एफिसी 4:11 - कोन्छ्‌योककी सुङ

¹¹ तमा खोकी मी ललाइला ति लोमा छ्‌ये, ललाइला ति खोरे लुङ्‍तेम्‍बा, ललाइला ति ख्‍याप्‍टाक कितुप मी, ललाइला ति चर्चला गोमा कितुप गेकेन, ललाइला ति खोकी सुङ लोपुप गेकेन जो नाङ्‍सुङ।

एफिसी 4:11 Iomraidhean Croise

मत्ती 28:20

तमा ख्‍यिराङला ङे क बिन्‍दुप तेरी ताम्‍ङेतिवा तिवाला लाप्‍नी ङ्‍येन च्‍यी। वुतुङ के ङ दी जम्‍बुलिङ ना मागाला सेक ख्‍यिरा मुला राङ नरी देतिनो।”

लोमा छ्‍येतिवी लाका 13:1

एन्‍टिओखियाकी चर्चला कोन्‍छ्‍योककी लुङ्‍तेम्‍बातिवा ताङ गेकेनतिवा नोक। तिवा ति बारनाबास ताङ नक्‍पु सिरुप शिमियोन ताङ कुरेनी नेसुर वावु लुकियस ताङ ग्‍येल्‍वु हेरोद टिक्‍पे वोतुप पेलाकी दाल्‍जा मनेन ताङ शाऊल नोक।

लोमा छ्‍येतिवी लाका 20:28

तुक क्‍यानी ख्‍यिराङ गोमा कितुप मी छ्‍येतिवा रङगी थोक्‍ला ल्‍यामो क्‍यानी नासाम तोङ, तमा तेपा कितुप ख्‍यिरा मीतिवाला साङ ल्‍यामो क्‍यानी ल्‍होसा। च्‍यिलासिसिन कोन्‍छ्‍योककी थु चाङ्‍माकी ख्‍यिराङला तेपा कितुप मीतिवा ल्‍हाटे कितुपला चेक तेतुप ताङ खोकी खोरो सेवुकी ठककी ङ्‍योनी नङ्‍गुप चर्च ल्‍यामो क्‍यानी ल्‍हापला पेतुप यिन।

लोमा छ्‍येतिवी लाका 21:8

ती सला तीला ङ्‍यिराङ कैसरियाला वानी सुङ ख्‍याप्‍टाक कितुप फिलिपकी खाङ्‍बा देतिन। ती फिलिप ति यरूशलेम चर्चकी सुङ ख्‍याप्‍टाक कितुपला पेतुप मिरा दिनकी नाङ्‍ला मिरा च्‍यिक यिनोक।

रोमी 12:7

शब्‍ज्‍यी कितुप यिन्‍सिन ल्‍यामु क्‍यानी शब्‍ज्‍यी कि गोकिवी। मीला लाप्‍नी तेरुप यिन्‍सिन ल्‍यामु क्‍यानी लाम तेरुप लाका कि गोकिवी।

१ कोरिन्‍थी 12:4

कोन्‍छ्‍योककी थु चाङ्‍मा नेमा थोपुप कटिनकी ङ्‍येम्‍बा ति कुतुक कुतुक गिवी, यिने ती कटिनकी ङ्‍येम्‍बा नङ्‍गुप खोकी थु चाङ्‍मा ति च्‍यिक राङ यिन।

एफिसी 2:20

ती मिछाङतिवा ति लोमा छ्‌येतिवा ताङ कोन्‍छ्‌योककी लुङ्‍तेम्‍बातिवी जोवु डम्‍ज्‍यी रम्‍बु दोके यिन। तमा येशू ख्रीष्‍ट ति ती डम्‍ज्‍यीकी खक्‍छ्‍येवु सुरकी दो दोके यिन।

एफिसी 3:5

तोङगी गिपाकी मीतिवाला हाक्‍को माच्‍यिवु ताम्‍ङे ति खोकी लोमा छ्‌येतिवा ताङ कोन्‍छ्‌योककी लुङ्‍तेम्‍बातिवाला खोरे थु चाङ्‍मा नेसुर तसाम ठछ्‍येली छ्‌या तेन वे।

एफिसी 4:8

ती तप्‍की कोन्‍छ्‌योककी सुङला तीकी थोक्‍ला दुक सिनी टि वे, “खो येर केला तेङ फेपुप पेला चोन्‍खाङला शोरुप मीतिवाला खोकी मुला राङ टिनी फेप्‍सुङ, तमा खोरे मीतिवाला ङ्‍येम्‍बा नाङ्‍सुङ।”

२ तिमोथी 4:5

यिने ख्‍युरुङ ति चो पेला साङ सेम थिला ज्‍याक्‍नी चो दुक्‍पा वोसिनाङ लेन ल्‍यामु ख्‍याप्‍टाक कितुप ताङ खोला शब्‍ज्‍यी कितुप लाका ति तेरी किसा।

हिब्रू 5:12

ख्‍यिरा तेपा क्‍यावु ति लो अलायी गाल, तुक क्‍यानी त याङ ख्‍यिराङ गेकेन के च्‍युङ गोवु ति यिन्‍जा, यिने तरोङ साङ ख्‍यिराङला ललाइकी कोन्‍छ्‍योककी सुङगी कोर्ला गोमा नेज्‍युनी येलुङ लोप गोवु नोक। ख्‍यिराङ याङ समा क्‍योङ्‍बु साप मिन, आमी नुम तिराङ थुङ्‍गुप आङा टिक्‍पे दोके नोक।

यहूदा 1:17

यिने ङ्‍यिङ्‍ज्‍येवु अच्‍युनुपतिवा, ख्‍यिराङ ति दाक्‍पी चोवो येशू ख्रीष्‍टकी लोमा छ्‍येतिवी गोमाला सिक्‍यावु ताम्‍ङेतिवा नासाम तोङ।

ज्‍यल्‍का 18:20

ओ देवाच्‍येनला वोतुपतिवा ताङ तेपा कितुपतिवा ताङ लोमा छ्‍येतिवा ताङ लुङ्‍तेम्‍बातिवा, ख्‍यिराङ गा की! च्‍यिलासिसिन तीकी ख्‍यिराङला चुक क्‍यावे, कोन्‍छ्‍योककी तीला साङ तुकै राङ क्‍यानी ठिम क्‍या नाङ्‍सुङ।” सिनी वोरु तेन्‍सुङ।

ज्‍यल्‍का 21:14

ती ग्‍येसाकी दोकरला डम्‍ज्‍यी च्‍यिङ्‍ङी नोक। तमा ती खला लुक रुककी लोमा छ्‍ये मिरा च्‍यिङ्‍ङीकी मिङ टिनी नोक।