एफिसी 5:15 - कोन्छ्‌योककी सुङ

¹⁵ तुक क्‍यानी ख्‍यिरा किताङ नालु ति चुकै वे, ल्‍यामो क्‍यानी नासाम तोङ! रिक्‍पा मेतुप मी दोके मिन, यिने रिक्‍पा वोतुप मी दोके क्‍यानी युसा।

एफिसी 5:15 Iomraidhean Croise

मत्ती 10:16

“ल्‍होसा, खटमुतिवी पर्ला लुकतिवा तङ्‍गुप दोके ङ ख्‍यिराङला तोङ्‍यिनो। तुक क्‍यानी ख्‍यिराङ रुल दोके च्‍यङ्‍बु ताङ गम्‍देर दोके क्‍येन मेतुप वुङ गोकितो।

मत्ती 25:2

तिवी पर्ला मिरा ङ ति रिक्‍पा मेतुप नोक, मिरा ङ ति रिक्‍पा वोतुप नोक।

मत्ती 27:24

पिलातसकी खोरो राङ काङ कि मुथुपुप ताङ मीतिवा हराङ हुरुङ कितुप छलुप थोङ्सिमा मी माङ्‍छ्‍योककी मिङ्‍गाला छ्‍यु थ्‍वोनी लाक्‍पा टुयी सिरा “दी मीला सेतुप क्‍येन ति ङला मे। ती क्‍येन ति ख्‍यिरा राङ खुर गोकितो!” सिनी सिक्‍यासुङ।

मत्ती 27:4

“ङे याङ काङ साङ क्‍येन मेतुप मीला क्‍येन बिन्‍नी दिक्‍पा क्‍यायी।” सिनी सिक्‍यासुङ। यिने तिवी तीला “ङ्‍यिराङला काङ सिवी? ती ति ख्‍योरो राङ जोवु यिन।” सिनी सिक्‍यासुङ।

मत्ती 8:4

तमा येशूकी तीला सुङ्‍सुङ, “दी ताम्‍ङे ति सुला साङ मालाप, तमा ख्‍युरुङ कोङ्‍यारकी चाला गल्‍नी ख्‍योरो जु छ्‍या तेन। तमा मोशाकी ठिमला वोतुप दोके बुल्‍वा पुल्‍नी ख्‍युरुङ टेकुप ति मीतिवाला हाक्‍को च्‍यी।”

लूका 24:25

तमा येशूकी तिवाला सुङ्‍सुङ, “ओ ख्‍यिराङ अम्‍बारङ्‍शिङतिवा, ख्‍यिरा कोन्‍छ्‍योककी लुङ्‍तेम्‍बातिवी सिक्‍यावु तेरी ताम्‍ङेतिवाला तेपा कितुपला छासे काले नोक।

१ कोरिन्‍थी 14:20

अच्‍युनुपतिवा, ख्‍यिराङ आङा टिक्‍पेतिवी दोके नासाम मातोङ। दुक्‍टाकी थोक्‍ला ति आङा टिक्‍पेकी दोके किसा, यिने नासाम ति मी छ्‍येकी दोके वुङ गोकितो।

गलाती 3:1

ओ गलातीकी मी अम्‍बारङ्‍शिङतिवा, ख्‍यिराङला सी लुसुङ? येशू ख्रीष्‍ट ग्‍यङ्‍शिङला कलुप ति ख्‍यिरा मिककी राङ थोङ्‍गुप मिन?

गलाती 3:3

च्‍यिला ख्‍यिराङ दुका अम्‍बारङ्‍शिङ कितुप नोकिवी? ख्‍यिरा गोमाला खोकी थु चाङ्‍मा नेसुर मिजी सम्‍बा थोपुप गो चुसुङ, यिने तन्‍दा रङगी लाका ल्‍यामु क्‍यानी ती मिजी थोपुप छोलिन वे।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

एफिसी 5:33

काङ यिन्‍सिनाङ ख्‍यिराङ तेरीकी दाक दाक्‍पी पेर्मीला रङला दोके ङ्‍यिङ्‍ज्‍ये किशी, पेर्मीतिवी साङ रङगी ख्‍योवाला ताङ्‍देन किशी।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

कलस्सी 1:9

ती ताम्‍ङे थो नेज्‍युनी ख्‍यिरा थोक्‍ला नरी ङ्‍यिराङ कोन्‍छ्‍योकला मोपोर कियी वे। ख्‍यिराङ कोन्‍छ्‍योककी थु चाङ्‍माकी च्‍यु ताङ रिक्‍पा नेसुर खोकी नोवा काङ यिन सिनी ल्‍यामु हाक्‍कोशी सिनी ङ्‍यिराङ नरी मोपोर कितिन।

कलस्सी 4:5

तेपा मिकिवुतिवी मुला किताङ नालु कितुप पेला कोन्‍छ्‍योककी नङ्‍गुप रिक्‍पा नेसुर किसा। तमा ख्‍यिराङला थोपुप तुजेला तेरी ल्‍यामु क्‍यानी लाका किसा।

१ थेसलोनिकी 5:15

ख्‍यिराङ सी साङ मेलोक्‍पाकी थोक्‍ला मेलोक्‍पा माकी, यिने च्‍यिककी च्‍यिकला ताङ तेरीला ल्‍यामु कितुप नासाम तोङा।

१ तिमोथी 6:9

यिने छ्‍युक्‍पु डोप नो कितुपतिवा शैतानकी जिनोकला ख्‍येल्‍नी तोर्वाला ख्‍येलुप दोके डिवी। तमा तिवा अम्‍बारङ्‍शिङ कितुप ताङ मीला ना तोङ्‍गुप नासाम तिराङ तङ्‍नी खोरो राङ खुरुङला मेताला जोनी ना डिवी।

हिब्रू 12:25

तुक क्‍यानी ख्‍यिराङ च्‍याङ्‍से देनी कोन्‍छ्‍योककी सुङ्‍गुप कला ल्‍यामो क्‍यानी ङ्‍येन। सीनै री नेसुर मोशाकी बिन्‍दुप कला मेङ्‍येन्‍दुप मीतिवा थर माथुप सिसिन देवाच्‍येन नेमा नङ्‍गुप कोन्‍छ्‍योककी कला मेङ्‍येन्‍दुप दाक्‍पु चुक क्‍यानी थर थुप्‍किवी रो?

याकूब 3:13

ख्‍यिरा पर्ला रिक्‍पा ताङ येन्‍देन वोतुप मी सु वे? तीकी खोरो किताङ नालु ल्‍यामु नेसुर खुरुङला वोतुप रिक्‍पा ताङ येन्‍देन छ्‍या तेन। ती किताङ नालु ति कुसु ज्‍यम्‍बु ताङ रिक्‍पा नेसुर वुङ गोकिवी।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

ज्‍यल्‍का 19:10

ती पेला ती देवाच्‍येनकी लेन क्‍योलुप थु तीला शावा कितुपला ङ तीकी काङ्‍बी चिप्‍ला खवुतुङ्‍मा देतिन। यिने तीकी ङला “ख्‍योरो शावा माकी। ङ याङ येशूकी थोक्‍ला पङ्‍बु तेरुप ख्‍युरुङ ताङ ख्‍योरो अच्‍युनुपतिवा दोके कोन्‍छ्‍योककी लावा तिराङ यिन। ख्‍योरो कोन्‍छ्‍योकला तिराङ शावा की। च्‍यिलासिसिन येशूकी थोक्‍ला पङ्‍बु तेरुप मी तेरीकी कोन्‍छ्‍योककी थु चाङ्‍मा नेमा वुङ्‍गुप ओङला पङ्‍बु तेर्किवी।”