एफिसी 5:26 - कोन्छ्‌योककी सुङ

²⁶ खोकी तुक क्‍या नङ्‍गुप ति चर्चला खोकी सुङ नेसुर चाङ्‍मा ताङ टेङ्‍बु जो नाङ्‍शी,

एफिसी 5:26 Iomraidhean Croise

यूहन्‍ना 13:10

येशूकी तीला “सी जु टु वे, तीकी तेरी जु ति चेङ्‍गा च्‍युङ्‍नी वे। तुक क्‍यानी त याङ काङ्‍बा तिराङ मिसिन यम्‍बा टु मोगोवी। ख्‍यिराङ याङ चेङ्‍गा राङ वे, यिने ख्‍यिराङ तेरी चेङ्‍गा वोतुप ति मिन।” सिनी सुङ्‍सुङ।

यूहन्‍ना 15:3

ख्‍यिराङ ति ङे ख्‍यिराङला सिक्‍यावु ताम्‍ङे नेमा राङ टेङ्‍बु गल वे।

यूहन्‍ना 15:8

ख्‍यिराङ डेलु बङी गर्नी ङे लोमातिवा यिन्‍दुप छ्‍या तेन्‍सिन ती ति ङे पपाला मोवा वुङ्‍गिवी।

यूहन्‍ना 17:7

त याङ पपी ङला नङ्‍गुप ति तेरी पपा नेमा राङ वावु यिन सिरुप ति तिवी हाक्‍कोसुङ।

यूहन्‍ना 3:5

तमा येशूकी तीला सुङ्‍सुङ, “वुतुङ के ङ ख्‍युरुङला सिरिन। छ्‍यु ताङ कोन्‍छ्‍योककी थु चाङ्‍मा नेमा माक्‍येसुङ सिसिन सु साङ कोन्‍छ्‍योककी ग्‍येल्‍खापला शुक मुथुपी।

लोमा छ्‍येतिवी लाका 22:16

त याङ ख्‍युरुङ च्‍यिला गुनी देकिवी? खोक लानी बप्‍तिस्‍मा लो। तमा खोकी मिङला रेन्‍नी ख्‍योरो दिक्‍पातिवा क्‍युर।’ सिनी सिक्‍यासुङ।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

रोमी 10:8

यिने तेपा क्‍यानी कोन्‍छ्‍योककी थोङ्‍दाङला टेङ्‍बु ङ्‍येतुप मीतिवी काङ सिवी सिसिन “कोन्‍छ्‍योककी सुङ ति ख्‍योरो चिप्‍ला राङ वे, ती सुङ ति ख्‍योरो खला वे, तमा ख्‍योरो सेमला राङ वे।” ती सुङ ति ङ्‍यिरा ख्‍यिराङला ख्‍याप्‍टाक क्‍यावु तेपाकी कोर्ला सिक्‍यावु सुङ यिन।

१ कोरिन्‍थी 6:11

गोमाला याङ ख्‍यिराङ साङ ललाइ तुकै राङ नोक। यिने त याङ चोवो येशू ख्रीष्‍ट ताङ दाक्‍पी कोन्‍छ्‍योककी थु चाङ्‍मा नेमा ख्‍यिरा दिक्‍पातिवा तानी ख्‍यिराङ टेङ्‍बु ताङ चाङ्‍मा च्‍युङ वे।

२ कोरिन्थी 11:2

ङ ति कोन्‍छ्‍योककी ख्‍यिराङला पप क्‍यावु दोके ख्‍यिरा थोक्‍ला छासे पप क्‍यानी ल्‍हटे किवी। च्‍यिलासिसिन ङे ख्‍यिराङला ख्रीष्‍टकी मुला जेन्‍दी कितुपला पुम्‍पेजा चाङ्‍मा दोके लङ्‍गुप यिनो। तमा ख्रीष्‍ट ति च्‍यिक राङ वोतुप ख्‍यिरा ख्‍योवा यिन।

एफिसी 6:17

गोला दिक्‍पा ने थरुप शमुङ कोन। तमा कोन्‍छ्‌योककी थु चाङ्‍माकी खुर्पा खुर, ती ति कोन्‍छ्‌योककी सुङ यिन।

कलस्सी 3:16

ख्रीष्‍टकी सुङ ति छासे क्‍यानी ख्‍यिरा सेमला नरी लुशी। तमा तेरी च्‍यु ताङ रिक्‍पाकी च्‍यिककी च्‍यिकला लोपुप ताङ टोङ्‍गु बिन। कोन्‍छ्‍योकला सोवा देकुप लुतिवा ताङ कोन्‍छ्‍योककी थु चाङ्‍माकी नङ्‍गुप लुतिवा लानी सेमगी दिङ नेज्‍युनी कोन्‍छ्‍योकला थुचिछे पुल।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

हिब्रू 10:10

तुक क्‍यानी ती कोन्‍छ्‍योककी नोवा तेरी छे ज्‍यितुपला राङ येशू ख्रीष्‍ट खुरुङ राङ थेङ्‍मा च्‍यिकला राङ जिन्‍बा च्‍युङ्‍नी दाक्‍पुला टेङ्‍बु जो नाङ्‍सुङ।

हिब्रू 10:14

तमा खो च्‍यिक राङ जिन्‍बा च्‍युङ्‍नी दिक्‍पा नेसुर चाङ्‍मा जोवु मीतिवा तेरीला नरीकी थोक्‍ला टेङ्‍बु जो नाङ्‍सुङ।

हिब्रू 10:22

दाक्‍पी सेम टेङ्‍बु नेसुर तेपा रम्‍बु जोनी कोन्‍छ्‍योककी चिप्‍ला डोप। तमा दाक्‍पी सेमला येशूकी ठक थोर्नी दुक्‍टा क्‍यासिमा सेम नेसुर वुङ्‍गुप क्‍येन ति टेङ्‍बु जोप ताङ दाक्‍पी जु ति छ्‍यु चेङ्‍गा थ्‍वोनी टुवु दोके टेङ्‍बु च्‍युङ्‍नी वे।

हिब्रू 10:29

कोन्‍छ्‍योककी सेवुला मारे तोङ्‍गुपतिवा ताङ खुरुङला चाङ्‍मा जोवु कोन्‍छ्‍योककी थाक्‍छ्‍येतुप ठकला मेचेङ्‍गा जोप ताङ कटिन नङ्‍गुप खोकी थु चाङ्‍माला मारे तोङ्‍गुपतिवाला मङ छासे पर्च्या फोकिवी। ती ति ख्‍यिराङ राङ नासाम तोङ।

हिब्रू 13:12

तुक क्‍यानी येशू ख्रीष्‍ट साङ ग्‍येसाकी फिला छेटाङ खुर्सुङ। ती ति खोकी ठक नेसुर दाक्‍पुला दिक्‍पा ने थर च्‍यिनी टेङ्‍बु जोपला यिन।

हिब्रू 4:12

च्‍यिलासिसिन कोन्‍छ्‍योककी सुङ ति ङोसु ताङ ङार छ्‍येवु वे। ती सुङ ति ख ङ्‍यी वोतुप खुर्पा सिनाङ नेन्‍बु वे। तुक क्‍यानी तीकी मी सेम ताङ थुकी नाङ्‍ला शुकुप ताङ जुकी थिन्‍जाम ताङ रुकककी काङ काङला शुनी कुतुक कुतुक मागल्‍वा सेक तीकी तुप्‍किवी। तमा सेमगी नासाम ताङ नोवा ति काङ नोक सिनी छ्‍या देन्‍गिवी।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?

याकूब 1:18

तमा खोकी ज्‍येवु च्‍यालकतिवी नाङ्‍ला दाक्‍पु ति थल्‍माला गरुप डुप्‍सेन दोके जोपला खोकी टेङ्‍बु वोतुप सुङ नेमा खोकी नोवा नेसुर दाक्‍पुला जो नङ्‍गुप यिन।

१ पत्रुस 1:2

पपा कोन्‍छ्‍योककी थल्‍माला ख्‍यिराङला ल्‍यामो हाक्‍कोनी पेन नङ्‍सुङ, तमा खोकी थु चाङ्‍मा नेसुर ख्‍यिराङ चाङ्‍मा च्‍युङ्‍सुङ। तुक क्‍यानी ख्‍यिरा येशू ख्रीष्‍टकी सुङला ङ्‍येन्‍नी तेपा क्‍यासिमा खोकी ठक नेसुर चाङ्‍मा च्‍युङ्‍सुङ। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ पत्रुस 3:21

ती छ्‍यु ति तन्‍दा ख्‍यिराङला साङ र्‍होकुप बप्‍तिस्‍माकी थोक्‍ला गोमाला के छ्‍या तेन्‍दुप त यिन। ती बप्‍तिस्‍मा ति जुकी टेमा शलुप मिन, यिने ख्‍यिरा सेम टेङ्‍बुकी कोन्‍छ्‍योक ताङ मुला थाक्‍छ्‍येतुप त यिन। च्‍यिलासिसिन कोन्‍छ्‍योककी येशू ख्रीष्‍टला टुङ्‍गुप नेसुर ङोसु लाङ्‍नी ख्‍यिराङला शेप ने थर च्‍यिसुङ।

२ पत्रुस 1:9

यिने ती ताम्‍ङेतिवा ख्‍यिरा मिजीला मेसुङ सिसिन थाक्‍रिङ्‍बोला वोतुप च्‍यालक मोथोङ्‍गुप ताङ मिक शर्वा दोके गल्‍नी गोमाला क्‍यावु दिक्‍पा ने थरुप ताम्‍ङेतिवा साङ टोक ज्‍येकिवी।

१ यूहन्‍ना 5:6

ती येशू ति छ्‍यु ताङ ठक नेमा फेवु यिन। छ्‍यु तिराङ मिन, छ्‍यु ताङ ठक नेसुर फेवु यिन। पङ्‍बु तेरुप ति कोन्‍छ्‍योककी थु चाङ्‍मा यिन, च्‍यिलासिसिन कोन्‍छ्‍योककी थु चाङ्‍मा ति टेङ्‍बु वे।

यहूदा 1:1

टसी देलेक! ङ यहूदा ति याकूबकी नुप ताङ येशू ख्रीष्‍टला शब्‍ज्‍यी कितुप मी यिन। ङे छ्‍योक नेसुर कोन्‍छ्‍योककी कताङ नङ्‍नी ङ्‍यिङ्‍ज्‍ये क्‍या नङ्‍गुप ताङ येशू ख्रीष्‍टकी र्‍होकुप मीतिवाला दी यिकी ति टिवु यिनो।