एफिसी 5:14 - कोन्छ्‌योककी सुङ

¹⁴ च्‍यिलासिसिन तेरी ताम्‍ङेतिवा थोङ ज्‍यितुप ति ठछ्‍येली यिन। ती तप्‍की मीतिवी दुक सिनी सिवी, “ओ ङ्‍यिलोकुपतिवा लो! तमा ख्‍यिराङ शेपतिवा शेप नेमा येर खोक लो! ख्रीष्‍टकी ख्‍यिराङला वोसिर नङ्‍गिवी।”

एफिसी 5:14 Iomraidhean Croise

लूका 1:78

च्‍यिलासिसिन दाक्‍पी कोन्‍छ्‍योक ति च्‍यम्‍बा ताङ ङ्‍यिङ्‍ज्‍ये कितुप यिन। खोकी देवाच्‍येन नेमा ङ्‍यिराङला ङ्‍यिमा शर च्‍यिनी

लूका 15:24

च्‍यिलासिसिन दी ङे पुज्‍युङ ति शिसुङ, यिने येलुङ सेन्‍बु लासुङ। तोर्सुङ, तमा त याङ ङ्‍येसुङ।’

यूहन्‍ना 8:12

येलुङ येशूकी मीतिवाला “ङ जम्‍बुलिङकी मीतिवाला मिजी तेरुप वोसिर यिन। ङला तिङ्‍योकुपतिवा तफेन्‍ला नक्‍तोमीला मुयुकिवी, यिने तिवाला मिजी तेरुप वोसिर थोप्‍किवी।” सिनी सुङ्‍सुङ।

यूहन्‍ना 9:5

जम्‍बुलिङला वोता सेक ङ ति जम्‍बुलिङकी वोसिर यिन।”

लोमा छ्‍येतिवी लाका 13:47

च्‍यिलासिसिन कोन्‍छ्‍योककी ‘जम्‍बुलिङकी अन्‍तिमला गल्‍नी यहूदी मिन्‍दुप मिरिक यम्‍बाकी मीतिवाला दिक्‍पा ने थरुप लेन ल्‍यामु ख्‍याप्‍टाक कितुप वोसिर दोके च्‍युङ्‍गुपला ख्‍यिराङ पेनी वे।’ सिनी ङ्‍यिराङला सुङ वे।”

रोमी 6:13

रङगी जुकी येन्‍लकतिवा ति लाका मेटेङ्‍बु कितुपला दिक्‍पाला माबिन, यिने ख्‍यिराङ शिनी साङ सेन्‍बु लावु मी यिन्‍दुप तप्‍की ख्‍यिरा मिजी तेरी कोन्‍छ्‍योकला पुल। रङगी जुकी येन्‍लकतिवा ति कोन्‍छ्‍योककी थोङ्‍दाङला टेङ्‍बु वोतुप लाका कितुपला पुल।

१ कोरिन्‍थी 15:34

च्‍याङ्‍से देता! तफेन्‍ला ख्‍यिराङ दिक्‍पा कितुप क्‍युर। च्‍यिलासिसिन मिरा चोला याङ कोन्‍छ्‍योककी कोर्ला छ्‍या राङ मे। दी ताम्‍ङे ति ङे ख्‍यिराङला ङोछा लोङ्‍गुपला सिक्‍यावु यिन।

२ कोरिन्थी 4:6

“नक्‍तोमीला ठछ्‍येली डोशी।” सिनी सुङ्‍गुप कोन्‍छ्‍योककी दाक्‍पी सेमला खोकी वोसिर ति ग्‍यक च्‍यिन वे। तमा ती वोसिरकी दाक्‍पुला येशू ख्रीष्‍टकी शालला वोतुप कोन्‍छ्‍योककी मोवा हाक्‍को ज्‍यिकिवी।

एफिसी 2:1

तोङ्‍ला ख्‍यिराङ लाका मेलोक्‍पा ताङ दिक्‍पाला ख्‍येल्‍नी शिन वे।

एफिसी 2:5

दाक्‍पु दिक्‍पाला शोर्नी शिसिनाङ खोकी कटिन नेमा राङ दाक्‍पुला दिक्‍पा ने थर च्‍यिसुङ।

कलस्सी 3:1

ख्‍यिराङ ख्रीष्‍टकी मुला राङ सेन्‍बु लङ्‍गुप तप्‍की येर देवाच्‍येनकी ताम्‍ङेतिवाला नासाम तोङ। ते देवाच्‍येनला ख्रीष्‍ट कोन्‍छ्‍योककी यावी थाकाला ज्‍युकिवी।

१ थेसलोनिकी 5:6

तुक क्‍यानी दाक्‍पु ति नक्‍तोमीला ङ्‍यिलोकुप मी यम्‍बा दोके ङ्‍यिमालोक्‍नी च्‍याङ्‍से देतुप।

२ तिमोथी 1:10

तन्‍दा ती कटिन ति दाक्‍पुला दिक्‍पा ने थर ज्‍यितुप येशू ख्रीष्‍ट फेप्‍नी छ्‍या तेन वे। खो टुङ्‍नी साङ ङोसु लानी शेपकी ओङला ग्‍येल्‍नी लेन ल्‍यामु नेसुर दाक्‍पुला नाम्‍साङ मिशिवु मिजी वोतुप ति छ्‍या तेन्‍सुङ।

२ तिमोथी 2:26

तमा तिवा सेम ङ्‍येनी शैतानकी ओङ नेसुर थर्नी कोन्‍छ्‍योककी नोवाला युक थुप्‍किवी।