एफिसी 4:32 - कोन्छ्‌योककी सुङ

³² बोरु चुक क्‍यानी येशू ख्रीष्‍टकी क्‍या नङ्‍गुप लाका नेसुर कोन्‍छ्‌योककी ख्‍यिरा दिक्‍पा माफ नङ वे, तुक राङ क्‍यानी ख्‍यिरा साङ च्‍यिककी च्‍यिकला सेम बोल्‍मु ताङ च्‍यम्‍बा क्‍यानी माफ बिन।

एफिसी 4:32 Iomraidhean Croise

मत्ती 6:12

ङ्‍यिराङला मेलोक्‍पा कितुपतिवाला ङ्‍यिरा माफ बिन्‍दुप दोके ङ्‍यिरा क्‍यावु लाका मेलोक्‍पातिवाला माफ नङ्‍डे की।

मर्कूस 11:25

येलुङ ख्‍यिराङ मोपोर कितुप पेला मी ललाइला ङ्‍यिर्मु लान वोतुप ताम्‍ङे वोसिन तीला माफ बिन। तुक क्‍यासिन देवाच्‍येनला ज्‍यु वोतुप ख्‍यिरा पपा कोन्‍छ्‍योककी साङ ख्‍यिरा क्‍यावु दिक्‍पातिवाला माफ नङ्‍गिवी।

लूका 1:78

च्‍यिलासिसिन दाक्‍पी कोन्‍छ्‍योक ति च्‍यम्‍बा ताङ ङ्‍यिङ्‍ज्‍ये कितुप यिन। खोकी देवाच्‍येन नेमा ङ्‍यिराङला ङ्‍यिमा शर च्‍यिनी

लूका 11:4

ङ्‍यिरा क्‍यावु दिक्‍पातिवा माफ नङ्‍डे की। च्‍यिलासिसिन ङ्‍यिरा साङ ङ्‍यिरा तेन्‍दोकला दिक्‍पा कितुपतिवाला माफ तेर्किवी। ङ्‍यिराङला खोक्‍पा ल्‍हापला ख्‍येल माज्‍यी।’”

लूका 17:4

तीकी ख्‍योरो तेन्‍दोकला ङ्‍यिमाला थेङ्‍मा दिन्‍कर दिक्‍पा क्‍यानी थेङ्‍मा दिन्‍कर ख्‍योरो चाला वानी, ‘ङ दिक्‍पा ने सेम ग्‍युरिन।’ सिक्‍यासिन तीला माफ बिन।”

लूका 6:35

यिने ख्‍यिरे डतिवाला ङ्‍यिङ्‍ज्‍ये की, तिवाला ल्‍यामु की, येलुङ लोक्‍नी ङ्‍येतुप रेवा माक्‍यानी छ्‍यावा बिन। तुक क्‍यासिन ख्‍यिराङला छ्‍यक्‍तक ग्‍येर्पु थोप्‍कितो, तमा ख्‍यिराङ चोछ्‍येवु कोन्‍छ्‍योककी पुज्‍युङ च्‍युङ्‍गितो। च्‍यिलासिसिन कोन्‍छ्‍योककी टेन मासम्‍बुपतिवा ताङ दुक्‍टातिवाला साङ च्‍यम्‍बा क्‍या नङ्‍गिवी।

लूका 6:37

“मी यम्‍बाला ठिम माकी, तमा कोन्‍छ्‍योककी साङ ख्‍यिराङला ठिम मिकितो। मी यम्‍बाला क्‍येन मातेर, तमा कोन्‍छ्‍योककी साङ ख्‍यिराङला क्‍येन मेतेर्तो। मी यम्‍बाला माफ बिन, तमा कोन्‍छ्‍योककी साङ ख्‍यिराङला माफ नङ्‍गितो।

लोमा छ्‍येतिवी लाका 28:2

तमा तेकी मीतिवी ङ्‍यिराङला छासे च्‍यम्‍बा क्‍यासुङ। च्‍यिलासिसिन छ्‍यर्वा ग्‍यप्‍नी ख्‍येवा वोतुप तप्‍की तिवी ङ्‍यिराङला मे तङ बिन्‍नी गासो शुसुङ।

रोमी 12:10

च्‍यिककी च्‍यिकला अच्‍युनुप दोके क्‍यानी ङ्‍यिङ्‍ज्‍ये की। रङला सिनाङ मी यम्‍बाला मङ ताङ्‍देन की।

१ कोरिन्‍थी 13:4

सेमला ङ्‍यिङ्‍ज्‍ये वोतुप मी ति हम क्‍यानी दे थुप्‍किवी, मी यम्‍बाला साङ च्‍यम्‍बा किवी, ठतोक मिकिवी, तेके मिकिवी, छ्‍येजु साङ मिकिवी।

२ कोरिन्थी 2:10

ख्‍यिरा सुला माफ तेर्किवे, ङ साङ तीला माफ तेरिनो। दोजो ङे ललाइला काङ रे च्‍यिक रे ताम्‍ङेला माफ बिन्‍सिन ती ति ख्रीष्‍टकी थोङ्‍दाङला ख्‍यिरा थोक्‍ला ङे माफ बिन्‍दुप यिन।

२ कोरिन्थी 2:7

त याङ ख्‍यिरा तीला माफ बिन्‍नी टोङ्‍गु तेर गोकिवी। मिसियाङ ती मी ति छासे सेम्‍दुक लानी तेपा कितुप साङ क्‍युर्नी ज्‍योक थुप्‍किवी।

२ कोरिन्थी 6:6

ङ्‍यिराङ टेङ्‍बु ताङ कोन्‍छ्‍योककी नङ्‍गुप रिक्‍पा ताङ हम क्‍या देतुप ताङ च्‍यम्‍बा ताङ कोन्‍छ्‍योककी थु चाङ्‍मा नेमा वावु ओङ ताङ ङ्‍यिङ्‍ज्‍ये टेङ्‍बु ताङ

एफिसी 5:1

तुक क्‍यानी ख्‍यिराङ ति कोन्‍छ्‌योककी ङ्‍यिङ्‍ज्‍येवु आङातिवा यिन्‍दुप तप्‍की खोकी लुमु से गोकिवी।

याकूब 5:11

ल्‍होसा, हम क्‍या देतुपतिवा मोलाम वोतुप यिनो। अय्‍यूबकी चुक क्‍यानी हम क्‍यानी देसुङ, तमा तिङ्‍ला कोन्‍छ्‍योककी तीला मोलाम नाङ्‍सुङ सिरुप ताम्‍ङे साङ ख्‍यिरा हाक्‍को वे। तमा चोवो कोन्‍छ्‍योक ति ङ्‍यिङ्‍ज्‍ये ताङ च्‍यम्‍बा नङ्‍गुप यिन सिरुप साङ हाक्‍को वे।

२ पत्रुस 1:7

कोन्‍छ्‍योककी सुङला युसिमा तेपा कितुप अच्‍युतुपतिवाला च्‍यम्‍बा कि गोकिवी, तेपा कितुप अच्‍युतुपतिवाला च्‍यम्‍बा क्‍यासिमा ङ्‍यिङ्‍ज्‍ये की।

१ यूहन्‍ना 1:9

यिने दाक्‍पी ङ दिक्‍छेन यिन सिनी दिक्‍पा ने ग्‍युर्सुङ सिसिन, दाक्‍पी तेरी दिक्‍पातिवा खोकी माफ नङ्‍गिवी, तमा दाक्‍पुला तेरी मेटेङ्‍बु नेसुर टेङ्‍बु जो नङ्‍गिवी। च्‍यिलासिसिन खो खोङ्‍तेर्मु ताङ टेङ्‍बु वोतुप कोन्‍छ्‍योक यिन।

१ यूहन्‍ना 2:12

ङे आङातिवा, येशूला तेपा क्‍यानी ख्‍यिरा दिक्‍पा ति कोन्‍छ्‍योककी माफ नङ्‍गुप तप्‍की ङ ख्‍यिराङला दी यिकी ति टिकिन वोतो।