एफिसी 4:4 - कोन्छ्‌योककी सुङ

⁴ खोकी ख्‍यिराङला कताङ नङ्‍गुप पेला रेवा च्‍यिककी थोक्‍ला कताङ नङ्‍गुप दोके जु साङ च्‍यिक राङ यिन, खोकी थु चाङ्‍मा साङ च्‍यिक राङ यिन।

एफिसी 4:4 Iomraidhean Croise

मत्ती 28:19

ती तप्‍की ख्‍यिराङ गल्‍नी लुङ्‍बा तेरीकी मिरिकतिवाला ङे लोमा जो, तमा पपा कोन्‍छ्‍योक ताङ पुज्‍युङ ताङ खोकी थु चाङ्‍माकी मिङला तिवाला बप्‍तिस्‍मा बिन।

लोमा छ्‍येतिवी लाका 15:11

यिने चोवो येशूकी कटिन नेमा राङ दाक्‍पु दिक्‍पा ने थरुप दोके तिवा साङ चोवो येशूकी कटिन नेमा राङ दिक्‍पा ने थरुप यिन सिरुप ति ङ्‍यिराङला तेपा वे।”

रोमी 11:29

च्‍यिलासिसिन कोन्‍छ्‍योककी मीतिवाला ङ्‍येम्‍बा नङ्‍गुप ति नाम्‍साङ लोक्‍नी मेफेपी। तमा खोरे पेतुपतिवाला नाम्‍साङ क्‍युर्नी साङ मोज्‍योकिवी।

१ कोरिन्‍थी 10:17

दाक्‍पु बङी वोसिनाङ दाक्‍पी साप शुब्‍ज्‍याङ ति च्‍यिक राङ वोतुप तप्‍की दाक्‍पी जु ति च्‍यिक राङ यिन। च्‍यिलासिसिन दाक्‍पु तेरीकी शुब्‍ज्‍याङ च्‍यिक नेसुर मुला राङ सेवी।

१ कोरिन्‍थी 12:20

तुक क्‍यानी जुला येन्‍लकतिवा बङी वोसिनाङ जु ति च्‍यिक राङ यिन।

२ कोरिन्थी 11:4

च्‍यिलासिसिन मी ललाइ वानी ङ्‍यिरा ख्‍याप्‍टाक क्‍यावु येशू सिनाङ यम्‍बा येशूकी कोर्ला ख्‍याप्‍टाक क्‍यासुङ सिसिन, याङ्‍ना ख्‍यिराङला थोपुप कोन्‍छ्‍योककी थु चाङ्‍मा सिनाङ यम्‍बा थुकी कोर्ला ख्‍याप्‍टाक क्‍यासुङ सिसिन, याङ्‍ना ख्‍यिरा सेमला लावु सिनाङ यम्‍बा लेन ल्‍यामुकी कोर्ला ख्‍याप्‍टाक क्‍यासुङ सिसिन ख्‍यिराङ तिवी ताम्‍ङेला जोल्‍हमु क्‍यानी सेमला लङ्‍गिवी।

एफिसी 1:18

ख्‍योरो सेम पेनी चुका रेवाकी थोक्‍ला कोन्‍छ्‌योककी ख्‍यिराङला कताङ वे, तमा खोला तेपा कितुपतिवाला खोकी नङ्‍गुप हलेवु मोलाम ति ग्‍यक्‍चे वे सिरुप ति ख्‍यिरा हाक्‍को थुप्‍शी सिनी ङ मोपोर कितिन।

एफिसी 2:16

तमा येशू ख्रीष्‍ट ग्‍यङ्‍शिङला टुङ्‍नी दाक्‍पु ङ्‍यिकरला डला गलुप ति च्‍यिक राङ जोनी कोन्‍छ्‌योक ताङ मुला थिन च्‍यिसुङ। तमा यहूदी ताङ मिरिक यम्‍बाकी मीतिवी पर्ला ङ्‍यिङ्‍मर कितुप ताम्‍ङेतिवा ना ताङ नाङ्‍सुङ।

एफिसी 2:18

येशू नेसुर राङ दाक्‍पु ङ्‍यिकरला कोन्‍छ्‌योककी थु चाङ्‍मा ङ्‍येनी ती थु चाङ्‍मा नेमा राङ दाक्‍पु ङ्‍यिकर पपा कोन्‍छ्‍योककी चाला लेप थुप्‍किवी।

एफिसी 2:22

येशू ख्रीष्‍ट नेसुर ख्‍यिराङ साङ थु चाङ्‍माकी ओङला कोन्‍छ्‌योक ज्‍युवु दासा च्‍युङ्‍गुपला तेरी मुला थिन्‍नी च्‍यिक्‍पा राङ जोयी डिवी।

एफिसी 4:1

तुक क्‍यानी ख्रीष्‍टकी थोक्‍ला चोन्‍खाङला शोरुप ङ ख्‍यिराङला ठाकुरे सिनी गोङ्‍बा शोयी। कोन्‍छ्‌योककी ख्‍यिराङला काङगी थोक्‍ला कताङ वे, ती दोके राङ मिजी क्‍योङ।

एफिसी 5:30

च्‍यिलासिसिन दाक्‍पु ति खोकी जुकी येन्‍लक यिन।

कलस्सी 1:5

तुका तेपा ताङ ङ्‍यिङ्‍ज्‍ये क्‍यावु ति ख्‍यिरा थोक्‍ला देवाच्‍येनला ज्‍यकुप रेवा नेसुर वुङ्‍गुप यिन। ती रेवाकी कोर्ला गोमाला के ख्‍यिरा सुङ टेङ्‍बु वोतुप कोन्‍छ्‍योककी लेन ल्‍यामु थोवु पेला हाक्‍को वे।

कलस्सी 3:15

ख्रीष्‍टकी ख्‍यिराङला लोदिमु नङ्‍गुप तप्‍की ख्‍यिराङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ख्‍यिराङ च्‍यिककी च्‍यिकला लोदिमु क्‍यानी सेम थिन्‍नी देतुपला राङ कोन्‍छ्‍योककी ख्‍यिराङला कताङ नङ्‍गुप यिन। तीकी थोक्‍ला ख्‍यिरा खोला थुचिछे पुल।

२ थेसलोनिकी 2:16

तमा दाक्‍पुला ङ्‍यिङ्‍ज्‍ये क्‍या नङ्‍गुप ताङ खोकी कटिन नेसुर नरीकी थोक्‍ला टोङ्‍गु ताङ रेवा ल्‍यामु नङ्‍गुप दाक्‍पी पपा कोन्‍छ्‍योक ताङ चोवो येशू ख्रीष्‍टकी

१ तिमोथी 1:1

टसी देलेक! दी यिकी ति दाक्‍पुला थर्वा नङ्‍गुप चोवो कोन्‍छ्‍योक ताङ दाक्‍पी रेवा क्‍यावु येशू ख्रीष्‍टकी क नेसुर खोकी लोमा छ्‍ये च्‍युङ्‍गुपला पेतुप ङ पावलकी

तीतस 1:2

तुक क्‍यानी तिवा ति नाम्‍साङ मिशिवु मिजी ङ्‍येतुपला रेन्‍नी देन वे। ती मिजी ति जिनोक जो मनङ्‍गुप कोन्‍छ्‍योककी थल्‍मा नेज्‍युनी थाक्‍छ्‍येन नङ्‍गुप यिन।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

तीतस 3:7

तुक क्‍यानी खोकी कटिनकी दाक्‍पु टेङ्‍बु च्‍युङ्‍नी दाक्‍पुला नाम्‍साङ मिसिवु मिजी थोप छ्‍योवु रेवा नाङ्‍सुङ।

१ पत्रुस 1:21

खो नेसुर ख्‍यिरा कोन्‍छ्‍योकला तेपा क्‍या वे। कोन्‍छ्‍योककी येशूला टुङ्‍नी शेपतिवा नेसुर ङोसु लङ च्‍यिनी मोवा नाङ्‍सुङ। तुक क्‍यानी ख्‍यिरा तेपा ताङ रेवा ति कोन्‍छ्‍योकला ज्‍याक्‍नी वे।

१ यूहन्‍ना 3:3

तमा खो टेङ्‍बु वोतुप दोके, दाक्‍पु खोला रेवा क्‍यानी देतुपतिवा तेरीकी टेङ्‍बु जोनी दे गोकिवी।