एफिसी 5:3 - कोन्छ्‌योककी सुङ

³ यिने ख्‍यिरा पर्ला शम्‍डेन कितुप ताङ तेरी परकी लाका मेटेङ्‍बु कितुप ताङ देर्पा कितुप लाकातिवा क्‍युर। च्‍यिलासिसिन तुका लाकातिवा कोन्‍छ्‌योकला तेपा कितुप मीतिवी कितुप पोमु मेङ्‍गिवी।

एफिसी 5:3 Iomraidhean Croise

मत्ती 15:19

च्‍यिलासिसिन सेम नेमा नासाम दुक्‍टा थेन्‍गिवी। तिवा ति मी सेतुप ताङ शम्‍डेन कितुप ताङ छ्‍येवु छ्‍येमु कितुप ताङ कुन कितुप ताङ पङ्‍बु मेटेङ्‍बु तेरुप ताङ मीला मारे तोङ्‍गुप यिन।

लूका 12:15

तमा खोकी ते वोतुप मी तेरीला सुङ्‍सुङ, “च्‍याङ्‍से देता, ख्‍यिराङ तेरी परकी देर्पा नेमा कुतुक दे। खोरो टोङ्‍बा छासे बङी वोसिनाङ मीकी मिजी ति ती टोङ्‍बी मुला मुलुवी।”

लूका 16:14

ती ताम्‍ङे थोनी टङ्‍गाला देर्पा कितुप फरिसीतिवी येशूला मर्च्या क्‍यासुङ।

लोमा छ्‍येतिवी लाका 15:20

यिने तिवाला ‘ल्‍हलुतिवाला पुलुप समातिवा मासा! शम्‍डेन माकी! ज्‍यिङ्‍बा बाक्‍यम तङ्‍नी सेतुप सेम्‍ज्‍येनकी श ताङ ठक मासा।’ सिरुप ताम्‍ङे ति यिकी टिनी तोङ्‍गुप।

लोमा छ्‍येतिवी लाका 20:33

मी ज्‍येनकी सेर ङुल ताङ कोन्‍दुप मज्‍याला ङे नाम्‍साङ देर्पा माक्‍या।

रोमी 1:29

तमा मीतिवा तेरी वुल्‍दुङ्‍बा कितुप ताङ दुक्‍टा कितुप ताङ देर्पा कितुप ताङ लाका मेलोक्‍पा कितुप गल वे। तिवा ठतोक कितुप ताङ मी सेतुप ताङ थमु ग्‍यकुप ताङ जिनोक जोप ताङ दुक्‍टा वोतुप नासाम तोङ्‍गुप ताङ ताम्‍ङे क्‍योलुप ताङ

रोमी 16:2

खोकी मी बङीला दाल्‍जा किटे क्‍या वे। तमा ङला साङ दाल्‍जा किटे क्‍यासुङ। ती तप्‍की खो वुङ्‍गुप पेला ख्‍यिरा खोला कोन्‍छ्‍योककी पुम दोके नासाम ताङ्‍नी गासो शुसा। खोला काङ रे च्‍यिक रे गोसिन दाल्‍जा किटे किसा।

रोमी 6:13

रङगी जुकी येन्‍लकतिवा ति लाका मेटेङ्‍बु कितुपला दिक्‍पाला माबिन, यिने ख्‍यिराङ शिनी साङ सेन्‍बु लावु मी यिन्‍दुप तप्‍की ख्‍यिरा मिजी तेरी कोन्‍छ्‍योकला पुल। रङगी जुकी येन्‍लकतिवा ति कोन्‍छ्‍योककी थोङ्‍दाङला टेङ्‍बु वोतुप लाका कितुपला पुल।

१ कोरिन्‍थी 10:8

तिवी पर्ला मिरा चोकी शम्‍डेन क्‍यासुङ, यिने दाक्‍पु ति तुक कितुप मेवी। तिवी शम्‍डेन क्‍यावु तप्‍की ङ्‍यिमा च्‍यिकला राङ मिरा तोङ्‍डा खल ज्‍यिक ताङ सुम शिसुङ।

१ कोरिन्‍थी 5:1

ङ ख्‍यिराङला ताम्‍ङे च्‍यिक सिरिन। ख्‍यिरा पर्ला शम्‍डेन कितुपतिवा वे सिरुप ति ङे थोसुङ। तुका शम्‍डेन कितुप लाका याङ कोन्‍छ्‍योकला ङो माशेवु मीतिवी पर्ला साङ मेङ्‍गिवी। ख्‍यिरा पर्ला ललाइकी खोरो उरु आमाला साङ पेर्मीला ज्‍याक्‍नोक सिनोक।

१ कोरिन्‍थी 6:13

तमा यम्‍बातिवी “समा ति सुपकी थोक्‍ला यिन, सुप ति समी थोक्‍ला यिन।” सिनी सिवी, यिने कोन्‍छ्‍योककी दिवा ङ्‍यिकरला ङ्‍यिम्‍ज्‍यिक फेन मोथोवु जेवी। दाक्‍पी जु ति शम्‍डेन कितुपकी थोक्‍ला मिन, चोवो येशूला शब्‍ज्‍यी बुलुपला यिन। तमा चोवो येशूकी दाक्‍पी जुला गोवु तेरी च्‍यालकतिवा नङ्‍गिवी।

१ कोरिन्‍थी 6:18

तुक क्‍यानी ङ ख्‍यिराङला सिरिन, शम्‍डेन कितुप नेसुर कुतुक दे। मीतिवी क्‍यावु यम्‍बा दिक्‍पातिवा तेरी खोरो जुकी फिला मेलोवा जेवी, यिने शम्‍डेन कितुप मी तीकी खोरो जुला राङ मेलोवा जेवी।

२ कोरिन्थी 12:21

ङ येलुङ ख्‍यिरा ते वुङ्‍गुप पेला कोन्‍छ्‍योककी ख्‍यिरा दोङ्‍ला ङला मो बेप्‍किते यिन्‍दे सिनी ङला ज्‍यिवा लानी वे। तमा गोमाला लाका मेटेङ्‍बु क्‍यावु ताङ शम्‍डेन कितुप ताङ ङोछा लङ्‍गुप लाका क्‍यानी दिक्‍पा कितुप नेसुर सेम मुग्‍युरुपतिवा बङीकी थोक्‍ला ङला छासे पप लानी वे।

एफिसी 5:12

च्‍यिलासिसिन तुका मीतिवी छ्‌याकला क्‍यावु लाका मेलोक्‍पातिवी कोर्ला ताम्‍ङे कितुप साङ ङोछा यिन।

एफिसी 5:5

दी ताम्‍ङे ति ख्‍यिरा तेन्‍तेन क्‍यानी हाक्‍कोवा की। शम्‍डेन कितुप ताङ मेटेङ्‍बु कितुप ताङ देर्पा कितुप ति कुला छ्‍यो तङ्‍गुप च्‍यिन्‍दै यिन। तुका मीतिवा ख्रीष्‍ट ताङ कोन्‍छ्‌योककी ग्‍येल्‍खापला शुक मोछ्‍योवी।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

कलस्सी 3:5

तुक क्‍यानी ख्‍यिरा जम्‍बुलिङकी मिजीला वोतुप नोवातिवा तेरी क्‍युर। ती नोवातिवा ति शम्‍डेन कितुप ताङ छ्‍येवु कितुप ताङ चोताम लपुप ताङ नासाम मेलोवा तोङ्‍गुप ताङ देर्पा कितुप यिन। देर्पा कितुप ति कुला छ्‍यो तङ्‍गुप दोके यिन।

१ थेसलोनिकी 4:3

च्‍यिलासिसिन कोन्‍छ्‍योककी नोवा ति ख्‍यिराङ चाङ्‍मा देशी सिरुप यिन। तीकी तेन्‍दोक ति ख्‍यिराङ शम्‍डेन माकी,

१ थेसलोनिकी 4:7

काङ यिन सिसिन कोन्‍छ्‍योककी दाक्‍पुला मेटेङ्‍बुकी थोक्‍ला मिन, यिने टेङ्‍बुकी थोक्‍ला कताङ नङ्‍गुप यिन।

१ तिमोथी 2:10

यिने किताङ नालु ल्‍यामु वुङ गोकिवी। तुक कितुप ति कोन्‍छ्‍योकला मोवा कितुप पुम्‍पेजातिवाला पोमु गिवी।

१ तिमोथी 3:3

तमा छ्‍याङ्‍गेले मिकिवु ताङ टिम्‍बु ङ्‍यिर्मु मिकिवु, यिने कुसु ज्‍यम्‍बु वोतुप ताङ थमु मग्‍यकुप ताङ नोरला देर्पा मिकिवु ताङ

१ तिमोथी 6:10

च्‍यिलासिसिन टङ्‍गा डेवाला चा कितुप नासाम नेसुर राङ तेरी परकी दिक्‍पातिवा गिवी। टङ्‍गी देर्पाला ख्‍येल्‍नी ललाइ मीतिवा तेपा कितुप क्‍युर्नी ज्‍योकिवी, तमा तिवी सेमला छासे पप लङ्‍गिवी।

२ तिमोथी 3:2

ती तुजेला मीतिवा खोरो थोक्‍ला तिराङ नासाम तोङ्‍गुप ताङ टङ्‍गा डेवाला तिराङ चा कितुप ताङ अम्‍बारङ्‍शिङ कितुप ताङ तेके कितुप ताङ मीला मारे तोङ्‍गुप ताङ पपाआमी खला मेङ्‍येन्‍दुप ताङ टेन मसम्‍बुप ताङ कोन्‍छ्‍योकला ताङ्‍देन मिकिवु ताङ

तीतस 1:11

तिवाला ख चुम्‍नी दे ज्‍यि गोकिवी, च्‍यिलासिसिन तिवा रङगी ख्‍येप्‍साङकी थोक्‍ला तेरुप मेङ्‍गुप येन्‍देन लाप्‍नी तेरी मिछाङतिवी पर्ला मेलोक्‍पा जेवी।

तीतस 1:7

च्‍यिलासिसिन गोमा कितुप मी छ्‍ये ति कोन्‍छ्‍योककी लाका कितुप मी यिन्‍दुप तप्‍की क्‍येन मेतुप वुङ गोकिवी। ती ति हम्‍बा मिकिवु ताङ शार्क्येक ङ्‍यिर्मु मिकिवु ताङ छ्‍याङ्‍गेले मेतुप ताङ खाँदा मिकिवु ताङ टोङ्‍बाला देर्पा कितुप वुङ्‍गुप मेवी।

तीतस 2:3

तुक राङ क्‍यानी मी गामातिवा किताङ नालु ति टेङ्‍बु वोतुप ताङ मी यम्‍बी कोर्ला ताम्‍ङे मेलोवा मिकिवु ताङ छ्‍याङ्‍गेले मेतुप ताङ चुका ति ल्‍यामु नोके तिराङ लोप्‍शी

हिब्रू 12:16

ख्‍यिरा पर्ला सु साङ शम्‍डेनकी लाका माकी। तमा एसाव दोके कोन्‍छ्‍योकला ङ्‍याम मिकिवु माकी। तीकी समा छेक च्‍यिककी थोक्‍ला पुज्‍युङ छ्‍येकी ओङ साङ चोनी सोसुङ।

१ पत्रुस 5:2

ख्‍यिराङला चेक तेन ज्‍यकुप कोन्‍छ्‍योककी पेतुप मीतिवाला लुक गोठालाकी लुकतिवाला ल्‍हावु दोके क्‍यानी ल्‍यामु ल्‍हटे किसा। कर्खापला ख्‍येल्‍नी कितुप मिन, यिने कोन्‍छ्‍योककी नोवा यिन सिनी सेम्‍बा सेमगी किसा। टङ्‍गा डेवी देर्पाला ख्‍येल्‍नी मिन, यिने गा क्‍यानी किसा।

२ पत्रुस 2:10

खक्‍छ्‍येवुला शम्‍डेन कितुप नासाम ताङ्‍नी मेटेङ्‍बु कितुप ताङ खोकी ओङ्‍ज्‍येनला मारे तोङ्‍गुपतिवाला खोकी ठिम क्‍या नङ्‍गिवी। तिवा ङ राङ यिन सिनी काङ साङ ज्‍यिवा माक्‍यानी मेलोवा किवी, तमा मोवा वोतुप ओङ्‍ज्‍येनतिवाला साङ ज्‍यिवा माक्‍यानी मारे तोङ्‍गिवी।

२ पत्रुस 2:14

तिवा नरी शम्‍डेन कितुप नासाम तिराङ तोङ्‍गिवी। तिवा चो दिक्‍पा क्‍यासिनाङ सेम लो मिदिवी, तिवी तेपा रम्‍बु मेनी सेम नटेकोटे वोतुप मीतिवाला अलम च्‍योलोम जेवी। तिवी सेम ति देर्पा कितुपला छासे खामु गिवी। तुक क्‍यानी तिवा मोताप सुकुप गिपातिवा यिन।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

ज्‍यल्‍का 2:14

यिन्‍सिनाङ ख्‍योरो तेन्‍दोकला ङे ताम्‍ङे चेयी सि गोवु वे। ती ति काङ यिन सिसिन ख्‍यिरा पर्ला ललाइ मीतिवा बालामकी येन्‍देनला ङ्‍येन्‍गिवी। ती बालामकी इस्राएल मीतिवाला दिक्‍पा कि ज्‍यितुपला ग्‍येल्‍वु बालाकला लाप्‍नी ल्‍हला पुलुप समातिवा साप ताङ शम्‍डेन कितुप जोसुङ।

ज्‍यल्‍का 2:21

ङे तीला दिक्‍पा नेसुर ग्‍युरुपला तुजे बिनिन, यिने तीकी शम्‍डेन कितुप नेसुर नाम्‍साङ सेम माग्‍युर।

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

ज्‍यल्‍का 22:15

यिने ग्‍येसाकी फिला ति की दोके मेलोवा ताङ जिम्‍डुल छ्‍या देन्‍दुपतिवा ताङ शम्‍डेन कितुपतिवा ताङ शेन्‍बातिवा ताङ ल्‍हलु तेन्‍दुपतिवा ताङ जिनोक जोप ताङ जिनोकला गा कितुपतिवा तिराङ युकिवी।

ज्‍यल्‍का 9:21

तोजो तिराङ मिन, तिवी खोप्‍रे क्‍यावु मी सेतुप ताङ जिम्‍डुल छ्‍या देन्‍दुप ताङ शम्‍डेन कितुप ताङ कुन कितुप नेसुर सेम माग्‍युर्नोक।