एफिसी 5:11 - कोन्छ्‌योककी सुङ

¹¹ नक्‍तोमी वुङगी तेर्मे वोतुप लाकातिवाला माशुक, बोरु तुका लाका ति मेलोक्‍पा यिन सिनी छ्‌या तेन।

एफिसी 5:11 Iomraidhean Croise

मत्ती 18:15

“दोजो तेपा कितुप अच्‍युनुपतिवी पर्ला ललाइकी ख्‍योरो तेन्‍दोकला लाका मेलोवा क्‍यासिन तीला गल्‍नी ख्‍यिराङ ङ्‍यी तिराङ देनी तीकी क्‍यावु मेलोवाकी कोर्ला तीला सी। तीकी ख्‍योरो ताम्‍ङे ङ्‍येन्‍सिन ती ति येलुङ तेपा कितुप ख्‍योरो अच्‍युनुप च्‍युङ्‍गिवी।

लूका 3:19

यिने ग्‍येल्‍वु हेरोदकी खोरो नुपकी पेर्मी हेरोदियासला खोरो पेर्मी जोनी ज्‍यकुप ताङ तीकी क्‍यावु यम्‍बा दुक्‍टातिवी थोक्‍ला यूहन्‍नाकी तीला वोरु तेन्‍सुङ।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

रोमी 13:12

त याङ नुप गल सिन्‍नी नाम लङ्‍गुप छाल्‍सुङ। तुक क्‍यानी दाक्‍पु नक्‍तोमीला कितुप लाका दुक्‍टा क्‍युर्नी ठछ्‍येलीला लाका टेङ्‍बु कितुपला कोन्‍छ्‍योककी नङ्‍गुप लाक्‍च्‍ये खुर्नी यु।

रोमी 16:17

अच्‍युनुपतिवा, ङ ख्‍यिराङला ठाकुरे सिनी गोङ्‍बा शोयी। ख्‍यिराङला लापुप कोन्‍छ्‍योककी सुङगी तेन्‍दोकला लानी ख्‍यिरा पर्ला क्‍येन तेरुप ताङ क्‍येङ्‍सु जोप मीतिवाला ल्हो। तमा तिवा नेसुर क्‍येङ्‍सु दे।

रोमी 6:21

ती पेला ख्‍यिरा क्‍यावु लाकातिवा नेसुर काङ ङ्‍येसुङ? तन्‍दा नासाम तोङ्‍गुप पेला छासे ङोछा लङ्‍गुप लाका मेलोवा तिराङ क्‍यासुङ। ती तेरी लाकातिवी छ्‍येर्पा ति शेप यिन।

गलाती 6:8

तुक क्‍यानी ख्‍युरुङ खोरो जुकी थोक्‍ला तिराङ जुकिवी सिसिन ख्‍योरो जु नेसुर मेलोक्‍पा तिराङ ङकिवी, यिने कोन्‍छ्‍योककी थु चाङ्‍माकी थोक्‍ला जुकिवी सिसिन खोकी थु चाङ्‍मा नेसुर नाम्‍साङ मिशिवु मिजीकी थोक्‍ला ङकिवी।

एफिसी 4:22

तुक क्‍यानी ख्‍यिरा मिजी ङ्‍यिङ्‍बा नेसुर वुङ्‍गुप किताङ नालु ति मज्‍या ङ्‍यिङ्‍बा पिनी क्‍युरुप दोके क्‍यानी क्‍युर। ती मिजी ङ्‍यिङ्‍बा ति जिनोक जोप नासाम दुक्‍टा नेसुर वावु तप्‍की ना डिवी।

एफिसी 5:12

च्‍यिलासिसिन तुका मीतिवी छ्‌याकला क्‍यावु लाका मेलोक्‍पातिवी कोर्ला ताम्‍ङे कितुप साङ ङोछा यिन।

एफिसी 5:7

तुक क्‍यानी ख्‍यिराङ तुका मीतिवी दला माशुक।

कलस्सी 1:12

तीकी थोक्‍ला पपा कोन्‍छ्‍योकला थुचिछे पुल। खोकी ठछ्‍येली वोतुप ग्‍येल्‍खापला खोरे चाङ्‍मा वोतुप मीतिवाला तेरिन सिनी थाक्‍छ्‍येतुप ति खोकी ख्‍यिराङला ङ्‍ये छ्‍योवु जो नङ वे।

१ थेसलोनिकी 5:7

च्‍यिलासिसिन ङ्‍यिलोकुपतिवा नक्‍तोमीला ङ्‍यिलोकिवी, तमा छ्‍याङ्‍गेलेतिवा नक्‍तोमीला आराक थुनी जिवी।

२ थेसलोनिकी 3:14

सी दी ङ्‍यिरा तङ्‍गुप यिकीला टिवु ताम्‍ङे ति मेङ्‍येन्‍वे, तुका मीतिवा ल्‍यामो क्‍यानी ङो शेनी ज्‍योक। तिवी मुला तम्‍जी साङ माजो। तमा तिवा ङोछाला ख्‍येल्‍शी।

२ थेसलोनिकी 3:6

अच्‍युनुपतिवा, दाक्‍पी चोवो येशू ख्रीष्‍टकी मिङला ङ्‍यिराङ ख्‍यिराङला टोङ्‍गु तेरिन। छेरा कितुप ताङ ङ्‍यिरा सिक्‍यावु येन्‍देन मेङ्‍येन्‍दुपतिवा तेरी नेसुर कुतुक दे।

१ तिमोथी 5:20

चर्चला तुका दिक्‍पा कितुप मीतिवा वोसिन तिवाला मी तेरीकी मिङ्‍गाला ज्‍याक्‍नी तुक कितुप मेवी सिनी लोप। तुक क्‍यासिन यम्‍बा तेपा कितुप मीतिवा साङ ज्‍यिवा किवी।

१ तिमोथी 5:22

सुला साङ रिवा क्‍यानी गोला लाक्‍पा ज्‍याक्‍नी चर्चला गोमा कितुप लाका कि माज्‍यी। ख्‍युरुङ दिक्‍पा कितुप मीतिवी दला माशुक, यिने टेङ्‍बु क्‍यानी मिजी क्‍योङ।

१ तिमोथी 6:5

तमा तुका मी तीकी सेम ना गलुप ताङ टेङ्‍बुला क्‍युर्नी ज्‍यकुप मीतिवी मुला खाँदा क्‍या क्‍यावा किवी। तमा तिवी कोन्‍छ्‍योकला मोवा कितुप ति ख्‍येप्‍साङ वुङ्‍गुप यिन सिनी नोकिवी।

२ तिमोथी 3:5

मी मिङ्‍गाला ति कोन्‍छ्‍योकला तेपा कितुप दोके जेवी, यिने कोन्‍छ्‍योकला तेपा क्‍यानी वुङ्‍गुप ओङला ति मेङ्‍येन्‍दुप गिवी। तुका मीतिवा नेसुर कुतुक देता।

२ तिमोथी 4:2

ख्‍युरुङ कोन्‍छ्‍योककी लेन ल्‍यामु ख्‍याप्‍टाक कितुप पेला मीतिवी ङ्‍येन्‍सिनाङ माङ्‍येन्‍सिनाङ चो पेला साङ टडिक क्‍यानी दे। ङ्‍येवु मीतिवाला ल्‍यामु जोप ताङ वोरु देन्‍दुप ताङ सेम सो। मीतिवाला येन्‍देन तेरुप पेला डेकला देनी ल्‍यामु क्‍यानी येन्‍देन बिन।

तीतस 2:15

तुक क्‍यानी ख्‍युरुङ दी तेरी ताम्‍ङेतिवा मीतिवाला येन्‍देन बिन, ओङ्‍ज्‍येन ताङ मुला टोङ्‍गु बिन्‍नी वोरु तेन। तमा सी साङ ख्‍युरुङला ङ्‍यिङ्‍मर मिकिशी।

ज्‍यल्‍का 18:4

तमा येलुङ देवाच्‍येन नेमा दुक सिरुप यम्‍बा वोरु यी साङ तेन्‍दुप ती ङे थोसुङ। “ओ ङे मीतिवा, ख्‍यिराङ तेरी ती बेबिलोन नेमा थेन्‍नी शोक। ख्‍यिराङ तिवी क्‍यावु दिक्‍पी दला माशुक। मिसियाङ तीला ख्‍येलुप छेटाङतिवा ख्‍यिराङला साङ ख्‍येल्‍गितो।