एफिसी 6:11 - कोन्छ्योककी सुङ11 शैतानकी च्युतिवी तेन्दोकला लानी दे थुपुपला कोन्छ्योककी नङ्गुप तेरी मक्मीकी लाक्च्येतिवा लोसा। Faic an caibideil |
एफिसी 6:11
30 Iomraidhean Croise
ख्यिरा मिजीला खोक्पा ल्हाप ताम्ङेतिवा ख्येलुप पेला ती खोक्पा ल्हाप ताम्ङेतिवा ति मी यम्बाला साङ ख्येल्गिवी सिनी नासाम तोङ। कोन्छ्योक ति खोङ्तेर्मु वे, खोकी ख्यिराङला ख्यिरा अछ्योवु सिनाङ ल्हक्पा खोक्पा ल्हाप ताम्ङेला ख्येल मिज्यिवी। यिने खोक्पा ल्हाप ताम्ङे ख्येल वासिनाङ ती नेसुर थरुप लाम साङ नङ्गिवी। तुक क्यानी ख्यिराङ खोक्पा ल्हापला ख्येलुप पेला हम क्यानी दे थुप्किवी।
यिने दाक्पु याङ ठछ्येलीला वोतुप कोन्छ्योककी गिपातिवा यिन्दुप तप्की च्याङ्से क्यानी देतुप। तमा मक ग्यकुप पेला मक्मीतिवी छेकोक र्होकुपला च्या ग्यपुप दोके क्यानी चोवो येशूला तेपा कितुप ताङ च्यिककी च्यिकला ङ्यिङ्ज्ये किसा। तमा मक्मीतिवी गो र्होकुपला च्याकी शमुङ कोन्दुप दोके क्यानी कोन्छ्योककी दाक्पुला थर ज्यितुप रेवा क्यानी देतुप।
ते ती सेम्ज्येन ताङ तीकी दोङ्ला हलेवु ततिवा छ्या देन्दुप लुङ्तेम्बा मेटेङ्बु ङ्यिकरला जिम्सुङ। ती लुङ्तेम्बा तीकी हलेवु ततिवा छ्या तेन्नी मीतिवाला ती सेम्ज्येनकी लज्युर ग्यक ज्यितुप ताङ कुला तेन ज्यितुपला लुनोक। तुक क्यानी तिवा ङ्यिकरला सेन्बु राङ मे कशेन बरुप तुसोककी चो दोके वोतुप ते क्युर्सुङ।
Sanasan