एफिसी 3:20 - कोन्छ्‌योककी सुङ

²⁰ कोन्‍छ्‌योककी दाक्‍पी नाङ्‍ला लाका कितुप खोरे ओङ्‍ज्‍येन नेमा राङ दाक्‍पी लङ्‍गुप ताङ नासाम तङ्‍गुप सिनाङ ल्‍हक्‍पा दाक्‍पुला नङ्‍गिवी।

एफिसी 3:20 Iomraidhean Croise

मत्ती 3:9

तमा ख्‍यिरा सेमला ‘अब्राहाम ति दाक्‍पी पगावा हङ्‍गावा यिन।’ सिनी नासाम मातोङ, च्‍यिलासिसिन कोन्‍छ्‍योककी दी दोतिवाला साङ अब्राहामकी गिपा जो थुप्‍किवी।

यूहन्‍ना 10:10

कुर्मेन याङ कुन कितुप ताङ सेतुप ताङ ना तोङ्‍गुपला तिराङ गिवी। यिने ङ याङ लुकतिवाला मिजी ङ्‍येशी, तमा छाछिङी ङ्‍येशी सिनी वावु यिन।

रोमी 16:25

त याङ दाक्‍पु तेरीकी कोन्‍छ्‍योकला मोवा कितुप। खोकी राङ ख्‍यिराङला ङे ख्‍याप्‍टाक क्‍यावु येशू ख्रीष्‍टकी लेन ल्‍यामु नेसुर नरी तेपा रम्‍बु क्‍या दे ज्‍यिकिवी। ती लेन ल्‍यामु ति कल्‍वा कल्‍वा नेज्‍युनी छ्‍याकला ज्‍याङ वोतुप यिन।

रोमी 4:21

कोन्‍छ्‍योककी खोरो थाक्‍छ्‍येन नङ्‍गुप ति तेरी छे ज्‍यितुप ओङ वे सिनी अब्राहामकी तेन्‍तेन क्‍यासुङ।

१ कोरिन्‍थी 2:9

ती तप्‍की कोन्‍छ्‍योककी सुङला साङ दुक सिनी टि वे, “मीतिवी मिककी माथोङ्‍गुप ताङ नम्‍ज्‍योक माथोवु ताङ नासाम मातङ्‍गुप तेरी ताम्‍ङेतिवा कोन्‍छ्‍योकला ङ्‍यिङ्‍ज्‍ये कितुपतिवी थोक्‍ला खोकी टडिक क्‍यानी वे।”

२ कोरिन्थी 9:8

कोन्‍छ्‍योककी ख्‍यिराङला तेरी मोलाम ति छासे क्‍यानी नङ्‍गिवी। तुक क्‍यानी ख्‍यिराङला तेरी गोवु च्‍यालकतिवा छासे क्‍यानी च्‍युङ्‍नी गोवु सिनाङ मङ छाछिङी डिवी, तमा ख्‍यिरा मी यम्‍बाला ल्‍यामु कितुपला तेर थुप्‍किवी।

एफिसी 1:19

तमा दाक्‍पु तेपा कितुपतिवी थोक्‍ला खोकी छासेकी ङार ति काङ यिनोक सिनी ख्‍यिरा हाक्‍कोशी सिनी मोपोर कितिन। ती ङार ति खोकी चोछ्‍येवु ङार यिन।

एफिसी 3:7

कोन्‍छ्‌योककी ओङ छ्‌येवु लाका नेसुर दी लेन ल्‍यामु ख्‍याप्‍टाक कितुपला ङला खोकी लावा जो नङ्‍गुप यिन। तुक क्‍यावु ति खोकी कटिनकी ङ्‍येम्‍बा यिन।

कलस्सी 1:29

ख्रीष्‍टकी ङे सेमगी दिङ्‍ला ङार नङ्‍गुप तप्‍की राङ ङ दी लाका ति छासे टेमु क्‍यानी कितिन।

१ तिमोथी 1:14

चोवोकी ङला नङ्‍गुप कटिन ति छासेकी ग्‍येर्पु वे। तोजो तिराङ मिन, खोकी ङला ख्रीष्‍ट येशूला वोतुप तेपा ताङ ङ्‍यिङ्‍ज्‍ये बङी क्‍या नाङ्‍सुङ।

हिब्रू 11:19

इसहाक शिसिनाङ कोन्‍छ्‍योककी तीला सेन्‍बु लोङ थुप्‍किवी सिरुप ति अब्राहामला तेपा नोक। तमा वुतुङ के इसहाकला शेप ने सेन्‍बु लङ्‍गुप दोके येलुङ ङ्‍येसुङ।

हिब्रू 7:25

तुक क्‍यानी खोला तेपा क्‍यानी कोन्‍छ्‍योककी चिप्‍ला वुङ्‍गुपतिवा तेरीला खोकी वुतुङ के दिक्‍पा ने थर ज्‍यिकिवी। च्‍यिलासिसिन तेपा कितुपतिवी थोक्‍ला कोन्‍छ्‍योकला मोपोर ताङ गोङ्‍बा शोपला खो नरी ङोसु ज्‍युकिवी।

याकूब 4:12

ठिम नङ्‍गुप ताङ ठिम कितुप ति मिरा च्‍यिक राङ वे। खोकी र्‍होकुप साङ थुप्‍किवी, ना साङ तोङ थुप्‍किवी। तुक क्‍यानी रङगी युल्‍वातिवाला क्‍येन तेरुप ति ख्‍युरुङ सु यिन?

२ पत्रुस 1:11

तमा दिक्‍पा ने थर ज्‍यितुप दाक्‍पी चोवो येशू ख्रीष्‍टकी ख्‍यिराङला नाम्‍साङ ना मोडोवु खोकी ग्‍येल्‍खापला छासे ताङ्‍देन ताङ मुला शुक ज्‍यिकिवी।

यहूदा 1:24

दाक्‍पी कोन्‍छ्‍योककी ख्‍यिराङला दिक्‍पा ने र्‍होकुप ताङ क्‍येन मेतुप जोनी खोकी मोवाकी चिप्‍ला लोदिमु क्‍यानी टिनी डिवी।