30 च्यिलासिसिन दाक्पु ति खोकी जुकी येन्लक यिन।
ख्यिरा जु ति चोवो येशू ख्रीष्टकी येन्लक यिन सिरुप ति ख्यिराङला छ्या मे? काङ ङ ति खोकी जु ति छ्येमुतिवी मुला शम्डेन कितुप जोप्जा? मिन, तुकै नाम्साङ कितुप मेङ्गिवी।
ती दोके दाक्पु बङी वोसिनाङ ख्रीष्ट ताङ मुला च्यिक्पा राङ जोवु तप्की जु ति च्यिक राङ यिन। तमा दाक्पु रे रे च्यिक ताङ च्यिककी येन्लकतिवा यिन।
चर्च ति ख्रीष्टकी जु यिन, ती चर्चला ख्रीष्टकी तेरी छेङ्मा जो नङ्गिवी।
तमा ख्रीष्ट ताङ मुला तम्जी माजोनी कुतुक देकिवी। यिने ख्रीष्टकी ओङला देसिन तीकी तेरी जु ति थिन्जाम ताङ चतिवा टेक टेक थिनी ख्रीष्टकी ङार नेसुर कोन्छ्योककी नोवाला वोतुप दोके फेलिन डिवी।
च्यिलासिसिन चुका मी तीकी साङ खोरो जुला ङ्यिङ्मर मिकिवी, यिने तीला समा तेरुप ताङ ल्हाटे किवी। ती दोके ख्रीष्टकी साङ चर्चला तुक राङ क्या नङ्गिवी।
