एफिसी 5:18 - कोन्छ्‌योककी सुङ

¹⁸ छ्‌याङ आराक थुनी जिनी रङगी जुला ना मातोङ, यिने खोकी थु चाङ्‍माकी क्‍येङ्‍नी देता।

एफिसी 5:18 Iomraidhean Croise

मत्ती 23:25

ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो! ख्‍यिराङ खोनक्‍पुतिवा! ख्‍यिरा देर्माङ ताङ कोरी फिला ति शिनी कर्मु जेवी, यिने ख्‍यिरा सेमगी दिङ्‍ला ति देर्पा ताङ खुरुङला तिराङ च्‍युङ्‍शी सिरुप नासाम क्‍येङ्‍गिवी।

मत्ती 24:49

खोरो दाल्‍जा लावातिवाला दुङ्‍गुप ताङ छ्‍याङ्‍गेलेतिवी मुला छ्‍याङ थुनी देसिन

लूका 1:15

च्‍यिलासिसिन ती ति कोन्‍छ्‍योककी थोङ्‍दाङला मी छ्‍ये डितो। तमा तीकी गुन्‍डुम छ्‍याङ ताङ यम्‍बा जेप च्‍यालक नाम्‍साङ मुथुङ्‍तो। ती ति खोरो आमी खोकला वोतुप नेज्‍युनी कोन्‍छ्‍योककी थु चाङ्‍माकी क्‍येङ डितो।

लूका 11:13

ख्‍यिराङ दुक्‍टा वोनी साङ खोरो पेजातिवाला च्‍यालक ल्‍यामु तेर शेकिवी सिसिन देवाच्‍येनला ज्‍यु वोतुप ख्‍यिरा पपी याङ खोला लोङ्‍गुपतिवाला चुका मङ्‍मु खोरे थु चाङ्‍मा मनङ्‍गिवी रो?”

लूका 12:45

यिने ती लावा तीकी सेमला ‘ङे ज्‍यिन्‍दाक याङ फिमु गिते।’ सिनी नासाम ताङ्‍नी लावातिवा ताङ लावामतिवाला दुनी खोरुङ ति साप ताङ थुङ्‍गुप ताङ जिनी देसुङ सिसिन

लूका 21:34

“तुक क्‍यानी ख्‍यिराङ दाक दाक्‍पी थोक्‍ला च्‍याङ्‍से देता, सेम नोजु कितुप ताङ छ्‍याङ थुनी जेप ताङ मिजीकी थोक्‍ला पप कितुपला ख्‍यिरा सेम ख्‍येल माज्‍यी। मिसियाङ ती तुजे ति तर्वा दोके ख्‍यिरा हाक्‍माकोवा क्‍यानी ख्‍यिरा खला ख्‍येल्‍गिवी।

यूहन्‍ना 2:10

“तेरी मीतिवी गोमाला गुन्‍डुम छ्‍याङ कर्मा ति तेर्किवी, यिने डेन्‍बुतिवा अलायी जिसिमा छ्‍याङ ज्‍यपु ति तेर्किवी। यिने अच्‍युकी याङ दुका तेरी सिनाङ गुन्‍डुम छ्‍याङ कर्मा ति तन्‍दा सेक लु च्‍यिनोक।”

लोमा छ्‍येतिवी लाका 11:24

ती बारनाबास ति मी टेङ्‍बु ताङ कोन्‍छ्‍योककी थु चाङ्‍माकी क्‍येङ्‍गुप ताङ तेपा रम्‍बु वोतुप मी यिन्‍दुप तप्‍की ते मी बङीकी चोवो येशूला तेपा क्‍यासुङ।

रोमी 13:13

तमा ङ्‍यिमी गुङला युकुप दोके मिजी टेङ्‍बु क्‍योङ्‍गुप। ङ्‍याम तोङ्‍गुप ताङ छ्‍याङ्‍गेले कितुप ताङ शम्‍डेन कितुप ताङ छ्‍येवु कितुप ताङ थमु ग्‍यकुप ताङ ठतोक कितुप माकी।

१ कोरिन्‍थी 11:21

च्‍यिलासिसिन मीतिवा यम्‍बाला मागुवा क्‍यानी दाक दाक्‍पी समा सेवी। तुक राङ क्‍यानी ललाइ मीतिवा ति ल्‍होतुङ्‍बा राङ लुकिवी। तमा ललाइ ति छ्‍याङकी जिनी गिवी।

१ कोरिन्‍थी 5:11

चुका मी तीकी ङ कोन्‍छ्‍योकला तेपा कितुप मी यिन सिवी, यिने शम्‍डेन कितुप ताङ देर्पा कितुप ताङ कुला छ्‍यो तोङ्‍गुप ताङ मीला ङ्‍यिर्मु कितुप ताङ छ्‍याङ्‍गेले कितुप याङ्‍ना कुन किवी सिसिन, तुका मीतिवी मुला तम्‍जी माजो, तिवी मुला देनी समा साङ मासा।

१ कोरिन्‍थी 6:10

कुन कितुपतिवा, देर्पा कितुपतिवा, छ्‍याङ्‍गेलेतिवा, मीला मारे तोङ्‍गुपतिवा, च्‍याक्‍पा कितुपतिवा ति कोन्‍छ्‍योककी ग्‍येल्‍खापला लेप मुथुपी।

१ थेसलोनिकी 5:7

च्‍यिलासिसिन ङ्‍यिलोकुपतिवा नक्‍तोमीला ङ्‍यिलोकिवी, तमा छ्‍याङ्‍गेलेतिवा नक्‍तोमीला आराक थुनी जिवी।

तीतस 1:6

गोमा कितुपला पेतुप मी छ्‍ये ति मीतिवी पर्ला लाका मेलोक्‍पा माक्‍यानी क्‍येन मेतुप वुङ गोकिवी। तीकी ति पेर्मी च्‍यिक राङ वोतुप ताङ तीकी पेजातिवा साङ तेपा कितुप ताङ च्‍योलाम ल्‍यामु वोतुप ताङ पपाआमी खला ङ्‍येन्‍दुप वुङ गोकिवी।