एफिसी 4:22 - कोन्छ्‌योककी सुङ

²² तुक क्‍यानी ख्‍यिरा मिजी ङ्‍यिङ्‍बा नेसुर वुङ्‍गुप किताङ नालु ति मज्‍या ङ्‍यिङ्‍बा पिनी क्‍युरुप दोके क्‍यानी क्‍युर। ती मिजी ङ्‍यिङ्‍बा ति जिनोक जोप नासाम दुक्‍टा नेसुर वावु तप्‍की ना डिवी।

एफिसी 4:22 Iomraidhean Croise

रोमी 6:6

दाक्‍पी दिक्‍पा वोतुप मिजी ति ना डोशी, तमा येलुङ दाक्‍पु दिक्‍पी ओङला मेख्‍येल्‍शी सिनी दाक्‍पी मिजी ङ्‍यिङ्‍बा ति खो ताङ मुला राङ ग्‍यङ्‍शिङ लोला कल्‍नी शेप यिन सिरुप ति दाक्‍पुला छ्‍या वे।

रोमी 7:11

तमा ती कोन्‍छ्‍योककी नङ्‍गुप क नेसुर राङ दिक्‍पाकी च्‍यु ल्हानी ङला जिनोक जोसिमा ङला सेसुङ।

२ कोरिन्थी 11:3

यिने शैतानकी रुल नेसुर जिनोक जोनी हव्‍वाला क्‍येन बिन्‍दुप दोके ख्‍यिरा सेम ति ख्रीष्‍टला वोतुप टेङ्‍बु ताङ खोकी थोक्‍ला सेम च्‍यिक राङ जोनी तेन्‍तेन कितुप नेसुर कुतुक डिते सिनी ङला ज्‍यिवा लान वे।

गलाती 1:13

गोमाला ङ यहूदी छ्‌योला तेन्‍दुप पेला येशूला तेपा कितुपतिवाला छेटाङ दुङल तेरुप मी यिन सिरुप ति ख्‍यिरा थोनी राङ वे।

एफिसी 2:3

ती दोके तोङ्‍ला दाक्‍पी साङ सेमला शरुप तेरी लाका मेलोक्‍पातिवा क्‍यानी मिजी क्‍योङ्‍गुप ताङ रङगी जु ताङ सेमगी नोवाला युवुजा। तुक क्‍यानी दाक्‍पु साङ मी यम्‍बा दोके कोन्‍छ्‌योककी पर्च्या फोकुप गिपा च्‍युङ्‍गुप यिन।

एफिसी 4:17

ती तप्‍की ङ दी ताम्‍ङे ति चोवो येशूकी मिङला ठाकुरे सिरिन। यहूदी मिन्‍दुप मिरिक यम्‍बाकी मीतिवी तेर्मेकी नासामतिवा तङ्‍नी मिजी क्‍यङ्‍गुप दोके ख्‍यिराङ ति तफेन्‍ला तुका मिजी माक्‍योङ।

एफिसी 4:25

तुक क्‍यानी ख्‍यिराङ जिनोक जोप क्‍युर्नी रङगी मीतिवी मुला ताम्‍ङे टेङ्‍बु लोप। च्‍यिलासिसिन दाक्‍पु तेरी जु च्‍यिककी येन्‍लकतिवा यिन।

एफिसी 4:31

तेरी सेम मेलोक्‍पा वोतुप ताङ शेताङ कितुप ताङ ङ्‍यिर्मु कितुप ताङ हराङ हुरुङ कितुप ताङ मारे तोङ्‍गुप तेरी परकी दुक्‍टातिवा मुला राङ क्‍युर।

कलस्सी 2:11

ख्‍यिराङ खोला तेपा क्‍यानी यहूदी च्‍येतुप लुक्‍सु क्‍यावु यिन। ती च्‍येतुप लुक्‍सु ति मी लाक्‍पी क्‍यावु मिन, ख्रीष्‍ट नेमा राङ च्‍युङ्‍गुप यिन। ती ति ख्‍यिराङला वोतुप दिक्‍पाकी किताङ नालु क्‍युरुप यिन।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।

हिब्रू 12:1

दाक्‍पी गारी गुरीला कोन्‍छ्‍योकला तेपा कितुप कोर्ला पङ्‍बु तेरुप मीतिवा छासे मङ्‍मु वे। तुक क्‍यानी दाक्‍पी मिजीला तोक्‍सा छोकुपतिवा ताङ दाक्‍पुला क्‍येक्‍नी ज्‍योकुप दिक्‍पातिवा क्‍युर ज्‍यकुप, तमा दाक्‍पु लेप गोवु थाकाला तिराङ ल्‍हानी हम क्‍यानी छ्‍योङ्‍बाल ग्‍यकुप।

हिब्रू 3:13

यिने हारिङगी ङ्‍यिमा सिनी सिक्‍यावु तुजे वोता सेक ङ्‍यिमी टेङ ख्‍यिराङ च्‍यिककी च्‍यिकला टोङ्‍गु बिन। मिसियाङ दिक्‍पाकी जिनोक जोपला ख्‍येल्‍नी ख्‍यिरा सेम साङ तेरी क्‍योङ्‍बु जेवी।

याकूब 1:21

तुक क्‍यानी तेरी लाका मेटेङ्‍बु ताङ दुक्‍टा कितुप क्‍युर। तमा कुसु ज्‍यम्‍बु क्‍यानी ख्‍यिरा सेमला ज्‍यकुप कोन्‍छ्‍योककी सुङला मिजी क्‍योङ। ती कोन्‍छ्‍योककी सुङगी राङ ख्‍यिरा मिजी ति र्‍होक थुप्‍किवी।

याकूब 1:26

दोजो सी ङ कोन्‍छ्‍योककी थोङ्‍दाङला टेङ्‍बु वे सिनी सिवी, यिने खोरो ख ति डेकला मोज्‍योकिवी सिसिन तीकी खोरो राङ खुरुङला जिनोकला ख्‍येलुप यिन। तमा तीकी कोन्‍छ्‍योककी थोङ्‍दाङला क्‍यावु टेङ्‍बुकी लाका ति तेर्मे यिन।

१ पत्रुस 1:18

ख्‍यिराङला छ्‍या वे, ख्‍यिरा पगावा हङ्‍गावातिवा नेसुर वावु तेर्मेकी किताङ नालुतिवा नेसुर ख्‍यिराङ रङ्‍ज्‍येन थोप्‍सुङ। ती ति ना डोप सेर ताङ ङुलतिवा दोके गोङ तेनी ख्‍यिराङला थोपुप मिन,

१ पत्रुस 4:3

तोङ्‍ला याङ ख्‍यिराङ साङ यहूदी मिन्‍दुप मिरिक यम्‍बाकी मीतिवा दोके दुक्‍टा कितुप ताङ नासाम मेलोक्‍पा तोङ्‍गुप ताङ छ्‍याङ्‍गेले कितुप ताङ ङ्‍याम तोङ्‍गुप ताङ सज्‍युरे कितुप ताङ कुतिवाला तेन्‍नी ङोछा लङ्‍गुप लाका क्‍यानी बङी लाताक च्‍यक्‍सुङ।

२ पत्रुस 2:13

तिवी दुक्‍टा क्‍यावु तप्‍की तिवी छ्‍येर्पा ति खोप्‍रे राङ खुर गोकिवी। तिवा ङ्‍यिमी गुङला छ्‍याङ आराक थुनी देतुप ति गा किवी, तिवा ङोछा मेतुप ताङ ताङ्‍देन कि मोछ्‍योवु मी यिन। तिवी ख्‍यिराङ मुला राङ देनी साप ताङ थुङ्‍गुप पेला साङ नरी जिनोक जोप तिराङ गा किवी।

२ पत्रुस 2:7

यिने ती ग्‍येसाकी मीतिवी सेम नोजु क्‍यानी ङोछा लङ्‍गुप लाका दुक्‍टातिवा क्‍यावु थोङ्‍नी लोतकी सेमला छासे मेलोवा गाल्‍नोक। तुक क्‍यानी खोकी खोरे थोङ्‍दाङला टेङ्‍बु वोतुप लोतला ति र्‍होक्‍सुङ।