एफिसी 3:3 - कोन्छ्‌योककी सुङ

³ खोकी नोवा ति छ्‍याकला नोक। ती ति खोकी ङला ज्‍यल्‍का नेसुर हाक्‍को च्‍यिसुङ। तीकी कोर्ला तोङ्‍ला साङ ङे ख्‍यिराङला चेयी टिनी वे।

एफिसी 3:3 Iomraidhean Croise

लोमा छ्‍येतिवी लाका 22:17

ती तिङ्‍ला ङ यरूशलेमला लोङ वासिमा ङ ल्‍हङाङ नाङ्‍ला मोपोर क्‍यान देतुप पेला चोवोकी ङला ‘ङमु क्‍यानी यरूशलेम नेसुर थेन्‍नी ग्‍युक। च्‍यिलासिसिन ङे थोक्‍ला ख्‍योरो पङ्‍बु बिन्‍दुप ति तिवी मेङ्‍येन्‍वी।’ सिनी सुङ्‍गुप ति ङे ज्‍यल्‍का थोङ्‍सुङ।

लोमा छ्‍येतिवी लाका 22:21

यिन्‍सिनाङ चोवोकी ङला ‘ख्‍युरुङ ग्‍युक! च्‍यिलासिसिन ङ ख्‍युरुङला थाक्‍रिङ्‍बुकी यहूदी मिन्‍दुप मिरिक यम्‍बाकी मीतिवी ते ङे थोक्‍ला पङ्‍बु तेरुपला तोङ्‍यिन।’ सिनी सुङ्‍सुङ।”

लोमा छ्‍येतिवी लाका 23:9

तुक क्‍यानी ते छासे हराङ हुरुङ क्‍यासुङ। तमा फरिसी नाङ ने ललाइ छ्‍योकी गेकेनतिवा लानी दुक सिनी ङ्‍ये छाल्‍सुङ, “ङ्‍यिरा याङ दी मीला काङ साङ क्‍येन माथोङ। कोन्‍छ्‍योककी थु चाङ्‍मा याङ्‍ना देवाच्‍येनकी मीतिवी के दीला ताम्‍ङे लापुप यिन्‍ते यिन्‍दे।”

रोमी 11:25

अच्‍युनुपतिवा, ख्‍यिराङ अम्‍बारङ्‍शिङ क्‍यानी खुरुङ राङ रिक्‍पा वोतुप यिन सिनी नो मिकिशी सिनी इस्राएलकी मीतिवी कोर्ला छ्‍याकला वोतुप कोन्‍छ्‍योककी नोवा ति ङ ख्‍यिराङला सिरिन। ती ति काङ यिन सिसिन, कोन्‍छ्‍योककी पेतुप यहूदी मिन्‍दुप मिरिक यम्‍बाकी मीतिवा अङ्‌टङ तेरी माछेवा सेक्‍ला इस्राएलकी मीतिवी नाङ्‍ला चेयीकी सेम ति क्‍योङ्‍बु डिवी।

रोमी 16:25

त याङ दाक्‍पु तेरीकी कोन्‍छ्‍योकला मोवा कितुप। खोकी राङ ख्‍यिराङला ङे ख्‍याप्‍टाक क्‍यावु येशू ख्रीष्‍टकी लेन ल्‍यामु नेसुर नरी तेपा रम्‍बु क्‍या दे ज्‍यिकिवी। ती लेन ल्‍यामु ति कल्‍वा कल्‍वा नेज्‍युनी छ्‍याकला ज्‍याङ वोतुप यिन।

२ कोरिन्थी 12:1

ङे तेके क्‍यावु ताम्‍ङे ति ख्‍येप्‍साङ मेसिनाङ, ङला चोवो नेमा थोपुप ज्‍यल्‍का ताङ खोकी हाक्‍को च्‍यितुप ताम्‍ङेकी कोर्ला ङ सिरिन।

गलाती 1:12

च्‍यिलासिसिन ती ति मी ङला सिक्‍यावु मिन, मी लापुप साङ मिन, यिने चोवो येशू ख्रीष्‍टकी ङला ज्‍यल्‍का नेसुर नङ्‍गुप यिन।

एफिसी 1:17

तमा दाक्‍पी चोवो येशू ख्रीष्‍टकी मोवा वोतुप पपा कोन्‍छ्‌योककी ख्‍यिराङला खोकी च्‍यु ताङ रिक्‍पाकी सेम नङ्‍नी खोला ङो शे थुप्‍शी सिनी ङ नरी मोपोर कितिन।

एफिसी 3:4

ती ङे टिवु ताम्‍ङे ति ख्‍यिरा रासिन ख्रीष्‍टकी छ्‍याकला वोतुप ताम्‍ङेकी कोर्ला ङे चो हाक्‍कोनोक सिरुप ति ख्‍यिरा साङ हाक्‍कोकितो।

एफिसी 3:6

ती छ्‍याकला वोतुप ताम्‍ङेकी तेन्‍दोक ति लेन ल्‍यामु नेसुर राङ यहूदी मिन्‍दुप मिरिक यम्‍बातिवाला साङ यहूदीतिवाला थोपुप कोन्‍छ्‌योककी मोलाम ति मुला राङ थोप्‍नी वे। तमा दाक्‍पु तेरी येशू ख्रीष्‍ट ताङ मुला जु च्‍यिक्‍पा राङ च्‍युङ्‍नी खोकी खोरे मीतिवाला थाक्‍छ्‌येन नङ्‍गुप साङ मुला राङ थोप्‍नी वे।

एफिसी 3:9

तमा तेरी च्‍यालकतिवा ज्‍ये नङ्‍गुप कोन्‍छ्‍योककी ताङ्‍बो ताङ्‍बो नेज्‍युनी छ्‍याकला वोतुप नोवाकी तेन्‍दोक ति काङ यिन सिनी तेरी मीतिवाला ख्‍याप्‍टाक कितुप कटिन ति ङला नङ्‍गुप यिन।

एफिसी 6:19

ङ खोकी सुङ ख्‍याप्‍टाक कितुप पेला ज्‍यिवा माक्‍यावा क्‍यानी छ्‍याकला वोतुप कोन्‍छ्‌योककी सुङगी तेन्‍दोक ति ख्‍याप्‍टाक कि थुप्‍शी सिनी मोपोर क्‍या नाङ।

कलस्सी 2:2

ङे तुक क्‍यावु ति ख्‍यिराङ ताङ तिवी सेमला ङाडेङ ङ्‍येनी च्‍यिककी च्‍यिकला ङ्‍यिङ्‍ज्‍ये किशी सिनी यिन। तुक क्‍यासिन वुतुङ के ख्‍यिराङ तेरीकी सुङ टेङ्‍बु हाक्‍कोनी सेमला तेन्‍तेन तेपा क्‍यानी कोन्‍छ्‍योककी छ्‍याकला वोतुप ख्रीष्‍टला ल्‍यामु क्‍यानी ङो शे थुप्‍किवी।

कलस्सी 4:3

तमा ङ्‍यिरा थोक्‍ला साङ मोपोर किसा। कोन्‍छ्‍योककी सुङ ख्‍याप्‍टाक कितुपला खोकी दाक्‍पी थोक्‍ला गो पेनी ख्रीष्‍टकी छ्‍याकला वोतुप ताम्‍ङेतिवा ख्‍याप्‍टाक कि थुप्‍शी। तीकी थोक्‍ला राङ ङ चोन्‍खाङला शोर्नी वे।

हिब्रू 13:22

अच्‍युनुपतिवा, ङ ख्‍यिराङला ठाकुरे सिरिन, ङे टोङ्‍गु बिन्‍दुप ति ङ्‍येना। दी टोङ्‍गु ति ङे ख्‍यिराङला चेयी तिराङ टिनी वोतो।

१ पत्रुस 5:12

दी यिकी ति खोङ्‍तेर्मु वोतुप ङे नुप सिलासला टिक च्‍यितुप यिनो। दी यिकी ति ख्‍यिराङला टोङ्‍गु तेरुपला ताङ कोन्‍छ्‍योककी कटिन टेङ्‍बु ति दी राङ यिन सिनी पङ्‍बु तेरुपला टिवु यिनो। तुक क्‍यानी ख्‍यिराङ दी कटिनला ल्‍यामो क्‍यानी देता।

२ पत्रुस 3:15

कोन्‍छ्‍योककी हम क्‍यानी गुनी देतुप ति दाक्‍पु दिक्‍पा ने थरुपला यिन सिनी नासाम तोङ। दाक्‍पी नुप पावलकी साङ कोन्‍छ्‍योककी नङ्‍गुप रिक्‍पा नेसुर ख्‍यिराङला ती ताम्‍ङेकी थोक्‍ला टिवु यिन।