एफिसी 3:7 - कोन्छ्‌योककी सुङ

⁷ कोन्‍छ्‌योककी ओङ छ्‌येवु लाका नेसुर दी लेन ल्‍यामु ख्‍याप्‍टाक कितुपला ङला खोकी लावा जो नङ्‍गुप यिन। तुक क्‍यावु ति खोकी कटिनकी ङ्‍येम्‍बा यिन।

एफिसी 3:7 Iomraidhean Croise

लोमा छ्‍येतिवी लाका 9:15

यिने चोवोकी हननियाला सुङ्‍सुङ, “ख्‍युरुङ ग्‍युक! गल्‍नी ङे काङ सिक्‍यावे, ती ति की! च्‍यिलासिसिन शाऊल ति मिरिक यम्‍बातिवा ताङ ग्‍येल्‍वुतिवा ताङ इस्राएल मीतिवाला ङे सुङ ख्‍याप्‍टाक कितुपला पेतुप मी यिन।

रोमी 1:5

यहूदी मिन्‍दुप मिरिक यम्‍बाकी मीतिवी येशूला तेपा क्‍यानी खोकी सुङला ङ्‍येन्‍शी सिनी ङला खो नेमा कटिन ङ्‍येनी खोला शब्‍ज्‍यी कितुपला खोकी लोमा छ्‍ये च्‍युङ्‍गुप यिन।

रोमी 12:3

कोन्‍छ्‍योककी ङला नङ्‍गुप कटिन नेसुर ङ ख्‍यिराङ रे रेला ठाकुरे सिनी गोङ्‍बा शोयी। ख्‍यिराङ छ्‍युङा यिन्‍सिनाङ, खुरुङ राङ छ्‍ये यिन सिनी सु साङ नासाम मातोङ। यिने कोन्‍छ्‍योककी ख्‍यिराङला चो तेपा नङ वे, ती ति ल्‍यामो हाक्‍कोनी ती दोके मिजी क्‍योङ।

रोमी 15:16

कोन्‍छ्‍योककी ङला नङ्‍गुप कटिनकी जोसालेन्‍सिन ङ ति येशू ख्रीष्‍टकी थोक्‍ला शब्‍ज्‍यी बुलुप मी च्‍युङ्‍नी यहूदी मिन्‍दुप मिरिक यम्‍बाकी मीतिवाला लेन ल्‍यामु ख्‍याप्‍टाक कितुप कोङ्‍यारकी लाकातिवा कितुपला पेन नङ्‍गुप यिन। तुक क्‍यानी यहूदी मिन्‍दुप मिरिक यम्‍बाकी मीतिवा साङ खोकी थु चाङ्‍माकी ओङला टेङ्‍बु च्‍युङ्‍नी खोला गा लङ्‍गुप बुल्‍वा च्‍युङ थुप्‍शी।

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

१ कोरिन्‍थी 3:5

काङ अपोल्‍लोस ति सु यिन रो? पावल ति सु यिन रो? ङ्‍यिरा ख्‍याप्‍टाक क्‍यावु कोन्‍छ्‍योककी सुङ थोनी ख्‍यिरा तेपा क्‍यावु यिन। ङ्‍यिराङ याङ कोन्‍छ्‍योकला शब्‍ज्‍यी कितुप मी तिराङ यिन।

२ कोरिन्थी 3:6

खोकी ङ्‍यिराङला खो ताङ ङ्‍यिरा पर्ला थाक्‍छ्‍येवु ठिम सम्‍बाकी थोक्‍ला शब्‍ज्‍यी कितुप ङार नाङ्‍सुङ। दी थाक्‍छ्‍येवु ठिम सम्‍बा ति यिकीला टिवु मिन, कोन्‍छ्‍योककी थु चाङ्‍माकी टिवु यिन। यिकीला टिवु ठिमकी मीला शि ज्‍यिकिवी, यिने कोन्‍छ्‍योककी थु चाङ्‍माकी याङ मिजी नङ्‍गिवी।

२ कोरिन्थी 4:1

तुक क्‍यानी कोन्‍छ्‍योककी ङ्‍यिराङला च्‍यम्‍बा क्‍यानी खोला शब्‍ज्‍यी कितुप ती लाका नङ्‍गुप तप्‍की ङ्‍यिराङ यिछ्‍येता कि मोगोवी।

गलाती 2:8

च्‍यिलासिसिन कोन्‍छ्‍योककी पत्रुसला यहूदीतिवी पर्ला लेन ल्‍यामु ख्‍याप्‍टाक कितुपला लोमा छ्‍ये जो नङ्‍गुप दोके ङला ति यहूदी मिन्‍दुप मिरिक यम्‍बाकी मीतिवी पर्ला लेन ल्‍यामु ख्‍याप्‍टाक कितुपला लोमा छ्‍ये जोनी ताङ्‍सुङ।

एफिसी 1:19

तमा दाक्‍पु तेपा कितुपतिवी थोक्‍ला खोकी छासेकी ङार ति काङ यिनोक सिनी ख्‍यिरा हाक्‍कोशी सिनी मोपोर कितिन। ती ङार ति खोकी चोछ्‍येवु ङार यिन।

एफिसी 3:2

ख्‍यिराङ यहूदी मिन्‍दुप मिरिक यम्‍बातिवाला लेन ल्‍यामु ख्‍याप्‍टाक कितुपला कोन्‍छ्‌योककी ङला चेक तेतुप कटिनकी कोर्ला वुतुङ के ख्‍यिरा थोनी वे सिरुप ति ङला नोवा वे।

एफिसी 3:20

कोन्‍छ्‌योककी दाक्‍पी नाङ्‍ला लाका कितुप खोरे ओङ्‍ज्‍येन नेमा राङ दाक्‍पी लङ्‍गुप ताङ नासाम तङ्‍गुप सिनाङ ल्‍हक्‍पा दाक्‍पुला नङ्‍गिवी।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

एफिसी 4:16

ती गो नेसुर दाक्‍पी जुकी तेरी थिन्‍जामतिवा थिनी जु च्‍यिक च्‍युङ्‍गिवी। तमा जुला वोतुप तेरी येन्‍लकतिवी दाक दाक्‍पी लाका ल्‍यामु क्‍यासिमा जु ति मङ रम्‍बु डिवी। तमा च्‍यिककी च्‍यिकला ङ्‍यिङ्‍ज्‍ये कियी ती जु ति खोरुङ राङ फरिन डिवी।

कलस्सी 1:29

ख्रीष्‍टकी ङे सेमगी दिङ्‍ला ङार नङ्‍गुप तप्‍की राङ ङ दी लाका ति छासे टेमु क्‍यानी कितिन।

१ थेसलोनिकी 2:13

तुक क्‍यानी ख्‍यिरा थोक्‍ला ङ्‍यिराङ कोन्‍छ्‍योकला नरी थुचिछे बुलिन। च्‍यिलासिसिन ख्‍यिरा सुङ ङ्‍येन्‍दुप पेला मी सुङ दोके क्‍यानी मिन, यिने कोन्‍छ्‍योककी सुङ दोके क्‍यानी सेमला लासुङ। वुतुङ के ती सुङगी ख्‍यिराङ तेपा कितुपतिवी मिजीला लाका साङ कियी वे।

हिब्रू 13:21

ती कोन्‍छ्‍योककी खोकी नोवाला वोतुप ति ख्‍यिरा तेरी किशी नोनी ख्‍यिराङला गोवु तेरी ल्‍यामु वोतुपतिवा नङ्‍शी। तमा चुका ति खोला सेमला डोप नोके, येशू ख्रीष्‍ट नेसुर ती ति ख्‍यिरा मिजीला खोकी क्‍या नङ्‍शी। येशू ख्रीष्‍टला नरीकी नरी मोवा च्‍युङ्‍शी। आमिन।