एफिसी 4:15 - कोन्छ्‌योककी सुङ

¹⁵ बोरु ख्‍यिराङ ति च्‍यिककी च्‍यिकला ङ्‍यिङ्‍ज्‍ये क्‍यानी ताम्‍ङे टेङ्‍बु लाप्‍नी तेरी ताम्‍ङेला ख्रीष्‍ट दोके छाछिङी च्‍युङ्‍नी फरिन डो गोकिवी। खो ति गो यिन।

एफिसी 4:15 Iomraidhean Croise

यूहन्‍ना 1:47

तमा नाथनेल ति खोरो चाला वुङ्‍यिन कितुप थोङ्‍नी येशूकी तीला “ल्‍हो ताङ, ती ति वुतुङ के टेङ्‍बु वोतुप इस्राएलकी मी यिनोक। तीकी मुला काङ साङ जिनोक मे।” सिनी सुङ्‍सुङ।

रोमी 12:9

ख्‍यिराङ मी यम्‍बाला ङ्‍यिङ्‍ज्‍ये कितुप ति मीला छ्‍या देन्‍दुपला तिराङ माकी। चुका ति दुक्‍टा नोके तीला ति ङ्‍यिङ्‍मर की, चुका ति ल्‍यामु नोके तीला राङ शु।

१ कोरिन्‍थी 11:3

यिने दी ताम्‍ङे ति ख्‍यिरा हाक्‍कोशी सिरुप ति ङला नोवा वे। तेरी मीतिवा सिनाङ छ्‍ये ति येशू ख्रीष्‍ट यिन। तमा पेर्मी सिनाङ छ्‍ये ति तीकी ख्‍योवा यिन। तमा ख्रीष्‍ट सिनाङ छ्‍ये ति कोन्‍छ्‍योक यिन।

२ कोरिन्थी 4:2

ङ्‍यिराङ तेरी परकी छ्‍याकला वोतुप ताङ ङोछा लङ्‍गुप लाका मेलोवातिवा नाम्‍साङ मिकिवी। तमा जिनोक जोप ताङ कोन्‍छ्‍योककी सुङ ति कुतुक जोप साङ मिकिवी। यिने टेङ्‍बु वोतुप सुङ तिराङ ख्‍याप्‍टाक क्‍यानी कोन्‍छ्‍योककी थोङ्‍दाङला तेरी मीतिवी सेमला ङ्‍यिराङ टेङ्‍बु यिन सिरुप तेन्‍तेन किवी।

२ कोरिन्थी 8:8

दी ताम्‍ङे ति ङे ख्‍यिराङला क तेरुपला सिक्‍यावु मिन। यिने मी यम्‍बी सेम्‍बा सेमगी दाल्‍जा कितुप लाकाला चो ङ्‍यम्‍ले क्‍यासुङ ती ति ख्‍यिराङला सिक्‍यानी ख्‍यिरा ङ्‍यिङ्‍ज्‍ये क्‍यावु ति टेङ्‍बु यिनोक मिनोक हाक्‍कोवुला सिक्‍यावु यिन।

एफिसी 1:22

खोकी दी तेरी ओङ्‍ज्‍येन ति येशू ख्रीष्‍टकी शापकी वोक्‍ला ज्‍याक्‍नी नाङ्‍सुङ। तमा चर्चकी खला साङ खोला राङ तेरी सिनाङ चोछ्‌येवु जो नाङ्‍सुङ।

एफिसी 1:4

ती मोलाम ति खोकी थोङ्‍दाङला दाक्‍पु चाङ्‍मा ताङ क्‍येन मेतुप च्‍युङ्‍शी सिनी जम्‍बुलिङ ज्‍येङ्‍गुप सिनाङ गोमाला के खोकी दाक्‍पुला पेन नङ्‍गुप यिन।

एफिसी 2:21

येशू ख्रीष्‍ट ताङ मुला च्‍यिक्‍पा राङ जोनी कोन्‍छ्‌योककी मिछाङतिवा तेरी थिन्‍नी खोकी थोक्‍ला कोन्‍छ्‌योककी ल्‍हङाङ ति मङ मङ पोरिन डिवी।

एफिसी 4:25

तुक क्‍यानी ख्‍यिराङ जिनोक जोप क्‍युर्नी रङगी मीतिवी मुला ताम्‍ङे टेङ्‍बु लोप। च्‍यिलासिसिन दाक्‍पु तेरी जु च्‍यिककी येन्‍लकतिवा यिन।

एफिसी 5:23

च्‍यिलासिसिन ख्रीष्‍ट ति चर्चकी गो यिन्‍दुप दोके पेर्मीकी गो ति ख्‍योवा यिन। तमा चर्च ति ख्रीष्‍टकी जु यिन, खो ति चर्चला थर ज्‍यितुप यिन।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 2:2

ख्‍यिरा कोन्‍छ्‍योक च्‍यङ्‍च्‍यु सेम्‍बा वे सिरुप ति हाक्‍कोसुङ सिसिन मलोक क्‍येवु आङातिवा वोमा छलुप दोके ख्‍यिराङ टेङ्‍बु ताङ चाङ्‍मा वोतुप कोन्‍छ्‍योककी सुङला युकुप छासे नो की। तुक क्‍यासिन ख्‍यिराङला मङ मङ दिक्‍पा ने थर्वा ङ्‍येकिवी।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।

१ यूहन्‍ना 3:18

ङे ङ्‍यिङ्‍ज्‍येवु आङातिवा, ख्‍यिराङ ख तिराङकी ङ्‍यिङ्‍ज्‍ये कितिन सिरुप मिन, यिने लाका टेङ्‍बु क्‍यानी ङ्‍यिङ्‍ज्‍ये छ्‍या तेन।