एफिसी 3:19 - कोन्छ्‌योककी सुङ

¹⁹ तमा ख्रीष्‍टकी ङ्‍यिङ्‍ज्‍ये ति चुका रिक्‍पा सिनाङ चोछ्‌ये वे सिनी ख्‍यिरा हाक्‍को थुप्‍शी। तमा काङ साङ ङ्‍युङ्‍मु मेतुप कोन्‍छ्‌योककी तेरी छाछिङीकी ख्‍यिरा मिजीला छाछिङी छेङ्‍शी।

एफिसी 3:19 Iomraidhean Croise

मत्ती 5:6

मोलाम थोपुप यिनो, टेङ्‍बु छोलुपला सेमगी दिङ नेज्‍युन छासे नो कितुपतिवा, च्‍यिलासिसिन तिवी सेमला गोवुतिवा तेरी ङ्‍येकितो।

यूहन्‍ना 1:16

खोकी छाछिङी नेमा दाक्‍पुला नरीकी नरी कटिन मङ्‍मु थोप्‍नी वे।

यूहन्‍ना 17:3

तमा नाम्‍साङ मिशिवु मिजी ति च्‍यिक राङ वोतुप कोन्‍छ्‍योक टेङ्‍बुला ङो शेवु ताङ पपी तङ्‍गुप येशू ख्रीष्‍टला ङो शेवु यिन।

रोमी 8:35

ती तप्‍की सी दाक्‍पुला येशू ख्रीष्‍टकी ङ्‍यिङ्‌ज्‍ये नेसुर क्‍येङ्‍सु जो थुप्‍किवी रो? दुक्‍पाला ख्‍येल्‍सिनाङ, दुङलला ख्‍येल्‍सिनाङ, छेटाङला ख्‍येल्‍सिनाङ, ल्‍होरेला गल्‍सिनाङ, पेर्तुङ्‍बा थेन्‍सिनाङ, दुक्‍टा ताङ खुर्पाकी कङगी साङ दाक्‍पुला ख्रीष्‍ट नेसुर क्‍येङ्‍सु जो मुथुपी।

रोमी 8:39

याङ्‍ना स ताङ नामला वोतुप ओङ यिन्‍सिनाङ कोन्‍छ्‍योककी ज्‍ये नङ्‍गुप जम्‍बुलिङला वोतुप तेरी च्‍यालकतिवा काङगी साङ ङ्‍यिराङला ख्रीष्‍ट येशूला वोतुप कोन्‍छ्‍योककी ङ्‍यिङ्‍ज्‍ये नेसुर क्‍येङ्‍सु तोङ मुथुपी।

२ कोरिन्थी 5:14

ङ्‍यिराङ याङ ख्रीष्‍टकी ङ्‍यिङ्‍ज्‍येकी ओङला राङ वे। तुक क्‍यानी ङ्‍यिराङ दी ताम्‍ङे ति तेन्‍तेन वोतुप हाक्‍कोकिवी। मी तेरीकी दिक्‍पी थोक्‍ला ख्रीष्‍ट टुङ्‍सुङ। ती तप्‍की मी तेरी खोकी मुला राङ शेप यिन।

गलाती 2:20

ङ ख्रीष्‍ट ताङ मुला ग्‍यङ्‍शिङ लोला कलुप यिन। तुक क्‍यानी तन्‍दा ङे क्‍योङ्‍गुप मिजी ति ङे ति मिन, ख्रीष्‍टकी ति यिन। दी मिजी ति ङला ङ्‍यिङ्‍ज्‍ये क्‍यानी खोरे मिजी साङ ङे थोक्‍ला नङ्‍गुप कोन्‍छ्‍योककी सेवुला तेपा क्‍यानी क्‍योङ्‍गिवी।

एफिसी 1:23

चर्च ति ख्रीष्‍टकी जु यिन, ती चर्चला ख्रीष्‍टकी तेरी छेङ्‍मा जो नङ्‍गिवी।

एफिसी 3:18

ख्‍यिराङ तेपा कितुपतिवा तेरी खोकी मिछाङ च्‍यिक राङ च्‍युङ्‍नी ख्रीष्‍टकी ङ्‍यिङ्‍ज्‍ये ति चो थेन्‍बु वोतुप ताङ चो मोमु ताङ चो रिङ्‍बु वोतुप ति हाक्‍को थुप्‍शी।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

एफिसी 5:25

ख्‍योवातिवा, ख्रीष्‍टकी चर्चला ङ्‍यिङ्‍ज्‍ये क्‍यानी खोरो मिजी साङ चर्चकी थोक्‍ला जिन्‍बा च्‍युङ्‍गुप दोके दाक दाक्‍पी पेर्मीतिवाला ङ्‍यिङ्‍ज्‍ये की।

फिलिप्पी 1:7

ख्‍यिराङ तेरीकी थोक्‍ला ङे दी नासाम तङ्‍गुप ति टेके यिन। च्‍यिलासिसिन तसाम ङ चोन्‍खाङला वोतुप पेला ताङ चोन्‍खाङ नेमा तेन्‍नी लेन ल्‍यामु ख्‍याप्‍टाक कितुप ताङ तीला तेन्‍तेन कितुप पेला कोन्‍छ्‍योककी नङ्‍गुप कटिनला ख्‍यिरा ङ ताङ मुला लाका क्‍यासुङ। तुक क्‍यानी ख्‍यिराङला नरी ङे सेमला ज्‍याङ वे।

फिलिप्पी 4:7

तुक क्‍यासिन मी नासाम तङ्‍गुप सिनाङ ल्हक्‍पा वोतुप कोन्‍छ्‍योककी लोदिमुकी ख्‍यिरा सेम ताङ नासाम ति येशू ख्रीष्‍टकी ओङ नेसुर र्‍होकितो।

कलस्सी 1:10

तुक क्‍यासिन ख्‍यिरा चोवोकी सेमला डोप मिजी क्‍याङ्‍नी नरी खोला गा लोङ थुप्‍किवी। तमा ख्‍यिराङ तेरी मङ मङ लाका ल्‍यामु कितुप च्‍युङ्‍नी कोन्‍छ्‍योककी नङ्‍गुप रिक्‍पाला फरिन डिवी।

१ पत्रुस 1:8

ख्‍यिरा खोला नाम्‍साङ माथोङ्‍सिनाङ खोला ङ्‍यिङ्‍ज्‍ये किवी, तन्‍दा ख्‍यिरा खोला माथोङ्‍सिनाङ ख्‍यिरा खोला तेपा किवी, तमा ख्‍यिराङला नाम्‍साङ ताम्‍ङे क्‍या मिसिन्‍दुप गा ताङ किर्मु गिवी।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।