एफिसी 4:25 - कोन्छ्‌योककी सुङ

²⁵ तुक क्‍यानी ख्‍यिराङ जिनोक जोप क्‍युर्नी रङगी मीतिवी मुला ताम्‍ङे टेङ्‍बु लोप। च्‍यिलासिसिन दाक्‍पु तेरी जु च्‍यिककी येन्‍लकतिवा यिन।

एफिसी 4:25 Iomraidhean Croise

यूहन्‍ना 8:44

ख्‍यिराङ ति ख्‍यिरा पपा शैतानकी गिपा यिन। ख्‍यिरा पपी काङ सिक्‍यावे, ख्‍यिराङ साङ तुक राङ कितुप नो किवी। ती शैतान ति थल्‍मा नेज्‍युनी शेन्‍बा यिन। तीकी नाम्‍साङ टेङ्‍बुला ङ्‍याम मिकिवी, च्‍यिलासिसिन तीकी सेमला काङ साङ टेङ्‍बु मे। तीकी जिनोक जोप पेला खोरो किताङ नालुला राङ जिनोक जेवी, च्‍यिलासिसिन ती ति जिनोक्‍पा यिन, तमा तेरी जिनोककी पपा यिन।

रोमी 12:5

ती दोके दाक्‍पु बङी वोसिनाङ ख्रीष्‍ट ताङ मुला च्‍यिक्‍पा राङ जोवु तप्‍की जु ति च्‍यिक राङ यिन। तमा दाक्‍पु रे रे च्‍यिक ताङ च्‍यिककी येन्‍लकतिवा यिन।

१ कोरिन्‍थी 10:17

दाक्‍पु बङी वोसिनाङ दाक्‍पी साप शुब्‍ज्‍याङ ति च्‍यिक राङ वोतुप तप्‍की दाक्‍पी जु ति च्‍यिक राङ यिन। च्‍यिलासिसिन दाक्‍पु तेरीकी शुब्‍ज्‍याङ च्‍यिक नेसुर मुला राङ सेवी।

२ कोरिन्थी 7:14

तीतस ख्‍यिरा चाला डोप सिनाङ गोमाला ङे तीला ख्‍यिरा थोक्‍ला छासे तेके क्‍यायिन। तमा ख्‍यिरा ङला यिछ्‍येता माजो वे। ङ्‍यिरा ख्‍यिराङला नरी ताम्‍ङे टेङ्‍बु लापिन। तुक क्‍यानी तीतसकी मुला ङ्‍यिरा ख्‍यिरा थोक्‍ला तेके क्‍यावु ति टेङ्‍बु वोतुप हाक्‍कोसुङ।

एफिसी 4:15

बोरु ख्‍यिराङ ति च्‍यिककी च्‍यिकला ङ्‍यिङ्‍ज्‍ये क्‍यानी ताम्‍ङे टेङ्‍बु लाप्‍नी तेरी ताम्‍ङेला ख्रीष्‍ट दोके छाछिङी च्‍युङ्‍नी फरिन डो गोकिवी। खो ति गो यिन।

एफिसी 4:22

तुक क्‍यानी ख्‍यिरा मिजी ङ्‍यिङ्‍बा नेसुर वुङ्‍गुप किताङ नालु ति मज्‍या ङ्‍यिङ्‍बा पिनी क्‍युरुप दोके क्‍यानी क्‍युर। ती मिजी ङ्‍यिङ्‍बा ति जिनोक जोप नासाम दुक्‍टा नेसुर वावु तप्‍की ना डिवी।

एफिसी 4:31

तेरी सेम मेलोक्‍पा वोतुप ताङ शेताङ कितुप ताङ ङ्‍यिर्मु कितुप ताङ हराङ हुरुङ कितुप ताङ मारे तोङ्‍गुप तेरी परकी दुक्‍टातिवा मुला राङ क्‍युर।

एफिसी 5:30

च्‍यिलासिसिन दाक्‍पु ति खोकी जुकी येन्‍लक यिन।

कलस्सी 3:8

यिने त याङ ख्‍यिरा मिजी नेसुर ती तेरी ङ्‍यिर्मु कितुप ताङ ङ्‍यिर्मु कोक्‍पु वोतुप ताङ ङ्‍यिङ्‍मर कितुप ताङ मारे तोङ्‍गुप ताङ ताम्‍ङे मेलोवा लपुप ति ख्‍यिरा ख नेमा क्‍युर गोकिवी।

कलस्सी 3:9

ख्‍यिराङ च्‍यिककी च्‍यिकला जिनोक माजो। च्‍यिलासिसिन ख्‍यिरा रङगी मिजी ङ्‍यिङ्‍बा ताङ तीला वोतुप किताङ नालुतिवा तेरी क्‍युर्नी

१ तिमोथी 1:10

शम्‍डेन कितुपतिवा ताङ ख्‍योक्‍पेजा ख्‍योक्‍पेजी मुला ङोजु मेतुप लाका कितुप ताङ मीतिवाला लुनी चोङ्‍गुपतिवा ताङ जिनोक जोपतिवा ताङ जिनोक जोनी न क्‍योलुपतिवा ताङ येन्‍देन टेङ्‍बुकी तेन्‍दोकला लङ्‍गुपतिवी थोक्‍ला यिन।

१ तिमोथी 4:2

ती तेरी येन्‍देनतिवा ति मी खोनक्‍पुतिवा नेसुर गिवी। तिवी सेम ति शैतानकी ति यिन सिनी च्‍या छेन्‍दी थ्‍वोनी डाम ग्‍यपुप दोके यिन।

तीतस 1:12

तिवी पर नेमा क्रेटकी लुङ्‍तेम्‍बा मिरा च्‍यिककी दुक सिनी सिक्‍या वे, “क्रेटला देतुप मीतिवा ति नरी जिनोक्‍पा ताङ सेम्‍ज्‍येन दुक्‍टा ताङ छेर्शिक्‍पा गिवी।”

तीतस 1:2

तुक क्‍यानी तिवा ति नाम्‍साङ मिशिवु मिजी ङ्‍येतुपला रेन्‍नी देन वे। ती मिजी ति जिनोक जो मनङ्‍गुप कोन्‍छ्‍योककी थल्‍मा नेज्‍युनी थाक्‍छ्‍येन नङ्‍गुप यिन।

हिब्रू 12:1

दाक्‍पी गारी गुरीला कोन्‍छ्‍योकला तेपा कितुप कोर्ला पङ्‍बु तेरुप मीतिवा छासे मङ्‍मु वे। तुक क्‍यानी दाक्‍पी मिजीला तोक्‍सा छोकुपतिवा ताङ दाक्‍पुला क्‍येक्‍नी ज्‍योकुप दिक्‍पातिवा क्‍युर ज्‍यकुप, तमा दाक्‍पु लेप गोवु थाकाला तिराङ ल्‍हानी हम क्‍यानी छ्‍योङ्‍बाल ग्‍यकुप।

याकूब 1:21

तुक क्‍यानी तेरी लाका मेटेङ्‍बु ताङ दुक्‍टा कितुप क्‍युर। तमा कुसु ज्‍यम्‍बु क्‍यानी ख्‍यिरा सेमला ज्‍यकुप कोन्‍छ्‍योककी सुङला मिजी क्‍योङ। ती कोन्‍छ्‍योककी सुङगी राङ ख्‍यिरा मिजी ति र्‍होक थुप्‍किवी।

१ पत्रुस 2:1

तुक क्‍यानी ख्‍यिराङ लाका दुक्‍टा कितुप ताङ जिनोक जोप ताङ खोनक्‍पु कितुप ताङ ठतोक ङर्केल कितुप ताङ मीला मारे तोङ्‍गुप ताम्‍ङे तेरी क्‍युर।

ज्‍यल्‍का 21:8

यिने च्‍ये ङ्‍यिङ दोके वोतुपतिवा ताङ तेपा मिकिवुतिवा ताङ क्‍युक्‍टो लङ्‍गुप लाका कितुपतिवा ताङ मी सेतुपतिवा ताङ शम्‍डेन कितुपतिवा ताङ मो ग्‍यकुपतिवा ताङ ल्‍हलु तेन्‍दुपतिवा ताङ जिनोक जोपतिवा तेरी मे ताङ तुसोक बरिन वोतुप ग्‍येम्‍छोला क्‍युर्कितो। दी ति शेप ङ्‍यिवा यिन।”

ज्‍यल्‍का 22:15

यिने ग्‍येसाकी फिला ति की दोके मेलोवा ताङ जिम्‍डुल छ्‍या देन्‍दुपतिवा ताङ शम्‍डेन कितुपतिवा ताङ शेन्‍बातिवा ताङ ल्‍हलु तेन्‍दुपतिवा ताङ जिनोक जोप ताङ जिनोकला गा कितुपतिवा तिराङ युकिवी।