एफिसी 2:8 - कोन्छ्‌योककी सुङ

⁸ च्‍यिलासिसिन दाक्‍पी खोला तेपा क्‍यानी खोकी कटिनकी राङ दाक्‍पु दिक्‍पा ने थरुप यिन। दी ति दाक्‍पी ङारकी ङ्‍येतुप मिन, यिने कोन्‍छ्‌योक नेमा थोपुप ङ्‍येम्‍बा यिन।

एफिसी 2:8 Iomraidhean Croise

मत्ती 16:17

तमा येशूकी तीला सुङ्‍सुङ, “योनाकी पुज्‍युङ सिमोन, ख्‍युरुङला मोलाम थोपुप यिनो। दी ताम्‍ङे ख्‍युरुङला हाक्‍को च्‍यितुप ति मीकी क्‍यावु मिन, यिने देवाच्‍येनला ज्‍यु वोतुप ङे पपी क्‍यावु यिन।

मत्ती 20:9

गोमु छ्‍युजी ङ चोयीला लाका कितुपतिवा वानी तिवा रे रेला ङुलकी डप्‍बु रे रे ङ्‍येसुङ।

मर्कूस 16:16

सी तेपा क्‍यानी बप्‍तिस्‍मा लङ्‍गिवे, तिवा दिक्‍पा ने थर्वा ङ्‍येकिवी। यिने सी तेपा मिकिवे, तीला पर्च्या फोकिवी।

लूका 7:50

यिने येशूकी ती पुम्‍पेजाला “ख्‍योरो ङला तेपा क्‍यावु तप्‍की ख्‍योरो दिक्‍पा तासुङ। त लोदिमु क्‍यानी ग्‍युक।” सिनी सुङ्‍सुङ।

यूहन्‍ना 3:36

सी कोन्‍छ्‍योककी सेवुला तेपा किवे, तीला नाम्‍साङ मिशिवु मिजी थोप्‍किवी। यिने सी कोन्‍छ्‍योककी सेवुला तेपा मिकिवे, तीला ती मिजी मोथोपिवी, बोरु कोन्‍छ्‍योककी पर्च्या तीकी खला ख्‍येल्‍गिवी।”

यूहन्‍ना 4:10

तमा येशूकी ती पुम्‍पेजा तीला सुङ्‍सुङ, “ख्‍युरुङ कोन्‍छ्‍योककी ङ्‍येम्‍बा ताङ ख्‍युरुङला छ्‍यु लोङ्‍गुप मी ति सु यिन सिनी ङो शेसिन तीला ख्‍योरे लोङ्‍गुप्‍जा, तमा खोकी ख्‍युरुङला मिजी तेरुप छ्‍यु तेरुप्‍जा।”

यूहन्‍ना 5:24

ङ ख्‍यिराङला टेङ्‍बु सिरिन, सी ङे सुङला ङ्‍येन्‍नी ङला तोङ्‍गुप तीला तेपा किवे, तीला नाम्‍साङ मिशिवु मिजी थोप्‍किवी। तीला पर्च्या मोफोकिवी, तमा शेप ने थर्नी मिजी ङ्‍येकिवी।”

यूहन्‍ना 6:35

यिने येशूकी तिवाला सुङ्‍सुङ, “नाम्‍साङ मिशिवु मिजी तेरुप शुब्‍ज्‍याङ ति ङ राङ यिन। ङे ते वुङ्‍गुपतिवा नाम्‍साङ ल्‍होवा मलङ्‍गिवी, तमा ङला तेपा कितुपतिवा नाम्‍साङ कोम्‍बा मलङ्‍गिवी।

यूहन्‍ना 6:37

ङे पपी ङला चेक तेन नङ्‍गुप मीतिवा तेरी ङे ते वुङ्‍गिवी, तमा ङे ते वुङ्‍गुपतिवाला ङ नाम्‍साङ लोक्‍नी मोतोङ।

यूहन्‍ना 6:40

तमा खोकी पुज्‍युङला ल्‍हानी तीला तेपा कितुपतिवा तेरीकी नाम्‍साङ मिशिवु मिजी थोपुप ति ङे पपी नोवा यिन। तमा जम्‍बुलिङकी तिङ्‍मी तुजेला ङ तिवा तेरीला सेन्‍बु लङ ज्‍यितिन।”

यूहन्‍ना 6:44

ङला तोङ्‍गुप पपी मीतिवाला ङे ते वुङ्‍गुप सेम माबिन्‍सुङ सिसिन सु साङ ङे ते वुङ मुथुपी, तमा ङे ते वुङ्‍गुपतिवाला ङ जम्‍बुलिङकी तिङ्‍मी तुजेला सेन्‍बु लोङ्‍यिन।

यूहन्‍ना 6:65

येशूकी येलुङ दुक सुङ्‍सुङ, “तुक क्‍यानी ङे पपी सेम माबिन्‍सुङ सिसिन सु साङ ङे ते वुङ मुथुपी सिनी ङे ख्‍यिराङला सिक्‍यावु यिन।”

लोमा छ्‍येतिवी लाका 13:39

ख्‍यिराङ येशूला तेपा कितुपतिवा तेरीला ख्‍यिरा क्‍यावु दिक्‍पा नेसुर थर च्‍यिनी वे। ती थर ज्‍यितुप लाका ति मोशाकी ठिम नेसुर वुङ मुथुपी।

लोमा छ्‍येतिवी लाका 14:27

तिवा एन्‍टिओखिया लेप्‍सिमा तेकी चर्चकी मीतिवाला मुला राङ कताङ्‍नी कोन्‍छ्‍योककी तिवा नेसुर क्‍या नङ्‍गुप तेरी लाका ताङ कोन्‍छ्‍योककी यहूदी मिन्‍दुप मिरिक यम्‍बाकी मीतिवा चुक क्‍यानी खोला तेपा कि थुपुप जो नाङ्‍सुङ सिरुप ताम्‍ङे ति तिवाला शेसुङ।

लोमा छ्‍येतिवी लाका 15:11

यिने चोवो येशूकी कटिन नेमा राङ दाक्‍पु दिक्‍पा ने थरुप दोके तिवा साङ चोवो येशूकी कटिन नेमा राङ दिक्‍पा ने थरुप यिन सिरुप ति ङ्‍यिराङला तेपा वे।”

लोमा छ्‍येतिवी लाका 16:14

ती पेला ते जोम्‍बुप पुम्‍पेजातिवी नाङ्‍ला लिडिया सिरुप कोन्‍छ्‍योकला शब्‍ज्‍यी बुलुप पुम्‍पेजा मिरा च्‍यिककी ङ्‍यिरा ख्‍याप्‍टाक क्‍यावु सुङ ति ङ्‍येन्‍सुङ। ती पुम्‍पेजा ति थिआटीरा ग्‍येसा ने वावु रा मुक्‍पु चोङ्‍गुप छोङ्‍मेन नोक। कोन्‍छ्‍योककी तीकी सेम ति पेतुप तप्‍की पावलकी ख्‍याप्‍टाक क्‍यावु सुङ ति ल्‍यामो क्‍यानी ङ्‍येन्‍सुङ।

लोमा छ्‍येतिवी लाका 16:31

पावल ताङ सिलासकी “चोवो येशूला तेपा क्‍यासिन ख्‍युरुङ ताङ ख्‍योरो मिछाङ तेरी दिक्‍पा ने थर्किवी।” सिनी सिक्‍यासुङ।

रोमी 10:14

यिने खोला तेपा माक्‍यावुतिवी याङ खोला चुक क्‍यानी रेन्‍गिवी रो? तिवी खोकी कोर्ला थोवु साङ माथो वे, चुक क्‍यानी तिवी खोला तेपा कितुप्‍जा? खोकी कोर्ला ख्‍याप्‍टाक कितुप मी मेसुङ सिसिन चुक क्‍यानी मीतिवी खोकी सुङ थोकिवी रो?

रोमी 10:17

तुक क्‍यानी तेपा ति कोन्‍छ्‍योककी सुङ थोसिमा गिवी, तमा ती थोवु सुङ ति ख्रीष्‍टकी सुङ नेसुर गिवी।

रोमी 4:16

ती तप्‍की कोन्‍छ्‍योककी थाक्‍छ्‍येन नङ्‍गुप ति खोला तेपा कितुप मीतिवाला बिन्‍दुप यिन। ती थाक्‍छ्‍येतुप ति कोन्‍छ्‍योककी कटिन नेसुर वावु तप्‍की मोशाकी ठिमला युकुप मीतिवी थोक्‍ला तिराङ मिन, अब्राहामकी दोके तेपा कितुप तीकी गिपातिवा तेरीला तेरुप सिनी तेन्‍तेन क्‍यावु यिन। तुक क्‍यानी अब्राहाम ति तेपा कितुप मी तेरीकी हङ्‍गावा यिन।

रोमी 4:5

चुका मी तीकी टेङ्‍बु वोतुप लाका ति मिकिवी, यिने कोन्‍छ्‍योक ति मी मेटेङ्‍बुतिवाला साङ टेङ्‍बु वे सिनी सेमला लिङ्‍गुप कोन्‍छ्‍योक यिन सिनी तेपा कितुप पेला तीकी क्‍यावु तेपाला टेङ्‍बु वे सिनी खोकी सेमला लिङ्‍गिवी।

रोमी 9:16

तुक क्‍यानी मी नोवा ताङ टेमु क्‍यानी मिन, यिने कोन्‍छ्‍योककी खोरे नोवा नेमा तिराङ च्‍यम्‍बा गिवी।

गलाती 3:14

ख्रीष्‍टकी तुक क्‍यावु तेन्‍दोक ति अब्राहामला बिन्‍दुप मोलाम ति यहूदी मिन्‍दुप मिरिक यम्‍बाकी मीतिवाला ङ्‍ये थुप्‍शी, तमा दाक्‍पुला ति तेपा क्‍यासिमा कोन्‍छ्‍योककी थाक्‍छ्‍येन नङ्‍गुप थु चाङ्‍मा ङ्‍ये थुप्‍शी सिनी यिन।

गलाती 3:22

यिने कोन्‍छ्‍योककी सुङला “जम्‍बुलिङकी मीतिवा तेरी दिक्‍पी ओङला वे।” सिनी वे। तुक क्‍यानी येशू ख्रीष्‍टला तेपा कितुप मीतिवाला तिराङ खोकी थाक्‍छ्‍येवु ताम्‍ङे ति थोप्‍किवी।

एफिसी 1:19

तमा दाक्‍पु तेपा कितुपतिवी थोक्‍ला खोकी छासेकी ङार ति काङ यिनोक सिनी ख्‍यिरा हाक्‍कोशी सिनी मोपोर कितिन। ती ङार ति खोकी चोछ्‍येवु ङार यिन।

एफिसी 2:10

दाक्‍पु ति कोन्‍छ्‌योककी थोक्‍ला लाका ल्‍यामु कितुपला ख्रीष्‍ट नेसुर खोकी छ्‍याककी ज्‍येवु यिन। दाक्‍पु खोकी नोवाला वोतुप दोके युक्‍शी सिनी खोकी दाक्‍पुला तोङ्‍ला के ज्‍येवु यिन।

एफिसी 2:5

दाक्‍पु दिक्‍पाला शोर्नी शिसिनाङ खोकी कटिन नेमा राङ दाक्‍पुला दिक्‍पा ने थर च्‍यिसुङ।

फिलिप्पी 1:29

च्‍यिलासिसिन ख्‍यिराङ ख्रीष्‍टला तेपा कितुप तिराङ मिन, यिने खोकी थोक्‍ला दुक्‍पा साङ खुर गोकिवी। तुक कितुप ति ख्रीष्‍टकी नङ्‍गुप कटिन यिन।

कलस्सी 2:12

बप्‍तिस्‍मा लङ्‍गुप पेला ख्‍यिराङ ख्रीष्‍टकी मुला राङ मुक्‍तुम ग्‍यपुप दोके यिन। तमा ख्रीष्‍टला शेप ने ङोसु लोङ्‍गुप कोन्‍छ्‍योककी ङारला ख्‍यिरा तेपा क्‍यावु तप्‍की ख्‍यिराङ साङ ख्रीष्‍टकी मुला सेन्‍बु लानी वे।

२ थेसलोनिकी 1:9

तमा ती पर्च्या ङ्‍येतुपतिवा ति चोवो येशूकी मु नेसुर ताङ खोकी ङार छ्‍येवु ओङ वोतुप मोवा नेसुर तेन्‍नी नरीकी थोक्‍ला ना तोङ्‍गिवी।

हिब्रू 6:4

च्‍यिलासिसिन सी थेङ्‍मा यी कोन्‍छ्‍योककी सुङ टेङ्‍बु थोवु ताङ देवाच्‍येनकी कटिन हाक्‍को वे, तमा कोन्‍छ्‍योककी थु चाङ्‍मा थोप्‍नी वे,

१ पत्रुस 1:5

ख्‍यिरा कोन्‍छ्‍योकला तेपा क्‍यावु तप्‍की खोकी ख्‍यिराङला थर्वा नङ्‍गुप पर सेक खोकी ङार नेसुर ख्‍यिराङला र्‍होक्‍नी वे। ती थर्वा ति खोकी मी तेरीला ठिम क्‍या नङ्‍गुपला फेवु पेला खोकी ख्‍यिराङला छ्‍या देन्दुपला टडिक क्‍या वे।