एफिसी 6:12 - कोन्छ्‌योककी सुङ

¹² च्‍यिलासिसिन दाक्‍पी ग्‍यकुप मक ति मी ताङ मुला मिन, यिने ओङ्‍ज्‍येन कितुपतिवा ताङ ङार वोतुपतिवा ताङ दी जम्‍बुलिङकी दुक्‍टाकी ङार ताङ देवाच्‍येनला वोतुप डेतिवी मुला यिन।

एफिसी 6:12 Iomraidhean Croise

मत्ती 16:17

तमा येशूकी तीला सुङ्‍सुङ, “योनाकी पुज्‍युङ सिमोन, ख्‍युरुङला मोलाम थोपुप यिनो। दी ताम्‍ङे ख्‍युरुङला हाक्‍को च्‍यितुप ति मीकी क्‍यावु मिन, यिने देवाच्‍येनला ज्‍यु वोतुप ङे पपी क्‍यावु यिन।

मर्कूस 4:19

यिने जम्‍बुलिङकी पप ताङ टोङ्‍बाकी नासाम ताङ यम्‍बा ताम्‍ङेकी देर्पाकी ती सुङला क्‍येक्‍नी डेलु मोगोर्वी।

लूका 13:24

“गच्‍चा वोतुप गो नेमा शुकुपला हुर्ताक की। ङ ख्‍यिराङला सिरिन, मी बङी ती नाङ्‍ला शुकुप छल्‍सिनाङ शुक मुथुपी।

लूका 22:53

ङ ङ्‍यिमी टेङ ख्‍यिरा मुला ल्‍हङाङला देतिन। ती पेला ति ख्‍यिरा ङला लाक्‍पा मालाङ। यिने दी ति नक्‍तोमीकी ओङ्‍ज्‍येन कितुप ख्‍यिरा तुजे यिन।”

यूहन्‍ना 12:31

तन्‍दा ति कोन्‍छ्‍योककी दी जम्‍बुलिङला ठिम कितुप तुजे यिन, त कोन्‍छ्‍योककी दी जम्‍बुलिङला ओङ्ज्‍येन कितुप शैतानला तेन तोङ्‍गिवी।

यूहन्‍ना 14:30

त याङ ङ ख्‍यिरा मुला ताम्‍ङे अला मलाप, च्‍यिलासिसिन दी जम्‍बुलिङला ओङ्ज्‍येन कितुप शैतान ति वुङ्‍यिन नोक। तीकी ङला काङ साङ ओङ्ज्‍येन कितुप ङार मे।

यूहन्‍ना 16:11

कोन्‍छ्‍योककी ठिमकी कोर्ला ति दी जम्‍बुलिङला ओङ्‍ज्‍येन कितुप शैतानला कोन्‍छ्‍योक नेमा पर्च्या ङ्‍येसुङ सिनी हाक्‍को ज्‍यिकिवी।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

रोमी 8:38

तमा दाक्‍पुला छासे तेन्‍तेन वे। दाक्‍पु शेप यिन्‍सिनाङ मिजी यिन्‍सिनाङ, याङ्‍ना देवाच्‍येनकी लेन क्‍योलुप थुतिवा यिन्‍सिनाङ दी जम्‍बुलिङला ओङ्‍ज्‍येन कितुपतिवा यिन्‍सिनाङ, याङ्‍ना तसाम पेलाकी ताम्‍ङे यिन्‍सिनाङ ज्‍युक्‍थमाला वुङ्‍गुप ताम्‍ङे यिन्‍सिनाङ दी जम्‍बुलिङकी ङार यिन्‍सिनाङ,

१ कोरिन्‍थी 15:50

अच्‍युनुपतिवा, ङ ख्‍यिराङला दी ताम्‍ङे ति सिरिन। श ताङ ठकला वोतुप दाक्‍पी जु ति कोन्‍छ्‍योककी ग्‍येल्‍खापला डो मुथुपी। तमा शिनी रुल डोप जु तीकी नाम्‍साङ मिशिवु मिजी ङ्‍ये मुथुपी।

२ कोरिन्थी 11:14

यिने दी ताम्‍ङे ति हलेवु ताम्‍ङे मिन, च्‍यिलासिसिन शैतान साङ वोसिरला वोतुप देवाच्‍येनकी मीतिवा दोके जोनी युकिवी।

२ कोरिन्थी 4:4

दी जम्‍बुलिङकी ल्‍हलु यिन्‍दुप शैतानकी येशूला तेपा मिकिवु मीतिवी सेम ति क्‍योङ्‍बु जोवु तप्‍की तिवी कोन्‍छ्‍योककी जुजमला फेवु ख्रीष्‍टकी मोवा यिन्‍दुप लेन ल्‍यामुकी वोसिर सल्‍वु ति थोङ मुथुपी।

गलाती 1:16

खोरे सेवुकी कोर्ला लेन ल्‍यामु माथोवु मीतिवी पर्ला पङ्‍बु तेरुपला खोकी ङला खोरे सेवुला ङो शे ज्‍यितुप गा लानोक। ती पेला ङे मी सुला साङ ती ताम्‍ङे सी माक्‍या।

एफिसी 1:21

तमा जम्‍बुलिङ तेरीला ग्‍येला कितुप ताङ तेरी ओङ्‍ज्‍येन ताङ ङार ताङ ग्‍येल्‍खाप ताङ दी कल्‍वाला तिराङ मिन यिने त वुङ्‍गुप कल्‍वा सेक्‍ला वुङ्‍गुपतिवा तेरी सिनाङ चोछ्‌ये जो नाङ्‍सुङ।

एफिसी 1:3

दाक्‍पी चोवो येशू ख्रीष्‍टकी पपा कोन्‍छ्‌योकला सोवा वुङ्‍शी, च्‍यिलासिसिन खोकी येशू ख्रीष्‍ट नेसुर देवाच्‍येनला वोतुप तेरी मोलाम ति दाक्‍पुला नङ्‍नी वे।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

एफिसी 3:10

ती ति चर्च नेसुर खोकी नम्‍बा कुतुक कुतुककी रिक्‍पा ति देवाच्‍येनकी ग्‍येला कितुप ताङ ओङ्‍ज्‍येन वोतुपतिवी पर्ला तसाम छ्‌या देन्‍दुपला खोकी दुक क्‍या नङ्‍गुप यिन।

कलस्सी 1:13

खोकी दाक्‍पुला नक्‍तोमीकी ओङ्‍ज्‍येन ने थर्वा नाङ्‍नी खोरे ङ्‍यिङ्‍ज्‍येवु सेवुकी ग्‍येल्‍खापला ल्‍यामो क्‍यानी क्‍यल नङ वे।

कलस्सी 2:15

ती ग्‍यङ्‍शिङ लोला राङ डेतिवी ओङ्‍ज्‍येनतिवा ताङ ङारतिवाला ना ताङ्‍नी तिवी खला खोकी ग्‍येल्‍सुङ। तमा मीतिवी मिङ्‍गाला तिवाला छ्‍या तेन्‍नी ङोशी मारे जोसुङ।

२ तिमोथी 2:5

ती दोके चिर्मु चेप पेला साङ चिर्मु चेप मी ति तीकी ठिमला देनी चिर्मु माचेसिन तीला छ्‍यक्‍तक मोथोपिवी।

हिब्रू 12:1

दाक्‍पी गारी गुरीला कोन्‍छ्‍योकला तेपा कितुप कोर्ला पङ्‍बु तेरुप मीतिवा छासे मङ्‍मु वे। तुक क्‍यानी दाक्‍पी मिजीला तोक्‍सा छोकुपतिवा ताङ दाक्‍पुला क्‍येक्‍नी ज्‍योकुप दिक्‍पातिवा क्‍युर ज्‍यकुप, तमा दाक्‍पु लेप गोवु थाकाला तिराङ ल्‍हानी हम क्‍यानी छ्‍योङ्‍बाल ग्‍यकुप।

हिब्रू 12:4

ख्‍यिरा याङ तन्‍दा सेक सी साङ दिक्‍पा मिकिवु तेन्‍दोकला रङगी मिजी साङ तेर गोवु क्‍यानी थमु ग्‍यक मागो वे।

१ पत्रुस 3:22

खो देवाच्‍येनला फेप्‍सुङ, तमा देवाच्‍येनकी लेन क्‍योलुप थुतिवा ताङ ओङ्‍ज्‍येन कितुपतिवा ताङ ङारतिवाला खोरे ओङला ज्‍याक्‍नी खो ति कोन्‍छ्‍योककी यावी थाकाला वोतुप ठीला ज्‍युसुङ।