एफिसी 3:5 - कोन्छ्‌योककी सुङ

⁵ तोङगी गिपाकी मीतिवाला हाक्‍को माच्‍यिवु ताम्‍ङे ति खोकी लोमा छ्‌येतिवा ताङ कोन्‍छ्‌योककी लुङ्‍तेम्‍बातिवाला खोरे थु चाङ्‍मा नेसुर तसाम ठछ्‍येली छ्‌या तेन वे।

एफिसी 3:5 Iomraidhean Croise

मत्ती 13:17

वुतुङ के ङ ख्‍यिराङला सिरिन, कोन्‍छ्‍योककी लुङ्‍तेम्‍बातिवा ताङ खोकी कला ङ्‍येन्‍दुपतिवा बङीकी ख्‍यिरा ल्‍हावु खोकी ग्‍येल्‍खाप ल्‍हाप याङ नो क्‍यासुङ, यिने माथोङ। खोकी ग्‍येल्‍खापकी कोर्ला ङ्‍येन्‍दुप नो क्‍यासुङ, यिने माथो।”

मत्ती 20:7

तमा तिवी ‘सी साङ ङ्‍यिराङला लाकाला माच्‍यिनी तुक राङ देन वे।’ सिनी सिक्‍यासुङ। तमा तीकी तिवाला ‘ख्‍यिराङ साङ ङे गुन्‍डुम शिङ खला गल्‍नी लाका की।’ सिनी सिक्‍यासुङ।

मत्ती 23:34

तुक क्‍यानी ङ ख्‍यिरा पर्ला कोन्‍छ्‍योककी लुङ्‍तेम्‍बातिवा ताङ रिक्‍पा वोतुपतिवा ताङ यहूदी छ्‍योकी गेकेनतिवाला तोङ्‍यिनो। तमा ख्‍यिरा तिवी पर्ला ललाइला ति सेकिवी, ललाइला ति ग्‍यङ्‍शिङला ग्‍येल्‍गिवी, ललाइला ति यहूदी छ्‍योखाङ नाङ्‍ला तल्‍ज्‍येक ग्‍यकिवी, तमा तिवाला ग्‍येसा ग्‍येसाला तिङ्‍यानी छेटाङ तेर्किवी।

लूका 10:24

ङ ख्‍यिराङला सिरिन, कोन्‍छ्‍योककी लुङ्‍तेम्‍बातिवा ताङ ग्‍येल्‍वुतिवा बङीकी ख्‍यिरा काङ थोङ्‍गुप ति ल्‍हाप नो क्‍यासुङ, यिने माथोङ। तमा ख्‍यिरा काङ थोवु ति ङ्‍येन्‍दुप नो क्‍यासुङ, यिने माथो।”

लूका 11:49

तुक क्‍यानी तेरी ताम्‍ङे हाक्‍कोवु कोन्‍छ्‍योककी दुक सुङ्‍गिवी, ‘ङ ङे लुङ्‍तेम्‍बातिवा ताङ लोमा छ्‍येतिवाला मीतिवी ते तोङ्‍यिनो। यिने तिवी ङे तङ्‍गुपतिवी पर्ला ललाइला ति सेकिवी, ललाइला ति छेटाङ तेर्किवी।’

यूहन्‍ना 14:26

यिने पपी ङे मिङला तङ्‍गुप टोङ्‍गु तेरुप थु चाङ्माकी राङ ख्‍यिराङला तेरी ताम्‍ङेतिवा लोप्‍किवी, तमा ङे ख्‍यिराङला सिक्‍यावु तेरी ताम्‍ङेतिवा खोकी ख्‍यिराङला येलुङ टेन्‍सो लोङ्‍गिवी।

यूहन्‍ना 16:13

यिने टेङ्‍बु वोतुप थु चाङ्‍मा फेप्‍सिमा खोकी ख्‍यिराङला कोन्‍छ्‍योककी टेङ्‍बुकी कोर्ला हाक्‍को ज्‍यिकितो, तमा ख्‍यिराङला ती टेङ्‍बुकी लाम नेवा टिकितो। खोकी खोरो ताम्‍ङे मुसुङ्‍गिवी, यिने कोन्‍छ्‍योक नेमा काङ थोवे, ती ताम्‍ङे तिराङ सुङ्‍गितो, तमा ज्‍युक्‍थमाला वुङ्‍गुप ताम्‍ङेतिवा साङ ख्‍यिराङला सुङ्‍गितो।

लोमा छ्‍येतिवी लाका 10:28

तिवाला सिक्‍यासुङ, “यहूदी मिन्‍दुप मिरिक यम्‍बाकी मीतिवी मुला ठेतुप ताङ तिवी दला शुकुप ति यहूदी ठिमला ल्‍यामु मिन सिरुप ताम्‍ङे ख्‍यिराङला साङ छ्‍या राङ वे। क्‍यासिनाङ कोन्‍छ्‍योककी ङला मी सुला साङ मेचेङ्‍गा यिन नो माकी सिनी सुङ वे।

रोमी 16:25

त याङ दाक्‍पु तेरीकी कोन्‍छ्‍योकला मोवा कितुप। खोकी राङ ख्‍यिराङला ङे ख्‍याप्‍टाक क्‍यावु येशू ख्रीष्‍टकी लेन ल्‍यामु नेसुर नरी तेपा रम्‍बु क्‍या दे ज्‍यिकिवी। ती लेन ल्‍यामु ति कल्‍वा कल्‍वा नेज्‍युनी छ्‍याकला ज्‍याङ वोतुप यिन।

१ कोरिन्‍थी 2:10

ती ताम्‍ङेकी तेन्‍दोक ति कोन्‍छ्‍योककी दाक्‍पुला खोकी थु चाङ्‍मा नेमा हाक्‍को ज्‍यिकिवी, च्‍यिलासिसिन खोकी थु चाङ्‍माकी तेरी ताम्‍ङे ति हाक्‍कोकिवी। सी साङ हाक्‍माकोवु कोन्‍छ्‍योककी नोवाला वोतुप छ्‍याककी ताम्‍ङेतिवा साङ खोकी हाक्‍कोकिवी।

एफिसी 2:20

ती मिछाङतिवा ति लोमा छ्‌येतिवा ताङ कोन्‍छ्‌योककी लुङ्‍तेम्‍बातिवी जोवु डम्‍ज्‍यी रम्‍बु दोके यिन। तमा येशू ख्रीष्‍ट ति ती डम्‍ज्‍यीकी खक्‍छ्‍येवु सुरकी दो दोके यिन।

एफिसी 3:9

तमा तेरी च्‍यालकतिवा ज्‍ये नङ्‍गुप कोन्‍छ्‍योककी ताङ्‍बो ताङ्‍बो नेज्‍युनी छ्‍याकला वोतुप नोवाकी तेन्‍दोक ति काङ यिन सिनी तेरी मीतिवाला ख्‍याप्‍टाक कितुप कटिन ति ङला नङ्‍गुप यिन।

२ पत्रुस 3:2

तुक क्‍यानी तोङ्‍ला लुङ्‍तेम्‍बा टेङ्‍बुतिवी नम्‍दर शेतुप ताम्‍ङे ताङ लोमा छ्‍येतिवी ख्‍यिराङला दिक्‍पा ने थर ज्‍यितुप चोवो येशूकी कोर्ला लापुप सुङ ति ख्‍यिरा नरी नासाम ताङ्‍नी टोक माज्‍येता।

यहूदा 1:17

यिने ङ्‍यिङ्‍ज्‍येवु अच्‍युनुपतिवा, ख्‍यिराङ ति दाक्‍पी चोवो येशू ख्रीष्‍टकी लोमा छ्‍येतिवी गोमाला सिक्‍यावु ताम्‍ङेतिवा नासाम तोङ।