एफिसी 6:18 - कोन्छ्‌योककी सुङ

¹⁸ नरी खोकी थु चाङ्‍माकी क्‍येङ्‍नी तेरीकी थोक्‍ला मोपोर ताङ गोङ्‍बा पुल। तोजो तिराङ मिन, टेमु ताङ च्‍याङ्‍से क्‍यानी कोन्‍छ्‌योकला तेपा कितुपतिवा तेरीकी थोक्‍ला नरी मोपोर किसा।

एफिसी 6:18 Iomraidhean Croise

मत्ती 17:21

यिने मोपोर कितुप ताङ ङ्‍युङ्‍ने मादेसिन दुका डे ति थेन मुथुपी।”

मत्ती 26:41

ख्‍यिराङ शैतानकी खोक्‍पा ल्‍हापला मेख्‍येल्‍शी सिनी ङ्‍यिमालोका क्‍यानी मोपोर की। सेमला ति कितुप नो वे, यिन्‍सिनाङ जुकी अला कि मुथुपी।”

मर्कूस 13:33

चेर्मु क्‍यानी च्‍याङ्‍से देता। च्‍यिलासिसिन ती तुजे ति नम गिवी सिनी ख्‍यिराङला छ्‍या मे।

मर्कूस 14:38

ख्‍यिराङ खोक्‍पा ल्‍हापला मेख्‍येलुपला ङ्‍यिमालोका क्‍यानी मोपोर की। सेमला ति कितुप नो वे, यिन्‍सिनाङ जुकी अला कि मुथुपी।”

लूका 21:36

तुक क्‍यानी ख्‍यिराङ च्‍याङ्‍से देता, त च्‍युङ्‍गुप दी तेरी ताम्‍ङेतिवा नेसुर र्‍होक्‍नी मी पुज्‍युङकी चिप्ला लङ थुप्‍शी सिनी नरी मोपोर किसा।”

लूका 22:46

तमा खोकी तिवाला सुङ्‍सुङ, “ख्‍यिराङ च्‍यिला ङ्‍यी लोक्‍नी देकिवी? लानी खोक्‍पा ल्‍हापला मेख्‍येल्‍शी सिनी मोपोर की।”

लूका 3:26

नग्‍गै ति माथकी पुज्‍युङ, माथ ति मत्ताथियासकी पुज्‍युङ, मत्ताथियास ति सेमैनकी पुज्‍युङ, सेमैन ति योसेखकी पुज्‍युङ, तमा योसेख ति योदाकी पुज्‍युङ नोक।

लूका 3:37

लेमेख ति मतूशेलहकी पुज्‍युङ, मतूशेलह ति हनोककी पुज्‍युङ, हनोक ति येरेदकी पुज्‍युङ, येरेद ति महलालेलकी पुज्‍युङ, महलालेल ति केनानकी पुज्‍युङ,

लोमा छ्‍येतिवी लाका 1:14

ती लोमातिवा ति पुम्‍पेजातिवा ताङ येशूकी आमा मरियम ताङ खोकी नुपतिवा ताङ मुला जोम्‍नी सेम च्‍यिक राङ थिन्‍नी मोपोर क्‍या क्‍यावा देकिनोक।

लोमा छ्‍येतिवी लाका 10:2

ती कर्नेलियस ति कोन्‍छ्‍योककी सुङला युकुप मी नोक। तीकी मिछाङतिवा तेरी मुला कोन्‍छ्‍योकला ज्‍यिवा क्‍यानी पेराङ्‍बुतिवाला बुल्‍दिर ग्‍यकुप ताङ कोन्‍छ्‍योकला नरी मोपोर कियिनोक।

लोमा छ्‍येतिवी लाका 12:5

पत्रुस चोन्‍खाङला वोतुप पेला चर्चकी मीतिवा तेरीकी तीकी थोक्‍ला कोन्‍छ्‍योकला मोपोर क्‍यासुङ।

लोमा छ्‍येतिवी लाका 6:4

यिने ङ्‍यिराङ ति नरी मोपोर कितुप ताङ सुङ ख्‍याप्‍टाक कितुप लाका कितिन।”

रोमी 12:12

कोन्‍छ्‍योककी ख्‍यिराङला नङ्‍गुप रेवाला ख्‍यिराङ लोदिमु क्‍यानी दे, छेटाङला ख्‍येलुप पेला हम क्‍यानी दे, नरी कोन्‍छ्‍योकला मोपोर की।

रोमी 8:15

त याङ ख्‍यिराङ ज्‍यिवा लङ्‍गुप दिक्‍पाकी ओङला मिन, कोन्‍छ्‍योककी थु चाङ्‍माकी ओङ थोपुप तप्‍की ख्‍यिराङ कोन्‍छ्‍योककी पेजातिवा यिन। तुक क्‍यानी दाक्‍पी कोन्‍छ्‍योकला “पपा” सिनी सि थुप्‍किवी।

गलाती 4:6

दाक्‍पु कोन्‍छ्‍योककी पुज्‍युङ यिन्‍दुप तप्‍की खोकी खोरे सेवुकी थु ति दाक्‍पी सेमला ज्‍याङ नाङ्‍सुङ। तुक क्‍यानी दाक्‍पी खोला “पपा कोन्‍छ्‍योक” सि थुप्‍किवी।

एफिसी 2:22

येशू ख्रीष्‍ट नेसुर ख्‍यिराङ साङ थु चाङ्‍माकी ओङला कोन्‍छ्‌योक ज्‍युवु दासा च्‍युङ्‍गुपला तेरी मुला थिन्‍नी च्‍यिक्‍पा राङ जोयी डिवी।

एफिसी 3:18

ख्‍यिराङ तेपा कितुपतिवा तेरी खोकी मिछाङ च्‍यिक राङ च्‍युङ्‍नी ख्रीष्‍टकी ङ्‍यिङ्‍ज्‍ये ति चो थेन्‍बु वोतुप ताङ चो मोमु ताङ चो रिङ्‍बु वोतुप ति हाक्‍को थुप्‍शी।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

एफिसी 6:19

ङ खोकी सुङ ख्‍याप्‍टाक कितुप पेला ज्‍यिवा माक्‍यावा क्‍यानी छ्‍याकला वोतुप कोन्‍छ्‌योककी सुङगी तेन्‍दोक ति ख्‍याप्‍टाक कि थुप्‍शी सिनी मोपोर क्‍या नाङ।

फिलिप्पी 1:4

तमा ख्‍यिराङ तेरीकी थोक्‍ला ङ मोपोर कितुप पेला नरी कोन्‍छ्‍योकला सेम गा क्‍यानी मोपोर कितिन।

फिलिप्पी 4:6

ख्‍यिराङ काङ साङ पप माकी, यिने मोपोर कितुप पेला कोन्‍छ्‍योकला थुचिछे पुल्‍नी ख्‍यिराङला गोवु तेरी ताम्‍ङेकी थोक्‍ला खोला गोङ्‍बा शु।

कलस्सी 1:3

ङ्‍यिराङ ख्‍यिरा थोक्‍ला मोपोर कितुप पेला दाक्‍पी चोवो येशू ख्रीष्‍टकी पपा कोन्‍छ्‍योकला नरी थुचिछे बुल्‍गिवी।

कलस्सी 1:4

च्‍यिलासिसिन ख्‍यिरा ख्रीष्‍ट येशूला तेपा क्‍यावु ताङ कोन्‍छ्‍योककी चाङ्‍मा वोतुप मीतिवाला ङ्‍यिङ्‍ज्‍ये क्‍यावु ति ङ्‍यिरा थोसुङ।

कलस्सी 4:2

ख्‍यिराङ नरी मोपोर क्‍या क्‍यावा देता। मोपोर कितुप पेला चेर्मु क्‍यानी थुचिछे पुल्‍नी मोपोर किसा।

१ थेसलोनिकी 5:17

नरी मोपोर क्‍यानी देता।

१ तिमोथी 2:1

तेरी सिनाङ गोमाला ङ ख्‍युरुङला ठाकुरे सिरिन। तेपा कितुप तेरी मीतिवी थोक्‍ला ख्‍योरो कोन्‍छ्‍योकला गोङ्‍बा शुनी मोपोर कितुप ताङ खोला थुचिछे पुल।

२ तिमोथी 1:3

ङ ङ्‍यी ताङ नुप्‍ज्‍या मोपोर कितुप पेला ख्‍युरुङला नासाम तङ्‍नी चोवो कोन्‍छ्‍योकला थुचिछे बुलिन। ती कोन्‍छ्‍योकला ङे पगावा हङ्‍गावातिवी शब्‍ज्‍यी पुलुप दोके ङ साङ सेम टेङ्‍बु क्‍यानी शब्‍ज्‍यी बुलिन।

फिलेमोन 1:5

च्‍यिलासिसिन ख्‍योरो तेपा ति चोवो येशूला वोतुप ताङ कोन्‍छ्‍योकला तेपा कितुप मी तेरीला ख्‍योरो ङ्‍यिङ्‍ज्‍ये क्‍यावु ति ङे थोसुङ।

हिब्रू 5:7

येशू दी जम्‍बुलिङला मी जुजमला ज्‍युवु पेला खुरुङला शेप ने ङोसु लोङ थुपुप कोन्‍छ्‍योकला थोर ग्‍यप्‍नी ङुयी सिरा मोपोर क्‍यावु ति खोकी सेन्‍सुङ। च्‍यिलासिसिन येशूकी टेङ्‍बु क्‍यानी खोला ताङ्‍देन क्‍या नाङ्‍सुङ।

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

यहूदा 1:20

यिने अच्‍युनुपतिवा, ख्‍यिराङ ति छासे चाङ्‍मा वोतुप तेपाला रम्‍बु च्‍युङ्‍नी फेलिन ग्‍युक। तमा कोन्‍छ्‍योककी थु चाङ्‍माकी ओङला देनी मोपोर किसा।