एफिसी 4:3 - कोन्छ्‌योककी सुङ

³ खोकी थु चाङ्‍माकी ख्‍यिराङ तेरीला सेम च्‍यिक राङ जोवु तप्‍की ख्‍यिराङ सेम थिन्‍नी लोदिमु क्‍यानी दे थुपा की।

एफिसी 4:3 Iomraidhean Croise

मर्कूस 3:24

दोजो ग्‍येल्‍खाप च्‍यिककी नाङगी मीतिवा खोप्‍राङ पर्ला ख्‍ये पेसुङ सिसिन ती ग्‍येल्‍खाप ति लु मुथुपी।

यूहन्‍ना 13:34

ङ ख्‍यिराङला क सम्‍बा यी तेरिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की। ङे ख्‍यिराङला ङ्‍यिङ्‍ज्‍ये क्‍यावु दोके ख्‍यिरा साङ च्‍यिककी च्‍यिकला ङ्‍यिङ्‍ज्‍ये की।

१ कोरिन्‍थी 1:10

अच्‍युनुपतिवा, चोवो येशू ख्रीष्‍टकी मिङला ङ ख्‍यिराङला ठाकुरे सिरिन। ख्‍यिराङ च्‍यिक ताङ च्‍यिककी मुला थिन्‍नी दे। ख्‍यिरा पर्ला ख्‍ये पेतुप लाका माकी, यिने सेम च्‍यिक राङ च्‍युङ्‍नी दे।

२ कोरिन्थी 13:11

लो तमा, अच्‍युनुपतिवा, त याङ ङ दोजोयी राङ टिकिनो। ख्‍यिराङ येर्के गल्‍नी ल्‍यामु च्‍युङ्‍शिता। ङे सिक्‍यावु ताम्‍ङेला ल्‍यामु क्‍यानी ङ्‍येना। मी यम्‍बी मुला सेम च्‍यिक्‍पा राङ च्युङ्‍नी लोदिमु क्‍यानी देता। दाक्‍पुला ङ्‍यिङ्‍ज्‍ये ताङ लोदिमु नङ्‍गुप कोन्‍छ्‍योक ति ख्‍यिरा मुला ज्‍युकितो।

एफिसी 4:13

तमा दाक्‍पु तेरी कोन्‍छ्‌योककी सेवुला तेपा कितुप ताङ खोला ङो शेवुला च्‍यिक राङ च्‍युङ्‍नी ख्रीष्‍टला छाछिङी वोतुप दोके दाक्‍पु साङ खोकी छाछिङीला लेपुप सेक मङ मङ फरिन डिवी।

एफिसी 4:4

खोकी ख्‍यिराङला कताङ नङ्‍गुप पेला रेवा च्‍यिककी थोक्‍ला कताङ नङ्‍गुप दोके जु साङ च्‍यिक राङ यिन, खोकी थु चाङ्‍मा साङ च्‍यिक राङ यिन।

१ थेसलोनिकी 5:13

तमा तिवी क्‍यावु लाकाकी थोक्‍ला तिवाला ल्‍यामु क्‍यानी मङ ताङ्‍देन किसा। ख्‍यिराङ तेरीकी मुला थिन्‍नी देता।

हिब्रू 12:14

तेरी मीतिवी मुला लोदिमु क्‍यानी थिन्‍नी दे थुपा की, तमा टेङ्‍बु क्‍यानी मिजी क्‍योङ थुपा की। टेङ्‍बु मेसिन सी साङ कोन्‍छ्‍योकला मोथोङ्‍गिवी।