एफिसी 3:14 - कोन्छ्‌योककी सुङ

^14-15 ती तप्‍की जम्‍बुलिङ ताङ देवाच्‍येनला वोतुप तेरी मिछाङतिवी मिङ जो नङ्‍गुप पपा कोन्‍छ्‌योककी चिप्‍ला पुमुङ चुनी मोपोर कितिन।

एफिसी 3:14 Iomraidhean Croise

लूका 22:41

तुक सुङ्‍सिमा खो ति लोमातिवी चा नेवा फेचेक फेप्‍नी पुमुङ चुनी दुक सिनी मोपोर क्‍या नाङ्‍सुङ,

लोमा छ्‍येतिवी लाका 20:36

तोजोयी सिक्‍यासिमा पावलकी पुमुङ सला चुनी खोरो मुला वोतुपतिवा तेरीकी मुला मोपोर क्‍यासुङ।

लोमा छ्‍येतिवी लाका 21:5

यिन्‍सिनाङ तेसुर ङ्‍यिराङ क्‍येनी डोप पेला लेप्‍सिमा तिवा तेरी पेजापेर्मीतिवा ताङ क्‍यानी ङ्‍यिराङला क्‍योलुपला ग्‍येसाकी फिला सेक वासुङ। तमा ग्‍येम्‍छो गारीला पुमुङ चुनी मुला राङ मोपोर क्‍यानी तेरी क्‍येयिन।

लोमा छ्‍येतिवी लाका 7:60

ती ज्‍युक्‍ला खोकी पुमुङ सला चुनी थोर ग्‍यप्‍नी सिक्‍यासुङ, “कोन्‍छ्‍योक, दिवी क्‍यावु दिक्‍पाकी क्‍येन ति दिवाला मोफोक्‍शी।” तोजोयी सिक्‍यासिमा तीकी उ छ्‍येसुङ।

लोमा छ्‍येतिवी लाका 9:40

तमा पत्रुसकी ते खाङ्‍बी नाङ्‍ला वोतुप मीतिवा तेरीला पाङ्‍ला तेन तङ्‍नी पुमुङ चुनी मोपोर क्‍यासुङ। ती ज्‍युक्‍ला फुङ्‍बु तीकी थाकाला ल्‍हानी, “ओ तबीता खोक लो!” सिनी सिक्‍यासुङ। तमा तीकी मिक पेनी पत्रुसला थोङ्‍सिमा लानी देसुङ।

एफिसी 1:3

दाक्‍पी चोवो येशू ख्रीष्‍टकी पपा कोन्‍छ्‌योकला सोवा वुङ्‍शी, च्‍यिलासिसिन खोकी येशू ख्रीष्‍ट नेसुर देवाच्‍येनला वोतुप तेरी मोलाम ति दाक्‍पुला नङ्‍नी वे।

फिलिप्पी 2:10

तुक क्‍यानी देवाच्‍येनला वोतुपतिवा ताङ जम्‍बुलिङला वोतुपतिवा ताङ जम्‍बुलिङकी वोक्‍ला वोतुपतिवा तेरीकी येशूकी मिङला ताङ्‍देन कितुपला पुमुङ जुकिवी।