एफिसी 4:21 - कोन्छ्‌योककी सुङ

²¹ ख्‍यिरा याङ येशू ख्रीष्‍टला वोतुप टेङ्‍बुकी कोर्ला लाप्‍नी हाक्‍कोनी वे सिरुप ति ङला छ्‌या वे।

एफिसी 4:21 Iomraidhean Croise

मत्ती 17:5

पत्रुसकी तुक सियी वोतुप पेला छासे वो ग्‍यकुप मुक्‍पाकी छुप्‍नी तिवाला उप्‍सुङ। तमा मुक्‍पी पर नेमा “दी ङे ङ्‍यिङ्‍ज्‍येवु पुज्‍युङ यिनो, दीकी मुला ङ छासे गा लानी वे। ख्‍यिराङ दीकी ताम्‍ङे ङ्‍येना।” सिरुप वोरु यी ग्‍यप्‍सुङ।

लूका 10:16

सी ख्‍यिरा ताम्‍ङे ङ्‍येन्‍गिवे, तीकी ङे ताम्‍ङे ङ्‍येन्‍दुप यिन। सी ख्‍यिरा तेन्‍दोकला लङ्‍गिवे, ती ति ङे तेन्‍दोकला लङ्‍गुप यिन। तमा सी ङे तेन्‍दोकला लङ्‍गिवे, ती ति ङला तोङ्‍गुप तीकी तेन्‍दोकला लङ्‍गुप यिन।”

यूहन्‍ना 1:17

कोन्‍छ्‍योककी ठिम ति मोशा नेमा राङ ङ्‍येतुप यिन, यिने कटिन ताङ टेङ्‍बु ति येशू ख्रीष्‍ट नेमा वावु यिन।

यूहन्‍ना 10:27

ङे लुकतिवी ङे वोरु थोकिवी। ङ तिवाला ङो शेतिन, तमा तिवा ङे तिङ्‍ला तिङ्‍योकिवी।

यूहन्‍ना 14:17

खो ति कोन्‍छ्‍योककी थु टेङ्‍बु यिन। जम्‍बुलिङकी मीतिवी खोला सेमला मिलिङ्‍गिवी, च्‍यिलासिसिन तिवी खोला थोङ्‍गुप साङ मोथोङ्‍गिवी, ङो साङ मेशेवी। यिने ख्‍यिरा याङ खोला ङो शेकिवी। च्‍यिलासिसिन खो ख्‍यिरा मुला वे, तमा खो ख्‍यिरा सेमला ज्‍युकिवी।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

रोमी 10:14

यिने खोला तेपा माक्‍यावुतिवी याङ खोला चुक क्‍यानी रेन्‍गिवी रो? तिवी खोकी कोर्ला थोवु साङ माथो वे, चुक क्‍यानी तिवी खोला तेपा कितुप्‍जा? खोकी कोर्ला ख्‍याप्‍टाक कितुप मी मेसुङ सिसिन चुक क्‍यानी मीतिवी खोकी सुङ थोकिवी रो?

२ कोरिन्थी 1:20

कोन्‍छ्‍योककी थाक्‍छ्‍येन नङ्‍गुप सुङतिवा तेरी ख्रीष्‍टकी ओङला च्‍युङ्‍गिवी। तुक क्‍यानी कोन्‍छ्‍योककी मोवाकी थोक्‍ला ख्रीष्‍ट नेमा दाक्‍पी “आमिन” सिनी सिवी।

२ कोरिन्थी 11:10

ख्रीष्‍टकी टेङ्‍बु ति ङे मिजीला वोता सेक अखैयाकी लुङ्‍बाला सी साङ ङे तेके क्‍यावु ताम्‍ङे ति ग्‍येक मुथुपी।

एफिसी 1:13

ती ख्रीष्‍ट नेसुर दाक्‍पु साङ कोन्‍छ्‌योककी सुङ टेङ्‍बु थोनी खोकी थाक्‍छ्‌येन नङ्‍गुप थु चाङ्‍माकी त ग्‍यप्‍नी वे। ती सुङ टेङ्‍बु ति ख्‍यिराङला दिक्‍पा ने थर ज्‍यितुप लेन ल्‍यामु यिन।

एफिसी 2:17

तमा खो फेप्‍नी ख्‍युरुङ थाक्‍रिङ्‍बु वोतुपतिवाला ताङ थाक्‍ङ्‍यिमु वोतुपतिवाला साङ लोदिमु तेरुप सुङ ख्‍याप्‍टाक क्‍या नाङ्‍सुङ।

कलस्सी 1:5

तुका तेपा ताङ ङ्‍यिङ्‍ज्‍ये क्‍यावु ति ख्‍यिरा थोक्‍ला देवाच्‍येनला ज्‍यकुप रेवा नेसुर वुङ्‍गुप यिन। ती रेवाकी कोर्ला गोमाला के ख्‍यिरा सुङ टेङ्‍बु वोतुप कोन्‍छ्‍योककी लेन ल्‍यामु थोवु पेला हाक्‍को वे।

कलस्सी 1:6

ती लेन ल्‍यामु ति ख्‍यिरा ते वा वे। तमा ती ति तेरी जम्‍बुलिङला फेल्‍नी डोयी वे। ती दोके क्‍यानी ख्‍यिरा कोन्‍छ्‍योककी टेङ्‍बु वोतुप कटिनकी ताम्‍ङे थोनी हाक्‍कोवु पेला नेज्‍युनी ती लेन ल्‍यामुकी ख्‍यिरा पर्ला लाका कियी वे।

कलस्सी 2:7

तमा दोङ्‍बी मार तिङ्‍मु क्‍यङ्‍नी नाम्‍साङ तला मग्‍यकुप रम्‍बु वोतुप दोके ख्‍यिराङला लापुप येन्‍देनला तेपा रम्‍बु क्‍यानी खोला नरी थुचिछे पुल।

१ यूहन्‍ना 5:20

दाक्‍पुला छ्‍या वोतुप ति काङ यिन सिसिन, कोन्‍छ्‍योककी सेवु दी जम्‍बुलिङला फेप्‍नी दाक्‍पी खोला ङो शेवु रिक्‍पा नङ्‍सुङ। तुक क्‍यानी खो टेङ्‍बु यिन सिरुप ति दाक्‍पी हाक्‍कोकिवी। तमा खो ताङ मुला दाक्‍पी तम्‍जी ल्‍यामु वे, खोकी सेवु येशू ख्रीष्‍टकी मुला साङ तम्‍जी ल्‍यामु वोतुप हाक्‍कोकिवी। ती येशू ख्रीष्‍ट ति टेङ्‍बु वोतुप कोन्‍छ्‍योक यिन। खोकी दाक्‍पुला नाम्‍साङ मिशिवु मिजी नङ्‍गिवी।