताङ नङ्‍गुप पेला सु योक्‍पु नोके, ती ति त याङ थर्नी कोन्‍छ्‍योककी गिपा च्‍युङ्‍गुप यिन। तुक राङ क्‍यानी सु मी यम्‍बी ओङला मेवे, तिवाला कोन्‍छ्‍योककी कताङ नङ्‍गुप पेला ख्रीष्‍टकी थोक्‍ला शब्‍ज्‍यी कितुप योक्‍पु यिन।

२ कोरिन्थी 1:12

ङ्‍यिराङ दी ताम्‍ङेला तेके किवी, तमा ङ सेम टेङ्‍बुकी पङ्बु तेरिन। दी जम्‍बुलिङला देनी क्‍यावु ङ्‍यिरा किताङ नालु ताङ खक्‍छ्‍येवुला ख्‍यिरा मुकी तम्‍जीला ताम्‍ङे जिनोक माजोनी कोन्‍छ्‍योक नेमा वावु टेङ्‍बुला क्‍यावु यिन। ङ्‍यिरा तुक क्‍यावु ति जम्‍बुलिङकी रिक्‍पा नेमा वावु मिन, कोन्‍छ्‍योककी कटिन नेमा वावु यिन।

२ कोरिन्थी 7:15

ख्‍यिराङ तेरीकी तीतसकी खला ङ्‍येन्‍दुप ताङ तीला ज्‍यिवा खुरुप ताङ ताङ्‍देन क्‍यानी गासो शुवु ति नासाम शर्नी तीतसकी ख्‍यिराङला मङ छासे ङ्‍यिङ्‍ज्‍ये क्‍यासुङ।

एफिसी 5:22

पेर्मीतिवा, कोन्‍छ्‌योककी कला युकुप दोके दाक दाक्‍पी ख्‍योवी ओङला देता।

एफिसी 6:24

तमा दाक्‍पी चोवो येशू ख्रीष्‍टला नरी ङ्‍यिङ्‍ज्‍ये कितुपतिवा तेरीकी मुला कटिन ति थोप्‍शी।

फिलिप्पी 2:12

ती तप्‍की ङे ङ्‍यिङ्‍ज्‍येवु अच्‍युनुपतिवा, ङ ख्‍यिरा मुला वोतुप पेला ख्‍यिरा ङे खला ङ्‍येन्‍सुङ। ती दोके त ङ मेतुप पेला मङ ङे ताम्‍ङे ङ्‍येन्‍नी सेमला ज्‍यिवा खुर्नी कोन्‍छ्‍योकला ताङ्‍देन क्‍यानी खोरुङ दिक्‍पा ने थरुप लाका तेरी सिन्‍दा कितुपला टेमु किसा।

फिलेमोन 1:16

त याङ ती ति योक्‍पु मिन, यिने योक्‍पु सिनाङ मङ ङ्‍यिङ्‍ज्‍येवु नुप यिन। ङला ङ्‍यिङ्‍ज्‍येवु मी यिन्‍सिन ख्‍यिराङला ति मङ ङ्‍यिङ्‍ज्‍येवु यिन्‍जा। च्‍यिलासिसिन गोमाला ती ति ख्‍योरो योक्‍पु वोसिनाङ तन्‍दा ति येशूला तेपा क्‍यावु नुप यिन।

१ पत्रुस 3:2

च्‍यिलासिसिन ख्‍यिरा मिजी टेङ्‍बु वोतुप ताङ ख्‍यिरा तिवाला ताङ्‍देन क्‍यावु ति तिवी थोङ्‍गिवी।