एफिसी 4:10 - कोन्छ्‌योककी सुङ

¹⁰ खो मर फेप्‍सिमा तेरी च्‍यालकतिवी खला ग्‍येला कितुपला येलुङ खो देवाच्‍येन सिनाङ मङ केला तेङ फेप्‍सुङ।

एफिसी 4:10 Iomraidhean Croise

मत्ती 24:34

वुतुङ के ङ ख्‍यिराङला सिरिन, दी तेरी ताम्‍ङेतिवा माच्‍युङ्‍वा सेक्‍ला दी गिपा ना मोडोवी।

लूका 24:44

ती ज्‍युक्‍ला खोकी तिवाला सुङ्‍सुङ, “ङे गोमाला ख्‍यिरा मुला वोतुप पेला ख्‍यिराङला ‘मोशाकी ठिम ताङ कोन्‍छ्‍योककी लुङ्‍तेम्‍बाकी थेप ताङ भजनसंग्रहकी थेपकी नाङ्‍ला ङे कोर्ला टिवु तेरी ताम्‍ङेतिवा छे राङ गोकिवी।’ सिनी सिक्‍या वे।”

यूहन्‍ना 1:16

खोकी छाछिङी नेमा दाक्‍पुला नरीकी नरी कटिन मङ्‍मु थोप्‍नी वे।

यूहन्‍ना 19:24

तुक क्‍यानी तिवी “लो, दाक्‍पु दी मज्‍या ति मर्‍हल्‍वा क्‍यानी ग्‍येन ग्‍यप्‍नी सुला थेप्‍किवे, तीकी खुन डोप।” सिनी केवुल क्‍यासुङ। तुकै च्‍युङ्‍गुप ति “तिवी ङे मज्‍या ति तिवी पर्ला गोसुङ, तमा ङे मज्‍या रिङ्‍बु ति ग्‍येन ग्‍यप्‍सुङ।” सिनी कोन्‍छ्‍योककी सुङला टि वोतुप ति तेरी छेवुला यिन। मक्‍मीतिवी तुकै राङ क्‍यासुङ।

यूहन्‍ना 19:28

ती ज्‍युक्‍ला येशूकी खोकी कि गोवु लाका तेरी सिन्‍दुप ति हाक्‍कोनोक। तमा कोन्‍छ्‍योककी सुङला टिवु ति छे ज्‍यितुपला येशूकी “ङला कोम्‍बा लासुङ।” सिनी सुङ्‍सुङ।

यूहन्‍ना 19:36

तुकै च्‍युङ्‍गुप ति “खोकी रुकक च्‍यिक साङ मछ्‍याकिवी।” सिनी कोन्‍छ्‍योककी सुङला टिवु ति तेरी छेवुला यिन।

लोमा छ्‍येतिवी लाका 1:11

तिवाला सिक्‍यासुङ, “ओ गालीलकी मीतिवा, ख्‍यिराङ च्‍यिला दे लानी नामला ल्‍हानी देकिवी? तन्‍दा ख्‍यिरा पर नेमा येर देवाच्‍येनला टि फेवु येशू ति तन्‍दा चुक क्‍यानी ख्‍यिरा ल्‍हयी ल्‍हयी देवाच्‍येन ने टि फेप्‍वे, तुक राङ क्‍यानी खो येलुङ दी जम्‍बुलिङला लोक्‍नी फेप्‍किवी।”

लोमा छ्‍येतिवी लाका 1:9

खोकी तुक सुङ्‍सिमा लोमातिवी ल्‍हयी ल्‍हयी राङ कोन्‍छ्‍योककी खोला येर देवाच्‍येन ने टि फेप्‍सुङ। तमा मुक्‍पी पर्ने तोक तोर्सुङ।

लोमा छ्‍येतिवी लाका 2:33

ती येशूला कोन्‍छ्‍योककी खोकी यावी थाकाला छासे ताङ्‍देन वोतुप ठीकी खला ज्‍याक नाङ्‍सुङ। तमा खोकी थाक्‍छ्‍येन नङ्‍गुप थु चाङ्‍मा ति येशूला थोप्‍नी ती ति ङ्‍यिरा पर्ला तङ नाङ्‍सुङ। ती ताम्‍ङे ति तन्‍दा ख्‍यिरा थोङ्‍गुप ताङ थोयी वे।

लोमा छ्‍येतिवी लाका 3:18

यिने ख्रीष्‍टकी छेटाङ खुर राङ गोकिवी सिनी गोमाला नेज्‍युनी कोन्‍छ्‍योककी लुङ्‍तेम्‍बातिवी नम्‍दर शेतुप ति कोन्‍छ्‍योककी तेरी छे च्‍यिसुङ।

२ कोरिन्थी 12:2

येशू ख्रीष्‍टला तेपा कितुप मी मिरा च्‍यिकला ङे ङो शेकिवी। ती ति लो च्‍युप्‍ज्‍यी गोमाला तेरी सिनाङ येर देवाच्‍येन सेक तेक्‍नी गाल्‍सुङ। यिने ती ति जु ताङ डेके तेक्‍नी गलुप यिन्‍दे की, जु मेता क्‍यानी गलुप यिन्‍दे ङला छ्‍या मे। कोन्‍छ्‍योकला तिराङ छ्‍या वे।

एफिसी 3:19

तमा ख्रीष्‍टकी ङ्‍यिङ्‍ज्‍ये ति चुका रिक्‍पा सिनाङ चोछ्‌ये वे सिनी ख्‍यिरा हाक्‍को थुप्‍शी। तमा काङ साङ ङ्‍युङ्‍मु मेतुप कोन्‍छ्‌योककी तेरी छाछिङीकी ख्‍यिरा मिजीला छाछिङी छेङ्‍शी।

कलस्सी 1:19

कोन्‍छ्‍योककी नोवाकी राङ ख्रीष्‍ट ति खो ताङ च्‍यिक्‍पा राङ क्‍यानी ज्‍युवु गा लासुङ।

कलस्सी 2:9

च्‍यिलासिसिन कोन्‍छ्‍योकला वोतुप तेरी छाछिङी ति ख्रीष्‍टकी मुला राङ ज्‍यु वे।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

हिब्रू 4:14

तुक क्‍यानी देवाच्‍येनला तेक्‍नी फेवु कोन्‍छ्‍योककी सेवु येशू ति चोछ्‍ये वोतुप तेरी सिनाङ कोङ्‍यार छ्‍ये यिन्‍दुप तप्‍की दाक्‍पी मीतिवी मिङ्‍गाला सेमला लानी तेन्‍तेन क्‍यावु तेपाला मङ रम्‍बु क्‍यानी देतुप।

हिब्रू 7:26

दाक्‍पी थोक्‍ला गोवु कोङ्‍यार छ्‍ये ति येशू यिन। खो चाङ्‍मा ताङ क्‍येन मेतुप ताङ टेङ्‍बु वे, तमा दिक्‍छेनतिवा नेसुर कुतुक पेनी देवाच्‍येन सिनाङ येर तेक्‍नी वे।

हिब्रू 8:1

त ङ्‍यिरा सिक्‍यावु खक्‍छ्‍येवु ताम्‍ङे ति दी राङ यिन, दाक्‍पी थोक्‍ला तेरी सिनाङ कोङ्‍यार छ्‍ये मिरा च्‍यिक ज्‍यु वे। खो देवाच्‍येनकी चोछ्‍येवु कोन्‍छ्‍योककी ग्‍येल्‍ठिककी यावी थाकाला ज्‍यु वे।