एफिसी 3:10 - कोन्छ्‌योककी सुङ

¹⁰ ती ति चर्च नेसुर खोकी नम्‍बा कुतुक कुतुककी रिक्‍पा ति देवाच्‍येनकी ग्‍येला कितुप ताङ ओङ्‍ज्‍येन वोतुपतिवी पर्ला तसाम छ्‌या देन्‍दुपला खोकी दुक क्‍या नङ्‍गुप यिन।

एफिसी 3:10 Iomraidhean Croise

रोमी 11:33

ए कोन्‍छ्‍योककी रिक्‍पा ताङ येन्‍देन ति छासे ग्‍यक्‍चे वे! खोकी तेन्‍तेन क्‍यानी छ्‍या तेन नङ्‍गुप लाम ति सी साङ हाक्‍को मुथुपी। तुक क्‍यानी कोन्‍छ्‍योककी सुङला दुक सिनी टि वे,

रोमी 8:38

तमा दाक्‍पुला छासे तेन्‍तेन वे। दाक्‍पु शेप यिन्‍सिनाङ मिजी यिन्‍सिनाङ, याङ्‍ना देवाच्‍येनकी लेन क्‍योलुप थुतिवा यिन्‍सिनाङ दी जम्‍बुलिङला ओङ्‍ज्‍येन कितुपतिवा यिन्‍सिनाङ, याङ्‍ना तसाम पेलाकी ताम्‍ङे यिन्‍सिनाङ ज्‍युक्‍थमाला वुङ्‍गुप ताम्‍ङे यिन्‍सिनाङ दी जम्‍बुलिङकी ङार यिन्‍सिनाङ,

१ कोरिन्‍थी 1:24

यिने कोन्‍छ्‍योककी कताङ नङ्‍गुपतिवी थोक्‍ला यहूदी यिन्‍शी ग्रीक यिन्‍शी, ख्रीष्‍ट ति कोन्‍छ्‍योककी ङार ताङ रिक्‍पा यिन सिनी हाक्‍कोकिवी।

१ कोरिन्‍थी 2:7

यिने ङ्‍यिराङ ति गोमाला छ्‍याकला वोतुप ताङ तन्‍दा ति तेरी हाक्‍कोवु कोन्‍छ्‍योककी रिक्‍पाकी कोर्ला ख्‍याप्‍टाक किवी। ती रिक्‍पा ति जम्‍बुलिङ ज्‍येङ्‍गुप सिनाङ गोमा नेज्‍युनी दाक्‍पी मोवाकी थोक्‍ला टडिक क्‍या नङ्‍गुप यिन।

एफिसी 1:21

तमा जम्‍बुलिङ तेरीला ग्‍येला कितुप ताङ तेरी ओङ्‍ज्‍येन ताङ ङार ताङ ग्‍येल्‍खाप ताङ दी कल्‍वाला तिराङ मिन यिने त वुङ्‍गुप कल्‍वा सेक्‍ला वुङ्‍गुपतिवा तेरी सिनाङ चोछ्‌ये जो नाङ्‍सुङ।

एफिसी 1:23

चर्च ति ख्रीष्‍टकी जु यिन, ती चर्चला ख्रीष्‍टकी तेरी छेङ्‍मा जो नङ्‍गिवी।

एफिसी 1:3

दाक्‍पी चोवो येशू ख्रीष्‍टकी पपा कोन्‍छ्‌योकला सोवा वुङ्‍शी, च्‍यिलासिसिन खोकी येशू ख्रीष्‍ट नेसुर देवाच्‍येनला वोतुप तेरी मोलाम ति दाक्‍पुला नङ्‍नी वे।

एफिसी 1:8

खोकी ती कटिन ति हाक्‍कोशी नोनी तेरी च्‍यु ताङ रिक्‍पा ति दाक्‍पुला नाङ्‍सुङ।

एफिसी 6:12

च्‍यिलासिसिन दाक्‍पी ग्‍यकुप मक ति मी ताङ मुला मिन, यिने ओङ्‍ज्‍येन कितुपतिवा ताङ ङार वोतुपतिवा ताङ दी जम्‍बुलिङकी दुक्‍टाकी ङार ताङ देवाच्‍येनला वोतुप डेतिवी मुला यिन।

कलस्सी 1:16

च्‍यिलासिसिन मिककी थोङ्‍गुप ताङ मोथोङ्‍गुप तेरी च्‍यालकतिवा खो नेसुर राङ ज्‍ये नङ्‍गुप यिन। देवाच्‍येन ताङ जम्‍बुलिङला वोतुपतिवा ताङ ग्‍येल्‍ठिकतिवा ताङ ग्‍येला कितुप ओङतिवा ताङ ठिम कितुप ङारतिवा ताङ ओङ्‍ज्‍येनतिवा ताङ तेरी च्‍यालकतिवा खो नेसुर राङ खोरे थोक्‍ला ज्‍ये नङ्‍गुप यिन।

कलस्सी 2:10

तमा ख्‍यिरा खोला तेपा क्‍यावु तप्‍की खोला वोतुप तेरी किताङ नालुतिवा ति ख्‍यिरा मिजीला थोप्‍नी वे। खो ति तेरी ओङ्‍ज्‍येन ताङ ङारतिवी खला चोछ्‍ये वे।

कलस्सी 2:15

ती ग्‍यङ्‍शिङ लोला राङ डेतिवी ओङ्‍ज्‍येनतिवा ताङ ङारतिवाला ना ताङ्‍नी तिवी खला खोकी ग्‍येल्‍सुङ। तमा मीतिवी मिङ्‍गाला तिवाला छ्‍या तेन्‍नी ङोशी मारे जोसुङ।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

१ पत्रुस 1:12

कोन्‍छ्‍योककी लुङ्‍तेम्‍बातिवी नम्‍दर शेतुप ताम्‍ङे ति खोप्‍रे थोक्‍ला मिन, यिने ख्‍यिरा थोक्‍ला यिन। दी ताम्‍ङे ति देवाच्‍येन नेमा तङ्‍गुप कोन्‍छ्‍योककी थु चाङ्‍मा नेमा ख्‍यिराङला लेन ल्‍यामु ख्‍याप्‍टाक कितुपतिवी तसाम ख्‍यिराङला सिक्‍यावु यिन। ती ताम्‍ङे ति देवाच्‍येनकी लेन क्‍योलुप थुतिवी साङ छासे ल्‍हाप गा किवी।

१ पत्रुस 3:22

खो देवाच्‍येनला फेप्‍सुङ, तमा देवाच्‍येनकी लेन क्‍योलुप थुतिवा ताङ ओङ्‍ज्‍येन कितुपतिवा ताङ ङारतिवाला खोरे ओङला ज्‍याक्‍नी खो ति कोन्‍छ्‍योककी यावी थाकाला वोतुप ठीला ज्‍युसुङ।