एफिसी 6:21 - कोन्छ्‌योककी सुङ

²¹ ङ चुकै वे, काङ कियी वे, ती ति ख्‍यिरा साङ हाक्‍कोशी सिनी कोन्‍छ्‌योकला ल्‍यामो क्‍यानी शब्‍ज्‍यी बुलुप ङे ङ्‍यिङ्‍ज्‍येवु नुप तुखिकसकी तेरी ताम्‍ङे ति ख्‍यिराङला शेकितो।

एफिसी 6:21 Iomraidhean Croise

लोमा छ्‍येतिवी लाका 20:4

ती पेला पावलकी मुला डोप मीतिवा ति बेरियाला क्‍येवु पुरासकी पुज्‍युङ सेपोत्रस ताङ थेसलोनिकेकी अरिस्‍तार्खस ताङ सिकन्‍दस ताङ डर्बीकी गायस ताङ तिमोथी ताङ एशियाकी तुखिकस ताङ त्रोफिमस नोक।

१ कोरिन्‍थी 4:17

ती तप्‍की तिमोथीला ङ ख्‍यिरा ते तोङ्‍यिन वोतो। ती ति येशू ख्रीष्‍टला तेपा कितुप छासे ङ्‍यिङ्‍ज्‍येवु ङे पुज्‍युङ यिन। दासा तेरीला वोतुप चर्चकी मीतिवाला ङे लापुप दोके ङ चुक क्‍यानी येशू ख्रीष्‍टकी कला युनी मिजी क्‍याङ्‍सुङ सिरुप ताम्‍ङे ति तीकी ख्‍यिराङला टेन्‍सो कि ज्‍यिकितो।

फिलिप्पी 1:12

अच्‍युनुपतिवा, ख्‍यिराङला दी ताम्‍ङे ति ल्‍यामु हाक्‍कोशी सिरुप ति ङे नोवा वे। काङ यिन सिसिन ङला छेटाङ ख्‍येलुप तप्‍की राङ लेन ल्‍यामु ख्‍याप्‍टाक कितुप लाका मङ च्‍युङ्‍नी वे।

कलस्सी 1:7

दी कोन्‍छ्‍योककी कटिन ति ङ्‍यिरा मुला राङ शब्‍ज्‍यी कितुप दाल्‍जा इपाफ्रास नेसुर ख्‍यिराङला लापुप यिन। ती ति ङ्‍यिरा छापला ख्‍यिरा पर्ला ख्रीष्‍टकी थोक्‍ला लाका कितुप खोङ्‍तेर्मु वोतुप नुप यिन।

१ तिमोथी 4:6

ती येन्‍देन ति ख्‍योरो अच्‍युनुपतिवाला साङ लाप्‍सुङ सिसिन ख्‍योरो तेपा क्‍यावु सुङ ताङ येन्‍देन टेङ्‍बुला सिक्‍यावु दोके मङ रम्‍बु च्‍युङ्‍नी ख्‍युरुङ येशू ख्रीष्‍टकी थोक्‍ला लाका ल्‍यामु कितुप डिवी।

२ तिमोथी 4:12

तुखिकसला ति ङे एफिससला तङ्‍यिनो।

तीतस 3:12

अर्तिमास ताङ तुखिकसला ख्‍योरो ते तोङ्‍गुप पेला ख्‍युरुङ निकोपोलिसला ङे ते यिन्‍ज्‍यिक मिन्‍ज्‍यिक शोक। च्‍यिलासिसिन ङ गुन्‍बी ल ति तेराङ देतुप सिनी नासाम तङ्‍यिन।

फिलेमोन 1:16

त याङ ती ति योक्‍पु मिन, यिने योक्‍पु सिनाङ मङ ङ्‍यिङ्‍ज्‍येवु नुप यिन। ङला ङ्‍यिङ्‍ज्‍येवु मी यिन्‍सिन ख्‍यिराङला ति मङ ङ्‍यिङ्‍ज्‍येवु यिन्‍जा। च्‍यिलासिसिन गोमाला ती ति ख्‍योरो योक्‍पु वोसिनाङ तन्‍दा ति येशूला तेपा क्‍यावु नुप यिन।

१ पत्रुस 5:12

दी यिकी ति खोङ्‍तेर्मु वोतुप ङे नुप सिलासला टिक च्‍यितुप यिनो। दी यिकी ति ख्‍यिराङला टोङ्‍गु तेरुपला ताङ कोन्‍छ्‍योककी कटिन टेङ्‍बु ति दी राङ यिन सिनी पङ्‍बु तेरुपला टिवु यिनो। तुक क्‍यानी ख्‍यिराङ दी कटिनला ल्‍यामो क्‍यानी देता।

२ पत्रुस 3:15

कोन्‍छ्‍योककी हम क्‍यानी गुनी देतुप ति दाक्‍पु दिक्‍पा ने थरुपला यिन सिनी नासाम तोङ। दाक्‍पी नुप पावलकी साङ कोन्‍छ्‍योककी नङ्‍गुप रिक्‍पा नेसुर ख्‍यिराङला ती ताम्‍ङेकी थोक्‍ला टिवु यिन।