एफिसी 5:21 - कोन्छ्‌योककी सुङ

²¹ येशू ख्रीष्‍टला ताङ्‍देन क्‍यानी च्‍यिक ताङ च्‍यिककी ओङला देता।

एफिसी 5:21 Iomraidhean Croise

१ कोरिन्‍थी 16:16

ख्‍यिराङ तुका टेमु कितुप मीतिवा ताङ तिवी मुला राङ शब्‍ज्‍यी कितुप मी तेरीकी ओङला दे सिनी ङ ख्‍यिराङला ठाकुरे सिरिन।

२ कोरिन्थी 5:11

चोवो कोन्‍छ्‍योकला दाक्‍पी ज्‍यिवा कि गोकिवी सिरुप ति हाक्‍कोवु तप्‍की ङ्‍यिराङ मी यम्‍बाला साङ टोङ्‍गु तेर्किवी। कोन्‍छ्‍योककी ङ्‍यिराङला ल्‍यामो क्‍यानी ङो शेकिवी, तमा ख्‍यिरा दोङ्‍ला ङ्‍यिराङ चुकै वे सिरुप ति ख्‍यिरा सेमला साङ ठछ्‍येली छ्‍या वे सिरुप ति ङला रेवा वे।

२ कोरिन्थी 7:1

तुक क्‍यानी ङे ङ्‍यिङ्‍ज्‍येवु अच्‍युनुपतिवा, कोन्‍छ्‍योककी दाक्‍पुला ती ताम्‍ङेतिवा थाक्‍छ्‍येन नङ्‍गुप तप्‍की दाक्‍पी जु ताङ सेम मेचेङ्‍गा जोप तेरी परकी ताम्‍ङे मेटेङ्‍बु नेसुर कुतुक देतुप। तमा कोन्‍छ्‍योकला ताङ्‍देन क्‍यानी वुतुङ के चाङ्‍मा वोतुप मिजी क्‍योङ्‍गुप।

गलाती 5:13

ङे अच्‍युनुपतिवा, कोन्‍छ्‍योककी ख्‍यिराङला कताङ नङ्‍गुप तेन्‍दोक ति ख्‍यिराङला रङ्‍ज्‍येन नङ्‍गुपला यिन। तुक क्‍यानी ख्‍यिराङ दिक्‍पा कितुप क्‍युर्नी च्‍यिककी च्‍यिकला ङ्‍यिङ्‍ज्‍ये क्‍यानी शब्‍ज्‍यी की।

एफिसी 5:22

पेर्मीतिवा, कोन्‍छ्‌योककी कला युकुप दोके दाक दाक्‍पी ख्‍योवी ओङला देता।

एफिसी 5:24

ख्रीष्‍टकी कला चर्चकी ङ्‍येन्‍दुप दोके पेर्मीतिवी साङ ख्‍योवी काङ सिक्‍यावु ति तेरी ङ्‍येन गोकिवी।

फिलिप्पी 2:3

खोरो थोक्‍ला तिराङ नासाम तोङ्‍गुप ताङ अम्‍बारङ्‍शिङ कितुप मिन, यिने कुसु ज्‍यम्‍बु क्‍यानी च्‍यिककी च्‍यिकला खुरुङ सिनाङ छ्‍ये यिन सिनी नो की।

१ तिमोथी 2:11

पुम्‍पेजातिवा खरक्‍पा सोक सोके देतुप ताङ ओङ वोतुप मीतिवी खला ङ्‍येन्‍दुपला लोप्‍शी।

१ तिमोथी 3:4

खोरो खाङ्‍बा शिङ ल्‍यामु कि थुपुप ताङ पेजातिवी खुरुङला ताङ्‍देन क्‍यानी खला ङ्‍येमु जोवु वुङ गोकिवी।

हिब्रू 13:17

ख्‍यिराङला गोमा कितुप गेकेनतिवी सिक्‍यावु खला ङ्‍येन्‍नी तिवी ओङला देता। च्‍यिलासिसिन तिवी ख्‍यिरा मिजीला ल्‍हटे किवी, तमा तिवी खोप्‍रे क्‍यावु लाकाकी ची ति कोन्‍छ्‍योकला ते गोकिवी। ख्यिराङ तिवी ओङला दे। तुक क्‍यासिन तिवी ती लाका ति सेम मेलोक्‍पा क्‍यानी मिन, सेम गा क्‍यानी कि थुप्‍किवी। मिसियाङ ख्‍यिराङला काङ साङ ख्‍येप्‍साङ मेङ्‍गिवी।

१ पत्रुस 2:13

ख्‍यिराङ तेपा कितुप मी यिन्‍दुप तप्‍की चोछ्‍येवु ग्‍येल्‍वु यिन्‍शी, ग्‍येल्‍वी ओङला देनी लुङ्‍बाला ग्‍येला कितुप मी छ्‍येतिवा यिन्‍शी, चोवो कोन्‍छ्‍योककी थोक्‍ला जम्‍बुलिङला वोतुप तेरी ओङ्‍ज्‍येन कितुपतिवी ओङला दे।

१ पत्रुस 2:17

मी तेरीला ताङ्‍देन की, तेपा कितुप अच्‍युनुपतिवाला ङ्‍यिङ्‍ज्‍ये की, कोन्‍छ्‍योककी थोक्‍ला ज्‍यिवा की, चोछ्‍येवु ग्‍येल्‍वुला ताङ्‍देन की।

१ पत्रुस 5:5

तमा नाज्‍युङतिवा, गावागुवातिवी ओङला देता। च्‍यिक ताङ च्‍यिककी ओङला देनी छ्‍येजु मिकिवु वुङ गोकितो। च्‍यिलासिसिन “छ्‍येजु कितुप मीतिवाला कोन्‍छ्‍योककी गा मलाङ्‍गिवी, यिने छ्‍येजु मिकिवु मीतिवाला खोकी कटिन नङ्‍गिवी।” सिनी कोन्‍छ्‍योककी सुङला साङ टि वे।