एफिसी 5:4 - कोन्छ्‌योककी सुङ

⁴ ताम्‍ङे चोताम लपुप ताङ अम्‍बारङ्‍शिङ कितुप ताङ ख्‍येप्‍साङ मेवु ताम्‍ङे ति क्‍युर, बोरु कोन्‍छ्‌योकला थुचिछे पुल।

एफिसी 5:4 Iomraidhean Croise

मर्कूस 7:22

देर्पा कितुप, सेम दुक्‍टा कितुप, क्‍येन्‍दुप, सेम नोजु कितुप, ठतोक कितुप, मारे तोङ्‍गुप, ङराङ यिन सिरुप ताङ अम्‍बारङ्‍शिङ कितुप यिन।

यूहन्‍ना 6:23

तमा तिबेरियास नेसुर वावु यम्‍बा टुतिवा ति गोमाला चोवोकी कोन्‍छ्‍योकला थुचिछे पुल्‍नी मी माङ्‍छ्‍योकला शुब्‍ज्‍याङ नङ्‍गुप दासाकी चाला राङ लेप्‍नोक।

रोमी 1:28

कोन्‍छ्‍योकला तिवी सेमला ज्‍योकुप नो माक्‍यावु तप्‍की खोकी तिवाला खोप्‍रे काङ कियी दे लङ्‍गिवे, तुकै राङ किशी सुङ्‍नी तिवाला मेलोवा कि ज्‍यितुपला क्‍युर्नी ज्‍याक्‍सुङ।

२ कोरिन्थी 1:11

तीकी थोक्‍ला ख्‍यिरा ङ्‍यिराङला मोपोर क्‍यानी दाल्‍जा किटे किसा। तुक क्‍यासिन ख्‍यिराङ बङीकी क्‍यावु मोपोर नेसुर कोन्‍छ्‍योककी ङ्‍यिराङला मोलाम नङ्‍गुप तप्‍की मी बङीकी कोन्‍छ्‍योकला थुचिछे बुल्‍गिवी।

२ कोरिन्थी 9:15

कोन्‍छ्‍योककी नङ्‍गुप ग्‍यक्‍चेकी ङ्‍येम्‍बाकी थोक्‍ला खोला थुचिछे।

एफिसी 4:29

ख्‍यिरा ख नेमा चोताम मालाप, यिने मीला यर्के लोङ्‍गुप ताङ लप गोवु ताम्‍ङे ल्‍यामु तिराङ लोप। तमा ङ्‍येन्‍दुपतिवाला साङ कटिन थोप्‍शी।

फिलिप्पी 4:6

ख्‍यिराङ काङ साङ पप माकी, यिने मोपोर कितुप पेला कोन्‍छ्‍योकला थुचिछे पुल्‍नी ख्‍यिराङला गोवु तेरी ताम्‍ङेकी थोक्‍ला खोला गोङ्‍बा शु।

कलस्सी 3:8

यिने त याङ ख्‍यिरा मिजी नेसुर ती तेरी ङ्‍यिर्मु कितुप ताङ ङ्‍यिर्मु कोक्‍पु वोतुप ताङ ङ्‍यिङ्‍मर कितुप ताङ मारे तोङ्‍गुप ताङ ताम्‍ङे मेलोवा लपुप ति ख्‍यिरा ख नेमा क्‍युर गोकिवी।

१ थेसलोनिकी 3:9

ख्‍यिरा थोक्‍ला ङ्‍यिराङ कोन्‍छ्‍योककी थोङ्‍दाङला छासे लोदिमु वे। तुक क्‍यानी ङ्‍यिरा खोला चो थुचिछे पुल्‍सिनाङ ङ्‍युङ्‍मु डिवी।

१ थेसलोनिकी 5:18

दुक्‍पा ख्‍येल्‍सिनाङ किर्मु वोसिनाङ कोन्‍छ्‍योकला थुचिछे पुल। च्‍यिलासिसिन येशूला तेपा कितुप मीतिवा तुकै राङ वुङ गोकिवी सिरुप ति कोन्‍छ्‍योककी नोवा यिन।

फिलेमोन 1:8

ङ ति ख्रीष्‍टला तेपा कितुप ख्‍योरो च्‍युच्‍यु यिन्‍दुप तप्‍की ङाडेङ क्‍यानी ख्‍योरो काङ कि गोकिवी सिनी क तेर थुप्‍किवी,

हिब्रू 13:15

तुक क्‍यानी दाक्‍पु येशू नेसुर नरी कोन्‍छ्‍योकला सोवा देकिन सिरा खोला जिन्‍बा तोङ्‍गुप। तुक क्‍यावु ति दाक्‍पी खोला चोवो कोन्‍छ्‍योक यिन सिनी मी यम्‍बाला पङ्‍बु तेरुप यिन।

२ पत्रुस 2:18

तिवा अम्‍बारङ्‍शिङ कितुप ताङ तेन्‍दोक मेतुप ताम्‍ङे तिराङ किवी, तमा मलोक लाका मेलोक्‍पा कितुप क्‍युर ज्‍यकुप मीतिवाला साङ सेम नेसुर वुङ्‍गुप नासाम मेलोक्‍पाला ख्‍येल ज्‍यितुपला लुकिवी।

२ पत्रुस 2:7

यिने ती ग्‍येसाकी मीतिवी सेम नोजु क्‍यानी ङोछा लङ्‍गुप लाका दुक्‍टातिवा क्‍यावु थोङ्‍नी लोतकी सेमला छासे मेलोवा गाल्‍नोक। तुक क्‍यानी खोकी खोरे थोङ्‍दाङला टेङ्‍बु वोतुप लोतला ति र्‍होक्‍सुङ।

यहूदा 1:10

यिने ती मीतिवी याङ खोरो हाक राङ माकोवु ताम्‍ङे चुकै यिन्‍सिनाङ मारे तङ्‍नी क्‍येन तेर्किवी। तमा तिवी तेरी ताम्‍ङेतिवा ल्‍यामु हाक्‍कोकिवी सिनी रिक्‍पा मेतुप छ्‍युङ्‍मातिवा दोके क्‍यानी लाका किवी। तुक क्‍यानी तिवा रिक्‍पा मेतुप लाकाकी तेन्‍दोकला राङ ना डिवी।

यहूदा 1:13

तिवा ग्‍येम्‍छो नङगी ज्‍यिवा लङ्‍गुप छ्‍यी बालाप दोके वे। तमा रङगी ङोजु मेतुप लाका ति ग्‍येम्‍छोकी बोवा दोके क्‍यानी छ्‍या देन्‍गिवी। तमा तिवा ख्‍यम्‍नी गलुप कर्मा दोके गल वे। तिवा नरीकी नरी सेक ज्‍यिवा लङ्‍गुप नक्‍तोमी दासाकी थोक्‍ला सानी ज्‍याङ वे।